السلام عليكم

أنا ..... صديقة اطياااف إلى سألتكم أطياااف عن خطوبتي قبل وانو جا خطيبي وشافني وبعده قال بيرسل اهله

أهله جو عندنا والحمد لله وقبل مايطلعون من البيت أخته قالت لأمي انهم يبون يخطبوني رسمي يعني بيجي هو مع ابوه او اخوه الكبير ..

فهو من بكره اتصل على ابوي وقاله انه مايعرف هل جيته الأولى ابوي معتبرها خطوبة رسمية او انه يفضل يجيب معه ابوه .. فأبوي قال له انو خلاص بلاش من جيت ابوه وجيته الاولى تكفي ويخلي جيت اهله معاه للملكة ان شاء الله .. فهو قال لأبوي خلاص أجل انا بسوي تحاليل .. وألحين له تقريبا 3 أو اربع ايام مااتصل على ابوي وماقاله اي شي .. مع ان ابوي قاله انه فيه مستشفيات تطلع النتيجة من بكرة اذا بيدفع لهم ..

لكن مدري شصار .. يعني ساعات افكر هل هو استخار وهون عن هالخطبة ومستحي يكلم ويقول

أو انه صحيح تتأخر التحاليل ؟؟؟ مع انو ابوي يقول يقدر يدفع ومن بكره تطلع

يااخوان والله ضايق صدري بقوة يعني مدري شصار .. هو قبل كان مستعجل وقايل انو يبي يتملك بسرعة لكن مدري شصار

بسألكم ... هل ممكن انو ينسحب بدون مايعطينا خبر ؟؟

تعديل بسيط على العنوان
المشرف / شاطئ المحبة

اختي اشوف 3 أو 4 أيام قليل للحكم عليه بأنة قد صرف نظر

يعني ربما التحاليل اخدت وقت او مثلاً انشغل بشيء ما وما سوى تحليل

يعني انتظري شوية اقل شيء اسبوعين

الله يتمم لك امرك على خير ويستخير لك مافيه الخير والصلاح

بالتوفيق

التحليل يستمر بدون واسطة اسبوعين وقد تزيد
وأنا بالرياض قدمته بالواسطة وأستلمته بعد أربعة أيام لظروفي الخاصة

مشكورة اختي حنين

ويارب يكتب اللي فيه خير

أخوي سطام

بسألك .. إنت من زمان مسوي التحاليل وإلا قريب ؟؟ يعني سويتهم قبل اضافة تحاليل الايدز والكبد الوبائي والا بعد ؟ لأنو صاحبتي قالت لي انه صارت تطول التحاليل بعد اضافة هذولي .

بعد بسألك كيف عن طريق واسطة ؟؟؟ مو ممكن تدفع فلوس وتطلع النتيجة بدري ؟؟

ابوي يقول انو ولد عمي قبل زواجه صلح التحاليل في اليمامة ودفع 500 وطلعت النتيجة من بكرة وانه كذا بعد في مدينة الملك فهد

ماشاء الله هذا دليل على أنكِ أيضاً مستعجلة
الله يسعدك

لا تخافين أختي إجراءات التحليل بالكثير تاخذ اسبوع
لأني سويت تحليل وخبروني أن النتيجة بعد أسبوع ... لكن أنتِ أيضاً اعملي تحليل
ليتم بعدها رؤية مدى التوافق بينكم و على إثرها يتم إصدار شهادة التوافق بين الطرفين

وبالتوفيق أختي

مافيه تحاليل بفلوس ولايسمح بالتحاليل ولايوافق عليها المأذون إلا إذا كانت من مستشفى حكومي ومعروف أن الحكومي مجاناً, وفي زواجي الأول أستمر التحليل سبعة أيام ....... وبالواسطة كوني أعرف أحد العاملين من الكادر الطبي, وفي زواجي الأخير وفي نهاية شهر شعبان تم الفحص في أحد المستشفيات الحكومية وأستمر التحليل مدة أربعة أيام وبالواسطة كذلك كوني دائماً لا أذهب إلى أي مكان إلا بعد سؤال المعارف عن واسطة نظير إنهاء إجرائي بكل سهولة ولين, والحقيقة لا أعرف متى طبق تحليل فيروس الإيدز - إتش آي في Hiv, وقد أخبرني أحد الأصدقاء أنه تم إصدار القرار منذ أسبوع تقريباً عبر توصيات مجلس الشورى ولا أعلم هل تم تطبيقه وبإمكانك محادثة المستشفى عبر الهاتف هل تم تطبيقه ولكن يستغرق الفحص وقتاً طويلاً خصوصاً ونحن في موسم زواجات لقرب الصيف وهذا الكلام بدون إضافة التحليل السابق فما بالكِ إن كان قد أضيف ثم يجب عليك التحليل أنتي كذلك من أجل التوافق وبعد أن تنتهي من التحليل عليك تسليمه لزوجك ليتم الذهاب به للمستشفى ويتم معرفة مدى التطابق بين النتيجتين ومن ثم وضعهم في ورقة واحدة وتسلم للمأذون وفي حال إستعجالك, عليك بالتنسيق مع زوجك لكي يتم عمل فحوصاتكم في مستشفى واحد كي يتم عمل التوافق بسهولة بعد التحليل وتخبريهم بأسم زوجك حتى يتم التنسيق ويجمعون التقارير في خطاب واحد

بارك الله لكما وبارك عليكما وجمع بينكما بخير

انا اخذت تحاليلي قبل سبوع والنتيجه بعد 7 ايام
عادي .....توكلي على الله ولا تخافي

__________________
مرّات افكر انتهي من ضيقتي وانـوي الفـراق"
" وافارقك واستوعب ان الفرقى ضيقتها حريـق
كل ماذكرت اني مفارق حضرتك جاني اختناق"
" وكل ماتذكّر لوعتي بمواصلك جانـي شهيـق
في حالتينـك حالتـي حالـه ولايمكـن تطـاق"
"في حين حانت لحظة التحنان والضيقه تضيـق
عَقدت انا مع غيبتـك ومعانـدك امـس اتفـاق"
"والكـل اكّـد ان إسلوبـك معـي ذا لا يلـيـق
ياتارك احساسي على كف الجفـى والاشتيـاق"
" ارحم فطيمك لاغدا فـي داخـل قلـبٍ رقيـق
سبحان الله وبحمده...سبحان الله العظيم

لا تخافي عادي لغاية أسبوعين
الله ييسر أموركم

بــسم الله الرحمـــن الرحــــيـــم

اختي الفاضلة انا تخصصي مختبر والآن موجود بمختبر CBC (المختبر الذي يقوم بفحوصات الزواج ) بأحد المستشفيات الحكومية


فعلا فحص الزواج دائما مايتأخر الى اسبوع او اسبوعيــن !

ويصل الى اكثر اذا كان نتيجة التحليل ايجابية !

وان شاء الله خير اختي ,, وبالتوفيق

واغلب المستشفيات من اسبوع الى اسبوعين بسبب الكثرة في طلب الفحوصات

سلملم ..

عزيزتي النتيجة تتأخر لمدة عشرة أيام

أنا توني مسويتها وطلبت من أحد أقاربي بالمستشفى يطلعها لي من بدري قال : لازم تاخذ وقت


واللحين انتظرها ومرة قلقاااااااااااانة



الله يكتب لنا اللي فيه الخير