أبدأ موضوعي بحمد ربي على كل نعمة رزقني ياها...

يمكن في مواضيع كثيرة تماثل موضوعي من خلال ما شفته طوال السنتين الللي مضوا واللي كنت فيهم مواظبة على قراءة مواضيع هذا المنتدى عشان أتثقف جنسيا و دينيا قبل زواجي،،، و الحمدلله لقيت كل ما يثلج الدر من مواضيع في حدودو الأخلاق و المعالجة لمشاكل العديد من الناس،،،

ومع كثرة المشاركات المشابهه لمشاركتي هذه قررت أن أسجّل و أشارك بمشكلتي يمكن لن بغيت أفضفض لجهة تجهل من أكون حتى أبوح ما بخاطري بدون إحراج،، أو يمكن لأن بدأ اليأس يتسلل لنفسي و خاطري المكسور وماقدرت أحل مشكلتي للآن،،

مرت على زواجي حوالي السنة زواج فيه تكامل في المشاعرو الأحاسيس، فيه احترام و نعامل راقي و احترام و حب ولكنه يفتقر للجماع،،

تعبنا من المحاولات و المحاولات يمكن تكون المشكلة مني لأني أشد و أخاف، صار زوجي فاتر وآنه فاترة أكثر ما قمنا نحس بالرغبة لأننا دايما ننتهي بمحاولات فاشلة،،

المشكلة كبرت حتى صارت نفسية بالنسبة لي الكل يسأل : حامل؟؟ وأنا أرد عليهم بوجه مبتسم و خاطر مكسور بلا ،،

اليوم زوجي قال لي كلام جرحني و صارحني بهالشي قال أنامب متأكد غذا أحبك و أعزك،، انكسر خاطري زيادة لكني ماراح ألومه،،،

في أشيا كثيرة أحس لعبت دور في هالموضوع، لكني ماقلتها إلا لكم:
1- سكني في غرفة مع أهل زوجي، دست على راحتي ووافقت المسألة مافيها خصوصية بالمر و أول ما أسمع صوت الباب أو صياح أطفال من برع على طول أبرد و تفشل العلاقة،
2- ما قدر أخذ راحتي بلبسي إلا بالليل و غالبا بالليل نكون تعبانين بعد يوم مليء بالمشاغل

أدري طولت عليكم لكن ما حلت أحد اقوله اللي بخاطري غيركم،،،

طيب حبيبتي هل قلت لزوجك ليش تحسي بهذا الاحساس الي هو فتور و خاصه الاول لانه لازم يكون على علم يمكن يفكر يطلع من بيت اهله و تسيروا في بيت لحالكم فتاخذوا راحتكم اكثر

السلام عليكم

أختي الله يفرج همك

مشكلتك أخيتي تكمن في وجودكم في بيت أهل زوجك

__________________

كان الله في عونك اختي انت وزوجك ..

اختي حاولتي انت وزوجك ان تجدوا لكم حل ..؟؟

خاصه ان مشكلتكم صار لها سنه .. وكل ما لها مشاعركم تفتر .. في حين يجب ان

تكون مشاعركم في اوجها ..

ما في مجال اختي انكم تستقلون في السكن لحالكم خاصه انه الانفراد بزوجك

من اهم الامور في مشكلتك ..

مثلا ما حاولتوا انكم تسافرون في اجازه او انكم تسكنوا في فندق لمده يومين يمكن

نفسيتكم تتحسن ويكون الجو مناسب لممارسة الحب في هدو ء..

وربي يفرج همك ..

اخواتي العزيزات: أميرات، منادى و شاعل

مادري ليش دموعي نزلت يووم شفت ردودكم يمكن لأن حسيت إن في أحد بدأت أشي له و يسمعني،،

أخي شاعل و منادى بحت لزوجي مرة بأن ماخذ راحتي قال لي اقدر أترك أمي بروحها،، ساعات أحس إن أخوانه فيهم أنانية حتى خواته، مارضوا على روحهم يسنون مع أمهم و رضوا على أخوهم،، هم ناس طيبين وما عليهم كلام لكن المواضيع يخص حياتي الخاصة،، مرات مانام الليل لأ ن أشكي له همي بدموعي لين أنام عشان أقوم الصبح و أحس إني مرتاحة،، واليوم طلعت من البيت ومابي أرجع له رحت بيت أمي بدون ما قولهم إن في شي،،

العزيزة أميرات فكرة الفندق حاولت أسويها بس مشكلة فنادق البحرين كل أسعرها نار

عزيزاتي أحس إن وصلت نهاية الطريج أفكر بالطلاق أحس أريح لي لا أظلمه و لا أظلم روحي كارهه الدنيا و مافيها،، و سامحوني على الإطالة

اختي انا معك ان صحة العلاقه الحميمه تعتبر من الدعائم الاساسيه لانجاح

الحياه الزوجيه ..

ذكري الله اختي و اكثري من الدعاء و الصلاه و قراءة القرآن بان الله يفرج همك ..

لكن اختي حسيت انك مع زوجك ما في حوار صريح بينكم بخصوص هذه المسأله

بدليل انك قلتي انك بحتي لزوجك مره ..مره ؟؟!!!

ليه مره ؟؟ المسأله جدا مهمه و تحتاج الي حوار صريح ..وتحتاج الي مرات مو مره

وحده ..

وثانيا ليه تهربين من المشكله و تروحين بيت اهلك و تفكرين في الطلاق ؟؟!!!

حاليا انسي موضوع الطلاق .. وبدل ما تفكرين كيف تنهين حياتك وهي في بدايتها

فكري كيف تصلحين الاوضاع بدل ما تخربيها ..

اختي انا متأكده ان حالتك النفسيه تنعكس على زوجك بحيث انه ما يستطيع ان

يتمم المهمه لما يشوفك انت بهذه الحاله ..

اختي ارجعي الي بيتك و هيئي نفسيتك و رتبي غرفتك و عطريها وبخريها وجهزي

العشاء لزوجك و حطي في بالك انك تعملي ليله حمرا لزوجك و شغلي لكم

اختي موسيقى هادئه رومانسيه و شوية شموع .. على شوية غنج و دلال

وصدقيني اختي راح تبسطوووون .. اهم شي ابعدي الوسواس من راسك انكم

ما تقدرون تنهون هذه المسأله .. و كل شي راح يكون تمام .. اهم شي يا اختي

الاصرار على انجاح حياتكم .. وشيلي من راسك الفشل و الطلاق ..

لا تصيرين هشه زياده عن اللزوم .. قوي قلبك خيتووو ..

وعذرا على الاطاله ..

السلام عليكم ورحمة الله وبركاته


أنا سجلت بالمنتدى عشانك أنت والأخت مريوم


شوفي أختي الله يخليتس

أنا وزوجتي صار لنا مثل ماصار لك بالضبط وأبعلمك وش سوينا :

رحنا لدكتورة عضوية فقالت الزوجة سليمة عضوياً يوم تأكدت إنها سليمة عضوياً رحنا لدكتورة نفسية قالت الزوجة
فيها رهاب من الجماع والرهاب يعني ماهوب قوي بسيط ولا هوب قوي ويمكن التغلب عليه بالادوية .

جيت اتصلت على الدكتور طارق الحبيب الله يجزاه خير قال المسألة بسيطة محتاجة جلسات نفسية عند اخصائية نفسية
وأرسلنا لدكتورة معينة رحنا للدكتورة وسوينا الجلسات بعدين طبقاً وصفت الدكتورة ولكن برضو مانفع شي .

استمرت حالتنا 8 أشهر وحنا مابيينا الحمد لله مشاكل بالعكس نحب بعض بشكل كبير جدا وأمورنا زينة بالحيل
ولله الحمد ، وجنسيا الحمد لله مافينا عيوب .

بس الصراحة تعبنا نفسينا إلى أبعد درجة ، إلى درجة إننا خلاص قررنا نحط لنا فترة معينة إذا ماتم الفض
خلالها نفترق وكل واحد يدور نصيبه .

تصدقين زوجتي رغم إنها تحبني إلى أبعد درجة ورغم إنها بتتعب لو تفارقني يوم واحد ، تصدقين
إنها كانت مقتنعة بالطلاق وتقول أنا ظلمتك .

شوفي لوين وصلت الأمور !!

المهم قررنا آخر شي نستخدم البنج رغم كرهي له ، رحنا لدكتورة وسوت لزوجتي تخدير موضعي ،
ورحنا للبيت وأبشرك تمت العملية خلال وقت قصير .

وهالحين اللهم لك الحمد أمورنا زينة ولا نعاني من مشاكل الفراش ولله الحمد .

الحل بكل بساطة :

1- روحي لدكتورة تشوفك عضوياً . ( الدكتورة لازم تكون فاهمة )
2- اذا أنت طبيعية ولا فيك مشاكل ، خلي زوجك في يوم تكونون فيه رايقين ، أقول خلي زوجك يستاجر
شقة ( إذا البيت مافيه استقلالية ) وروحوا للدكتورة وخليها تسوي لك تخدير موضعي بعدين روحوا للشقة وخوذوا راحتكم
وإن شاء الله بتتم العملية بأقل من التعب الي أول .
3- الدعاء الدعاء ، ولا تنسين الصلاة بآخر الليل << مجربينها .

فيه نقطة مهمة :

الجنس مهم جداً للزوج بالذات ، وزوجك ضحى بالجنس طوال هالسنة ، أنت اتركي السلبية
وحاولي تصيرين على ألم بسيط إن شاء الله .

ترى حتى لو بنجتوا بيصير فيه ألم بس بسيط ولا يذكر إن شاء الله .

بالنسبة للي يسألونك أنت حامل ، قولي لهم أنا وزوجي متفق إن العيال
بعد سنتين إن شاء الله عشان مايكونون عامل ضغط عليك .

اتركي السلبية وأنا أخوك ولا تفرطين بزوج ، وماعليش أنا طولت الكلام لأني حاس بالي تحسون فيه .

وقبل كل شي الله الله بالتوبة من كل ذنب ، والله الله بكثرة التضرع لله سبحانة وتعالى


أسأل الله العلي العظيم رب العرش العظيم أن يفرج كربتكِ أختي الكريمة .

بارك الله فيك اخوي انسان ثاني ..

كنت ناويه اقول للاخت ام سماعيل عن زياره الطبيبه كحل اخير ..

لكن الحمد انك رديت عليها بما انك صاحب تجربه ..

وربي يسعد الجميع ..

أختي العزيزة أميرات ، جزاك الله كل خير،،، شكرا على ردج الرائع،، بس حاليا أحس إني تعبانة ونفسيتي زفت ومب قادرة ارجع خصوصا ن هلهم بيكونون هناك ومب قادرة أشوف أحد يمكن يبي لي أبتعد عنه اليوم عشان أريح لأن ماقدرة أشوف أحد أو أوقف عن البكاء،، و خصوصا إن أحس إن هو تملل منيمهتم و يحتاج يريح ،، و جزاك الله خير مرة ثانية و راح أحاول أطبق كلامج

أخي العزيز إنسان ثاني شكرا على إحساسك بمشكلتي حس فعلا إن ارتحت ن في أحد يحاول يساعدني و يرفع معنوياتي المنهارة،، كلامك ممتاز و جزاك الله خير

أختي العزيزة أميرات ، جزاك الله كل خير،،، شكرا على ردج الرائع،، بس حاليا أحس إني تعبانة ونفسيتي زفت ومب قادرة ارجع خصوصا إن أهله بيكونون هناك ومب قادرة أشوف أحد يمكن يبي لي أبتعد عنه اليوم عشان أريح لأن ماقدرة أشوف أحد أو أوقف عن البكاء،، و خصوصا إن أحس هو تملل مني و يحتاج يريح ،، و جزاك الله خير مرة ثانية و راح أحاول أطبق كلامج

أخي العزيز إنسان ثاني شكرا على إحساسك بمشكلتي أحس فعلا إن ارتحت و في أحد يحاول يساعدني و يرفع معنوياتي المنهارة،، كلامك ممتاز و جزاك الله خير