انا خاطب ومحتاج خبرتكم ببعض الأسئلة جزاكم الله خيرا (ارجو الدخول من الجميـع )
السلام عليكم ورحمة الله وبركاته
زي ماهو موضح بالعنوان انا خاطب
بصراحه خطبت بنت قريبه لي وذات خلق ودين الله يحفظها ويتمم أمورنا على خيـر
المهم اتفقنا على ان نتراسل بعد ان اباح الشرع هالشي ولله الحمد , وبصراحه ماعندي خلفيه كبيره بكيفية طرح الاساله المهمه اللي تكشف لي شخصيتها ونظرتها بالحياه , ابي اسالها بدون احراج عن ادق التفاصيل حتى اعرف على الاقل كيف بتكون علاقتنا الزوجيه او اسس علاقتنا الزوجيه , لان مقصدي من التراسل اولا هو التفاهم ومعرفة كل شخص فينا شخصية الاخر واسلوبه وفكره وتصرفه بالمواقف
ابي اسالها عن بعض المواقف اللي ممكن تصير وكيف بيكون تصرفها مثلا , بس ماني قادر اجيب لها مثال لقلة خبرتي وأكيد المتزوجين عندهم االعلم الاكبر
ودي تطرحون لي افكار واساله وأمثـال , اقدر اطرحها عليها ,,
اعذروني يمكن اول مره اطرح هالشي لكن لحاجتي للمساعدة جزاكم الله خير الجزاء
اتمنى كل شخص بباله فكره او سؤال او مثال يطرحه لي هنا بدون حرج , لان لاحرج في الدين
والله يجزي كل شخص تواجد هنا بالخير والدعاء الاعظم لكل يد خير كتبت من أجل ان تفيدني
عسى الله يكتب لي ولكم الخير
ولاتنسوني من خالص دعائكم ,,
وجزاكم الله الف الف الف خيـــر جميعا
اتمنى المشاركه من الجميع رجال ونسـاء لانهن الاخبر ببواطن امور النسـاء
بإنتظار مشاركاتكم على أحر من الجمــر !! 
عافاكم المولى
تعديل بسيط على العنوان
المشرف / شاطئ المحبة
التعديل الأخير تم بواسطة شاطئ المحبة ; 25-04-2008 الساعة 11:45 AM
25-04-2008, 01:53 AM
ضوابط المشاركة
العرض الشجري