ساعدوني الله يجزاكم الجنة زوجي والاجازة
السلام عليكم ورحمة الله وبركاته
بداية من قبل الاجازة باسبوع كنت احاول في زوجي عشان اسافر عند اهلي كنت اتمنى اشوف اخوية وبنته ( هو عايش في مدينة ثانية عن اهلي بس هو موجود عند اهلي لان بنته من مولدها تعبانة وكانت في العناية المركزة مدة شهرين والحين الحمد لله طلعت لكن مازالت عايشة عالاكسجين , وهو صار له كسر في الركبة وعمل عملية وغرز ) المهم هذا الكلام من فترة شهرين وشوي وانا طول هذه الفترة مافتحت معاه موضوع اني اسافر لاني عارفة انه راح يعارض عشان العيال والمدرسة والمذاكرة وكل الكلام ذا والحين جات الاجازة وقاعدة احاول فيه كمان مو راضي اخوية خلاص بيسافر يوم 9/4 وانا كل اللي طلبته من يومين اسافر الجمعه وارجع الاحد قال لا انا مابغاك تسافري وتسيبينا وان ما اصدق تجي اجازة ونجلس في بيتنا وننبسط من غير سفر وووووو .. انا قلت والله يمكن الرجال مسوي لنا مفاجاة انا والعيال ومخطط للاجازة هذه وبيبسطنا ووو .. قلت حرام ليش اخرب عليه خليني اشيل فكرة السفر والجلس ...
لكن المصيبة انه عدت 3 ايام من الاجازة ولا قد شفت شي وتفاجات اليوم ..
ارسلت لي صديقتي رسالة قالت احنا طالعين انا والعيال وابو الشباب البحر ايش رايك الحقونا ننبسط سوا هذا الكلام قبل العصر قلت لا ماراح اقوله شي بشوف ايش بيسوي لكن شفت انه مافي اي حركة ايجابية فقمت عملت نفسي اني اقرا الرسالة وقلت له يالا خلينا نلحقهم ونتمشى معاهم ايش تتوقعوا رده اصلا مايبغونا نروح معاهم لو يبغونا نروح كان اعطونا خبر من بدري نجهز نفسنا قلت له انت تعرف ان طلعاتهم دايما كذا وقت ماتجي في راس زوجها قال لها يالا نطلع قال مرة ثانية مو اليوم انا هنا وصلت H عندي قلت له طيب حبيبي مو لازم معاهم خلينا نطلع لوحدنا قال ليه ماتكلمتي من امس عالاقل انتي ماقد قلتي طلعنا ومشينا وسكت وقام راح عند اهله ساكنين قريب مننا ...
انا بصراحة مسكت نفسي غصب وقلت والله ما عاد اجلس لازم اسافر طبعا بيني وبين نفسي ..
والحين قبل شوي جا يقولي ليش زعلانه ومتضايقة انا بصراحة ماعاد قدرت امسك نفسي قلت له انا افكر ان انت مخطط تبسطنا في الاجازة وانك وانك وانك وفي الاخير تقولي انتي ماقلتي ..
قام يراضيني وقال خلاص يالا قومي نروح نتمشى واذا تبغي تروحي عند احد بوديك ((طبعا يتمنى كذا يحطني عند احد عشان يلعب البلووووووووووووووووووووت ))
واي مكان تبغي اوديك قومي اهم شي لاتزعلي ..
انا بصراحة رميتها في وجهه وقلت له الحين ماعاد ابغى اطلع وبكرة بعد مانخلص شغلنا اللي الصباح في المحكمة ( اشغال بخصوص المحلات ) توديني المطار اي رحلة القاها اركب عليها ..
على طول سكت وقبل مايطلع من عندي قاللي قومي جهزي شنطتك اوديك الحين المطار مو بكرة وراح يصلي العشا ..
قولوا لي ايش اسوي وهو ليه مايهتم بالشي اللي يبسطني واحبه هو عارف اني احب الطلعات والتمشيات وهو مرررررررررررررررة يحب بس قعدة البيت حتى مشاويري كلها ولدي يوديني من يوم تعلم السواقة والله العظيم صارت طلعاتي من البيت اكثر منه ...
انا نفسي اطلع معاه ه ه ه ه ...
سامحوني طولت عليكم
11-04-2008, 08:40 PM
ضوابط المشاركة
العرض الشجري