سلام عليكم حبيباتي..
جيتكم اليوم بمشكلة جديدة وأتمنى أنكم تجاوبوني على مشكلتي بأختصار أنه شعري صاير جدا خفيف و تعبان من بعد الولادة كان يتساقط كثيرا واللحين وقف التساقط لكن شعري كلش خفيف ومال رونق وصاير خشن نتيجة لأستعمالي الهاي لايت من بعد فترة النفاس والمشكلة الثانية أنه مايطول يعني الطول ليه كتفي وماينزل أكثر أنصحوني شو أسوي عطوني أسم زيت أو شي يفيدني أهم شي يكون أستعماله سهل وبسيط..

مع تحياتي
محبتكم
أم أحمد

ختي بقولك بعض النصايح عن تجربه مني ومن قريباتي وإن شاء الله تفيدك مع المداومه مافي شيء يجي بين يوم وليله ..

سمعت كثير حريم في مجتمعنا يمدحووون البصل أنك تفركينه بفروة الرأس أو تعصرينه وتخلطين مويته بالحناء وتسوينه ..

داومي على حمام زيت مع الشاور دايما يعطي رطوبه للشعر وإذا كان الشعر رطب يطول بسرعه جربي حمام فاشكول كل ماجيتي تاخذي شاور بعد الشامبو سويه لشعرك وعشر دقايق وغسليه يعطي طرااااوة للشعر ..

أنا مرة وصفتلي الدكتورة حبوب كبسولات زيت سمك الحوت آخذها للتساقط والصراحه ماداومت عليها ويوم حملت تدرين شسويت مادري كيف جتني الفكرة صرت اذوبها بمويه ساخنه مغليه وابدأ أفرك فروة راسي فيها وحسيت شعري نمى وزاد سبحان الله ..

أرجو اكون أفدتك ..

__________________







[SIZE]عامٌ قد بدأيلملم اثوابه استعداداً للرحيل فأغفر يارب ذنبي فيه وزللي وتقصيري .

اللهم اسالك بمنك وفضلك ان تحقق لي أمنية حياتي ...

عزيزتي أيام الطفولة تسلمين على ردك ومرورك وراح أسمع بنصايحك إن شاء الله
في أنتظار البقية...

انا اعرف وحده تقول بعد ولادتها استمرت تأخذ الفيتامينات اللي كانت تاخذها بالحمل وتقول ما طاح شعرها مره والفيتامينات هي ملتي فايتمينز ...
وعموما الرضاعة معروف انها تطيح الشعر بسبب لخبطة الهرمونات وبالذات ارتفاع هرمون الحليب ..
وايضا انصحك بزيت الجرجير يكثر الشعر وكذلك الثوف فصين ثوم مهروسين افركيهم في فروة راسك والثوم انا مجربته شخصيا قبل الزواج فعلا مرات قليله كثر شعري وقواه ..
واسمع صديقاتي يمدحون زيت دابر املا بس لازم تستمرين عليه طبعا ..
أمممممممم وش بعد ؟؟ ايه تذكرت اهم شغله اذا كان شعرك ناعم ودهني حطي حنا يلمعه اما اذا ما كان شعرك ناعم يمكن ما ينفع الحنا لانه بيجففه ...
وبس !!
ان شاء الله افدتك

متابعة




الاخوات ما قصروا


بس سمعت عن الحلبة وزيت عافية

__________________

حبوب زيت كبد الحوت
تاخذي حزمه جرجير تضربيها في الخلاط وتحطيها على شعرك

__________________

انا صادتني فتره شعري كان كأنه شعر مومياء .. ونفسيتي تعبت ... رحت الصيدليه وخذت حبوب خاصه بالشعر .. ماذكر اسمها بس كانت زجاجه لونها بني كبيره والحبوب اللي فيها لونها اصفر ... (ليست زيت الحوت ) حبوب حجمها كبير شوي .. وبالفعل شهرين متواصلين مانسيت ولاحبه ... والحمد لله الحمد لله شعري صار احلى من اول ولمعه وطول وصار صحي

__________________
اللهم بارك لي في ابني وارزقني خيرا
الحمدلله رب العالمين

أشكر جميع اللي رد علي بدأت أستعمل زيت دابر أملا اللي على الحنة وفعلا شعري صار ناعم شوي وبدأ يتغير شوي مشكلة الثوم يا خواتي ريحته بس بعد باجربه!!!!!
بس آنه أمس سمعت من وحدة تقول أنه الشعر إذا تقصيه مقطع يخترب ويصير متقصف ويطيح بسرعة هل صحيح هذا الكلام؟؟