انا عملت مثل مانتي يادكتور امرتيني باني انا وزوجي ندوام علي الجماع من يوم 2/3 لغاية يوم 7/3 بث ماحللتش لغاية دلوقتي انا مستنية اذا كانت الدورة هتاتي ولا لالا وميعادها يوم 18\3 بس انا حاسة انها تاتي لان في بعض الحبوب ظهرت في جسمي وهيا كانت بدات تظهر من يوم 2 فعلا هل معني ذلك ان الدورة عادي سوف تاتي وهل الدورة لو فعلا اتت فهل معني ذلك انة هناك غلط في شيء ما وانا لغاية دلوقتي لم اذهب لدكتورة فاذا ذهبت فعلا للدكتورة علشان احلل واطمن علي نفسي فما نوعية وعدد التحاليل التي تقوم بها الدكتورة وماهو المعاد الصح لكي اذهب اليها هل اذهب اليها في دلوقتي ولا بعد الدورة لما تنتهي ارجو الرد عليا لللافادة بليز

بيبى

بصى يا حبيبتى فرص حدوث حمل ما بين زوجين طبيعين لا يوجد بهم اى مشاكل و بينهم علاقة زوجية طبيعية هى 25% فى كل مرة للقاء بينهم
يعنى انتى ممكن تكونى عملتى اللى عليكى بس ربنا مأرادش المرة دى

و على التحاليل و كلها تحاليل دم هى:

البروجسترون و بيتعمل فى اليوم الـ 21 من اول يوم للدورة

البرولاكتين ، Fsh ، Lh دول 3 تحاليل بيتعملو من اليوم الثانى الى الثالث للدورة


و انا ابتديتلك بالبروجسترون لانك اعتقد انك ممكن تلحقى تعمليه قبل الدورة و اذا كنتى حامل مش حيضرك و هو هرمون بيرتفع فى الدم اذا كنتى حامل

و اذا ربنا مأرادش المرة دى و جاتلك الدورة يبقى تعملى الـ 3 تحاليل الباقية و تروحى للطبيب مرة واحدة و هى التحاليل المبدئية اللى حتتطلب منك

و يا رب ياااااااااااااا رب ان شاء الله تطلعى حامل و تروحى للطبيب عشان متابعة الحمل

__________________
ربنا يحفظلى اولادى من كل سؤ
فَأَنْبَتْنَا فِيهَا مِنْ كُلِّ زَوْجٍ كَرِيمٍ /اللهم ارزق اخواتى بالذرية الصالحة