السلام عليكم

انا كلها كم يوم و بدخل عالم الحياة الزوجية
بس المشكلة اني طالبة " متفوقة " جامعية
و مو عارفة شلون اقدر اوفق بين الاثنين

ما ابي اخسر دراستي و بنفس الوقت ما ابي اخسر زوجي
و ابي ارضي ضمير للاثنين

احنا بحاجة اني اواصل الدراسة علشان اعين زوجي
في حياتناااا

مو عارفة احس روحي تعبانة و مو قادرة انظم وقتي

ياريت تساعدوني و احد يساعدني بالي مروااا بنفس الظرف

و هل صحيح انه كل المتزوجات اما فاشلات دراسيا او زوجيا لانه ما يقدرون يوفقون بين الاثنين

استغفر الله في بعض الاحيان اندم اني تسرعت بالارتباط
مدري شسوي
عروس قريبا و حالتي النفسية تعبانة

مبروك يا عروس

شوفي الدراسة لازم تتاثر بس مو معناته ان مستواج بينزل مع الزواج




لا لو شديتي حيلج مستواج بيكون اوكي بس يمكن ما تحصلين الامتياز

ما اعرف انا جي حسبتها ......
انا اجلت زواجي علشان دراستي بس عسب سالفة الامتياز .....

وسالفة التفوق مقدور عليها ........ خاصة اذا الزوج متفهم

و واتفقتوا ان الحمل بعد ما تخلص الدراسة او يكون الحمل في اخر سنة او اخر سنتين

و المفروض زوجج يراعيج وقت الدراسة والافضل انج تسكنين عند اهله عسب شغل البيت

بسم الله
اختي كيف عروس ومعرفك رياح الموت
والله شي يخض
مبروك الف مبروك يا عروس ولا تحملي هم
والمتفوق متفوق دائما وفي جميع الظروف
وأنت لازم تتعلمي أنك تهتمي بأكثر من شئ في نفس الوقت هذه هي الحياة الحقيقية
والا بعيد عن الدراسة وباذن واحد أحد اذا رزقت بخمسة أولاد ستقولين للأول خليك على الانتظار لغاية ما أخلص الثاني وللثالث ارجو الاتصال لاحقا لغاية ما اخلص الرابع وللخامس الجهاز مغلق حتى تخلصي من أبوهم
لا يا أختي الكريمة، اتركي عنك التفكير والهم
فالمرأة بقدرة الله مهيأة للقيام بأكثر من عمل في نفس الوقت فأنت ترينها تتكلم في الهاتف وتدرس ولدها وتضرب الاخر في تناغم عجيب يحسدها عليه الرجل
اقدمي وتوكلي على الله وبالله التوفيق

__________________

ما حرّك داواك

يا الغاليه انا نفسك اذا انتي جامعه انا ثنوي
بس مابعد اتزوج وخايفه كثير انه يقول مقصره بس منكم نستفيد
انصحوني انا بعد <<<<<<<<<<لقافه ضاربه

مكن التوفيق بسهولة

السلام عليكم ورحمة الله وبركاته

اختي الغاليه الف مبروك والله يتمم زواجك على خير يارب ..

راح اقول لك تجربتي انا زوجة وطالبه وام .. بس انا اخنلف مع اخوي ناصر انه ممكن التوفيق بسهوله ... لا والله الموضوع في تعب بس صدقيني تعب حلو ...

واهم شي انك ترتبين وقتك يعني لاتراكمين شغل البيت عليك ..

الطبخ ممكن تسوين الاكل اللي يتحضر من الليل واليوم ال2 بس ينحط في الفرن ... او اذا خلصت الطباخات اللي تحتاج تتبيل من الليل سوي اكلات سهله وحلوه ...

اما بالنسبة لشغل البيت والتنظيف فهذا يعتمد عليكم انتو الاثنين يعني اللي ياكل يشيل الاكل على طول ويحطه في المطبخ واذا سهل الغسيل نفس كوب ماي او عصير ينغسل على طول ويرجه مكانه .. المطبخ حاولي ماتطلعين منه الا وهو نظيف ...

وهكذا ..

صدقيني ياختي الموضوع اكثر شي قوة اراده وضبط الوقت .. وارد واقول لك بتتعبين بس بتحسين حلاوة هالتعب لما تشوفين زوجك راضي ومرتاح وحياتكم حلوة ...

وان شاء الله زوجك يكون من النوع المتفهم يارب ..

ان شاء الله اكون فدتك ولو بشي قليل ببارك الله فيك

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

حاملة الهم أقصد أنه ليس مستحيل الجمع بينها فمثلا ترتيب البيت مرة في الأسبوع أو الأسبوعين لعدم وجود الأطفال اللي يحوسون البيت يصير ماعندك الإ غرفة النوم ترتب يوميا
الغسيل يكون مثلا يوم الجمعة ويكفي الاسبوع كله
باقي الطبخ مثل ماقالت أختي حاملة الهم عندك المغرب مذاكرة وهكذا وأيام الإختبارات ماراح يقصر معك راح يتغضى

السلام عليكم
انتي بس لو تطالعين حولج وكثير حريم يدرسون وفيه امهات لطفلين وثلاث اطفال بعد
المسأله بالنهايه توفيق من الله
لكن تفهم الزوج شي مهم جدا بنظري المفروض انج تبينين له وضعج عشان يتفهم بعد الزواج
وترا مو شرط دراستج بتأثر على حياتج الزوجيه
اللي لازم تسوينه اختي لازم تبرزين شوية شطاره وحسن تدبير منج بحيث انج توازنين وتوافقين بين الاثنين اللي هم زوجج ودارستج وترا هذا مو اختراع واجد حريم موازنين بين حياتهم مع ازواجهم ودراستهم وانا شايف انج قادره على هالشي لكن مرتبكه شوي ومو واثقه وطبعا لازم الزوج يكون متفهم ظروفج بمعنى اذا شاف شوية تقصير يعذر وان شاء الله ماراح يصير تقصير

إذا أرضيتي زوجك بإذن الله ربك سوف يوفقكِ في حياتك وفي كل أمورك ..

ولكن أنصحك نصيحة لاتقدمي طلبات دراستك على طلبات زوجك ..

لأن هذا الشيء يؤثر عليه وإذا حس الرجل أن دراستك أهم منه يمكن يخليك تطلعين من الجامعة ..

ان شاء الله ربنا يوفقك فى الاتنين سوا بس اهم حاجه اهم حاجه ترتيب الوقت وتنظيمه واكيد ان شاء الله هتنجحى فى الاتنين