السلام عليكم ورحمته الله وبركاته

المشكلتي هي زوجي يكره اخوي ويقول انا ماني موديك عندهم ولا بجيبك وعيالي مايروحون معاكي عيالي طفلين بنت خمس سنوات ولد 8 شهور اقول ليه ماخذهم معاي يقول خليهم مع شغاله ورحي

حاولت اني احل معها مشكله وافهم ليه يكره اخوي ما علمني ولكن الموقف صعب اخرتها امس حاولت نتناقش في موضوع علي طول عصب وخصمني وقال يالله بيت اهلك وقلت حرام عليك علي طول اهلي انا ابي بيتي وزوجي وعيالي وشدينها شوي ورمي اليمين الطلاق علي وهي ثلاث مره يطلقني فيها من يوم تزوجنا

بعدها انصدمت انا ونشل تفكيري وقال يا بنت الناس ما دام اخوك هذا بينا بتستمر حياتنا مشاكل وعشان كذا انتهت الحياه بينا اقول له طيب انا قصرت بواجبك ماني مقصره معاك بشي لا تاخذني بذنب غيري يقول خلاص طابت النفس من هذا الكلام

حاولت احنن قلبه علي عيال ولا فيه فايده وفي اخر النقاش قلت انا ماني طالعه من البيت اعيالي وماني مخليتهم معاك
ورحت وخليته ودخلت غرفتي انام

هو سكت ورح علي تلفزيون ثاني وجاء بعد العشاء وخذ بنت يمشيهاا و وسويت له فراش في المجلس الثاني

هذي المشكله بالاختصار

اما اخوي هو الكبير ولي زوجني لاني يتيمه الام والاب يعني هو بمكانه الاب لنا
واخوي ذا له وقفات معاي ماننساها

لكن صات بينهم موقف وهو من بعدها زادت مشاحنات بينهم وانا ضحيه انا متاكده اخوي مايعرف عن الموضوع شي ولا في باله بس زوجي ماخذها بحساسيه زيداه

الموقف هو زوجي طلب من اخوي يوظف واحد معاه اخوي قاله طيب ولا وظف رجال زوجي زعل يقول انا غلطان لي ذليت نفسي له قلت ياخي انت سويت لي عليك وخلاص هو براحته مانقدر نقول شي
يقول ليش يقول طيب قلت له يمكن انحرج منك ولا تاخذها بنفسك كذا

لكن بدون فايده

وبصراحه مابي اكون من من مجموعه المطلقات خوفا علي اطفالي من ضياع

ولا ابي اهدم بيتي بيدي

اما عن طباع زوجي هو من نوع مايعتذر لانه سمعني كلام جاااااااااااارح
هو بعني الكلمه باااايع لكن مابي عيالي يبعدون مني

ولا اريد راجع بيت اخوي لانه سبق لثلاث من اخواتي عاشو الطلاق وانا عانيت معاهم وحسيت فيهم شعور مرير ومحزن وخايفه اعيشه

وشكرا اتمني تردون علي مشكلتي

ماحبيت اطلع من غير ماارد ..مااملك الا الدعاء..
الله يهدي زوجك..
الله يعينك ويصبرك.

الله يسهلها عليكي
ما اعرف ماذا انصحك
وانا اشوف اخوك ربما لم يجد فرصه لتوضيف صاحب زوجك
انتي حاولي ما تكررين هالموقف
الله يسهل عليك يارب

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

انتم ما تتخيلو حيانتا صايره كيف هو بمجلس وانا وعيالي بمجلس الثاني وان جلسنا شوي معاه شوي يقوم ويطلعنا مايبينا نجلس معها هو طبعا مدمن النت وله جوال ثاني مخليه االبنات وبينهم رسائله وسخه مثل وجه لكن شي يقهر والله لو قلبي يطاوع اني اترك عيالي كان خليتهم لكن باااااااقي صغااااااار الولد باقي يرضع مني وعندي شوي فلوس بالبنك وهو كل يوم طالع لي بطلعه هاتي الفوس اشغالها بالاسهم وانا ماني معطيته ريال احمر لو خسرت اروح لمين ذي اخر شي املكه بحياتي

أخيتي الغالية ........... أنين الروح

فرج الله همك وأزال غمك ونصرك على من ظلمك عاجلا ليس آجل .. يبدو أن الطلاق لم يكتمل شروطه لكن !!
حتى لو كان يكره أخوك اللي ماغلط بشئ حاول وماقدر نشكره وخلاص مو يحقد عليه !
ماله حق يعاملكم أنتم بهذه الطريقه السيئه ويرمي الطلاق بلا إهتمام الله يهديه الا دليل على نقص رجولته وأنت تطرقتي أنه راعي غزل وبنات الله يهديه والمسلمين اجمعين اذن هو يبدو لي مو كفوء ويتحجج بأخوك دامك قايمه بواجباته .

المهم الحل ان تدخلين احد من أهله هو بشرط يكون يحبه ويقدره ويثق برأيه مثل أمه أوعمه أو اخته او أخوه الكبير قبل ما ينخرب بيتك وينصحه يعدل سلوكه اول ثم يحسن معاملتك وكل ماكان لك طاقه صبرر الله يقويك ويعينك لا تغادرين البيت .. لأنك لو تركتيه فتحتي للشيطان عليه مدااخل أكبر وأخذ راحته مررررررة !!

أعانك المولى عزيزتي .... أخيتك عاشقة الرياض

عليكم السلام ورحمة الله وبركاته

عفواً .. هنا المكان الأفضل للمشكلة .

لااملك لكي الا الدعاء

اسال من بيده مفاتيح الفرج ان يجعل لكي من كل هم فرج ومن كل ضيق مخرج وان يسخره ويهديه لك وان لايرى غيرك

آآآآآآآآآآآآآآآآآآآآآآآآآآآآآآآآمين



حزنت لاجلك

ولاكن تملكين سلاح جبار تستطعين ان تستغيليهالا وهو (الدعاء)الجأي الى الله وتضرعي له وتذللي له فوالله ماخاب من دعاه

والاستغفار فهو فرج

لقد جربت الاستغفار في مشاكلي والله انه مشكلتي تنفرج على طول

اظل استغفر حتى ارى الفرج




قلبي معك ولي عوده

__________________
ربي هب لي من لدنك ذريه طيبه عاجلا غير اجل وكل عاشقات الامومه

آمين

اسال من بيده مفاتيح الفرج ان يجعل لكي من كل هم فرج ومن كل ضيق مخرج وان يسخره ويهديه

ألله يفرج همك ويهدي زوجك ويسخر قلبه لك ولعيالك ويصلح اموركم ويسعدكم.

__________________
[IMG

اللهم فرج لها همها واصلح لها زوجها
وسخره لها ولأولاده

آمين