السلام عليكم ورحمة الله وبركاته

ياليت تشيرون علي محتار بين بنت عمي وهي ذات دين وخلق لكن جمالها متوسط.

وبنت اخرى لاتقرب لي ايضا من عائلة ذات دين وخلق ولكن اكثر جمال بس اقل بياض بالبشره من بنت عمي وش شوركم؟

اخاف اخطب الاخرى ويصير مامليت عيني من البياض وتصير عيوني زايغه للبشره البيضا

اخيرا ابي كل واحد يقلي هل الجمال مهم لو توفر شرط الدين والخلق؟ ابي من واقع تجربه

هههههههههههههه

اول مره اشوف موضوع غريب كذا

والله اشوف انه دامهم ذات دين وخلق استخر واتوكل على الله

واذا احترت مره بين الثنتين حط قرعه ^ _ ^

أخوي ،، أكيد انت عارف إن الجمال مو كل شي .. يعني اهم شي يكون الشكل مقبول من ناحيتك وانك ترتاح نفسياً للوحدة اللي راح تختارها .. ويعني شنو بياض او سمار .. كله حلو والله وانت مرتاح .. وتذكر انك بتختار وحدة تقضى عمرك معاها وهي راح تربي عيالك إن شاء الله .. فأكيد الأخلاق والتربية اهم من "البياض" ..

أول تأكد وخل امك وخواتك يسألون عن كل بنت ويحاولون يختلطون فيهم عشان يعرفون طباعهم وتربيتهم ،، بعدها تقدر تشوف مميزات وعيوب كل وحدة وعاد تختار .. ولا تنسى تصلي إستخارة ..

الله يوفقك يا رب ،،

اوافقها الرأي والله كلامها عين العقل

السلام عليكم ورحمة الله وبركاته,
اخوي "علاقة00" ذكرتني قبل ما أخطب كنت اقول "من مواصفات البنت الي اباها لازم بيضاء" بس سبحان الله الزواج قسمة ونصيب والله وفقني ببنت ذات سمار فاتح وسبحان الله,الله جعل محبتي لها في القلب لا توصف من أخلاقها ووعيها وقبل كل شي دينها.
أستخر الله ولن تندم ابدا.

__________________
لا إله إلا الله عليها نحيا وعليها نموت وبها نلقى الله

تحياتي...
أحمد أبوسند

والله شيء يحير

استخر ، استخر ، استخر

و حاول تنسى الموضوع فترة أو تتجاهله .... علشان تشوف بعدين من اللي لافتة نظرك أكثر و متعلق فيها أكثر ، لأنها بتكون أول من يخطر ببالك بعد هالفترة ، بينما الثانية قد تكتشف أنها لا تعني ذاك الشيء لك

بمعنى آخر .. لازم تصفي ذهنك شوي ، لأن شكلك حاليا قاعد تعقد مقارنات مستمرة و مكثفة تزيد من الحيرة و التردد و الوساوس

الصفاء الذهني مهم جدا + الإستخارة .... و ربك بيدلك على الأنسب

موفق

__________________

اللهم ارحمني و اغفر لي فوق أرضك و تحتها و يوم عرضي عليك

الله يوفقك اخي للي تسعدك فكر برغباتك وموصفاتك الي تفضلها بزوجة المستقبل لانه انت صاحب الشان

__________________
سبحان الله وبحمده سبحان الله العظيم

لابد مع الأستخارة والأستشارة ,,, النظرة الشرعية فهي سبيل لتقرر

__________________
( اللهم إني أسألك حبك وحب من يحبك وحب عمل يقربني إلى حبك )

الله يكتب لك الي فيه الخير ،،

__________________

وش رايك تاخذهم الاثنين ههههههههه
لابشره بيضاء ولاسمراء
كلم الاثنين اذا قدرت والى ترتاح لها روحك اخطبها

أو استخير

الله ييسر أمورك