السلام عليكم ورحمة الله وبركاته


حدخل في المشكله انا متزوجه وساكنه مع اهل زوجي وهما ما يحبوني من قبل لارتبط بولدهم لانهم كانو رافضيني مع انو ما في اسباب واضحه بس الي فهمتو بعد الزواج من كلامهم انهم كانو يبغو بنت خالتهم يعني ما يبغون من برا العايله .. بس ولدهم اصر ياخدني لانو صاحب اخي وهم من جماعتنا وهو طيب واخلاق واعجب باخلاق وطيبة اخي فحب يتزوج من عندنا وانا كنت رافضه لان اهلو رافضين لكن اخويا ضغط عليا وقالي الرجال شاريك وصار النصيب وتزوجتو .. وكنت رافضه اسكن معهم عشان المشاكل ولمن الاقدار جابتني لعندهم بدت المشاكل كل ما نزلت يقعدو يتكلمو علي ويجرحوني احنا ما كنا نبغاكي شوفي زوجة ولدنا فلان احلى منك او يقعدو يمدحو فيها او جمالها وكنت ازعل ايام واقول يله معليش عشان زوجي وانزل عندهم اذا قللت كلامي قالو مغروره ما تتكلم واذا تكلمت وسولفت طلعو عني كلام ....... واخر شي سو مشكله بيني وبين سلفتي وتخصامنا انا وياها وبعدين تصالحنا المهم تعبت من كلامهم ومشاكلهم ... ومانزلت عندهم ايام وبعدين قلت خليني انزل على الاقل اخلي علاقتنا سلام ... لمن نزلت تفاجات ام زوجي ما تبغى تسلم علي ولا تبغى تجلس في الغرفه اذا كنت موجوده واذا طلعت اشرب مويه او اشوف ولدي تدخل الغرفه واذا دخلت الغرفه تخرج ما ادري وش فيها وبعدين حسيت انهم ما يبغوني اصلا فقررت اني ما انزل عندهم ابددددددددددا الا اذا شفتهم وانا نازله اسلم عليهم بس ... وانا علمت زوجي بكل شي قالي خلاص اجلسي في بيتك وسالتو اذا هم يسالون عني اذا نزل عندهم قالي لا بس قال لو ابوه المفروض هيا تنزل غصبا عنها وانا سمعت من ناس انهم بيشتكو مني ويقولو لهم حرمة ولدنا فلانه ما تحترم امي ولا تسلم علينا وتقول وتقول وكلوووو كلام كذب علي والله العظيم كلام ما قلتو .. ايش اسوي معهم تعبت ؟؟ هما شوهو صورتي عند الناس!!! .. طيب هل انا فعلي صحيح ولا لا ؟؟؟؟؟؟ جاوبوني الله يخليكم تعبت من هدولي الناس !!!!!!!!!

الله يكون بعونك

فعلا الحياة بتصير صعبة جدا بهيك و ضع

الله يفرجها عليك

__________________
اللهم ارحم أخي رحمة واسعة و أجعل قبره روضة من رياض الجنة

اهم شىء ان زوجك بصفك ودعيهم يقولون ما يقولون وطنشى
المهم لا تردى على الاساءه بمثلها
ولا تنزلى لهم الا ان تبدل موقفهم منكى

والله الحمدلله زوجي بصفي لانو شايف اني ما غلطت عليهم وعارف اني طيبه معاهم

وانا مارديت لهم شي... وانا قلت ماراح انزل عندهم لين يغيرو موقفهم مني ..ولكن والله هما زي ما هم ما يتغيرو

الله يعين

فعلا هو صعب بس ايش اسوي !!!

جزاك الله خير على الدعوه

اختي الكريمة خليكي من كلام الناس الناس ماهم عايشين معك


انصحك اختي لمصلحتك تتعايشي معاهم انتي انعزلتي عنهم وهذا فسح لهم مجال يتكلموا عنك بالسوء ويشوهوا سمعتك مثل ما ذكرتي اختي


لهذا انصحك سوي اللي عليكي عاشريهم وسوي الي عليكي من واجبات البيت واحتسبي العمل لله سبحانه وتعالى


وتقربي من ام زوجك الصالح يغلب الطالح انتي لا تطلع منك العيبة وهم مع نفسهم بيعرفوا ان العيب فيهم

اما عزيزتي عن كلام الحريم ( يمدحوا فلانة ويشكروا فلانة ....) لا تشيلي من ها الكلام كل انسان فيه حقه من الجمال حتى ذميم الخلقة يمكن تلاقي فيه من جمال الروح ما قد تفتقده ملكة جمال فخلي افعالك هي اللي تحكم


واكرر لك اكرمي ام زوجك مهما سوت (اذا عندها بنات) بكرا يتزوجوا وما يبقا معاها غير زوجات ابنائها فكوني لها بنت من بناتها


اتمنى لك السعادة والراحة

انتي تقولي تقربي من ام زوجي طيب ام زوجي تهرب مني وعند الناس تقولي زوجة ولدي ما تحترمني !!!!
طيب كلامهم ما شلت همو لكن يسو مشاكل بين السلفات وينقلو كلام بينهم والله صعبه واحراج كمان .. وعلى فكره هم يتكلمو فيني قدام الناس من قبل ما انزل عندهم يعني المجال مفتوح من زمان بس انا كنت اطنشهم .. لكن دحين صرت ما بتحمل الكلام

هما دحين يسو نفسهم قدام الناس انهم طيبين وانا الي ما ابغاهم ولا احترمهم!!!!

ام زوجي بناتها متزوجات وحيلاقو المعامله الي يعاملوني فيها .. بس هي عندها بنت كبيره اكبر مني بخمس سنوات وشخصيتها قويه ولسانها طويل و تمشي البيت بكيفها و تحرض امها علي وهي الي دايم تجرحني بالكلام بس انا ما ودي اغلط عليها لاني احزن عليها احسها حسوده مع اني احس امها فيهاطيبه بس مشكلتها شخصيتها ضعيفه امام بنتها

ياشيخة طنشي ,, الدنيا ماتسوى ظيقة الصدر ,,كلها أيام وبنخلي الدنيا ونروووح..
وماراح يبقى لنا غير عملنا,, والكلام البايخ اللي يطلعونه عنك ما راح تتحاسبين عليه بقبرك بالعكس راح يكون لك كله حسنات
أهم شي أنه ما بينك وبين زوجك مشاكل..

صح اني اطنش بس المشكله انا ساكنه عندهم يعني ما راح اقدر اطنشهم .... لو اني برا صح اجي اسلم عليهم واخرج وانتهى..

شكرا لك والله يعين

شوفي اختي مروحه ..

اولا : الله يعينك على الوضع اللي انت فيه ..

ثانيا : انت لازم تجلسي تتفاهمي مع زوجك وتتفقي معه انكم انتو الاثنين تجلسوا مع امه و خواته و تحلوا الموضوع

وخلي زوجك هو اللي يتكلم و يقول اللي ما يبغى زوجتي ولا يحترمها يعني مايحترمني ..

وخلي كل واحد يقول اللي في خاطره وحاولوا انكم تتوصلوا لحل وسط ..

وش يبون اهل زوجك ؟ وش يرضيهم ؟ ان ولدهم يطلقك عشان هم يرتاحوا وهو يعيش في هم ونكد ؟؟!!!

اختي المواجهه احسن حل .. وخليك واثقه من نفسك و خلي لك شخصيه اختي .. طبعا ما اقصد انك تكوني شينه

وسليطه لسان معهم .. اكسبيهم بالكلمه الطيبه .. وبين كل فتره وثانيه اشتري هديه لام زوجك ..

لكن تأكدي اختي ما راح تتنهي المشكله الا بالمواجهه ... لكنك تظلي حبيسه في بيتك ما ينفع ..

طمنينا عن اخر اخبارك ..