السلام عليكم ورحمه الله وبركاته

طرحت قبل مشكله عن ام زوجي .. والجماعه ما قصروا وخذت بنصيحت الاعضاء

ولكن

مهمومه والله العظيم ندمانه ليش اتزوجت ابغي حد يساعدني احس اني صغيره وشاله هالهموم على راسي .. ندماااااااااانه يا نااااااااااس ندم شديد .. ما اعرف شو اسوي بحالي ..


عمري 19 وعمر زوجي 25 .. زوجي يشتغل فبزنس بس ما اشوفه الا آخر الليل وغيره ما يطلعني مكان .. وان قلتله طلعني يقولي ما اعرف وين اطلعج يتعذر انه مل من المدينه ويبا يطلع البر .. كرهت طلعه البر ما عنده مكان ثاني غير البر ..

وان قلتله نطلع انروح اماره ثانيه يتحجج لي مسويتلي كرش وتبا تطلع (يلومني ليش حملت ) .. ودوم يقولي حرمه بس اتعطرني واتدخني اقوله عيب عليك اتقولي هالكلام 24 ساعه قاعد فالمكتب وين اشوفك .. ما عندي غير هالغرفه مادري شو يباني اسويله .. والله العظيم اني تعبت تعب احس اني ندمانه كثير .. وكثير منهم زعل يوم اني خذت زوجي .. احس لو ترييت بييلي واحد احسن عنه مادري شو اسوي بحالي والله العظيم اني مهمومه وحزينه جداا .. حتى الاكل ما قمت اشتهي آكل ..


وغيره مادري احس انه يكلم وحده مادري ليش هالاحساس .. امس بالذات صاح تلفونه قلتله رد ع التيلفون ليش ما ترد جان يقولي مب شغلج .. لا تناقشيني بهالمواضيع .. ولما كان التيلفون يصيح ، فالتيلفون خدمه ان اذا حد اتصل يتكلم اسم الشخص المتصل جان اسمع يقول خلود مادري اذا دلع خالد خلووود او اسم بنيه خلود ما سمعت بوضوح ..

وغيره من ملكت عليه وهو ابدا ما يخبرني شي عنه لا اعرف شو عنده وشو يسوي والله مول ما يتكلم ويايه غير كيف حالج وبس ..

واليوم طرشته مسج من الحزن اللي فيني وكتبت فيه :
نصيحه لوجه الله ،
انت انسان مهمل في واجباتك الزوجيه وفي زوجتك ، شوف شو العواقب اللي تنتج من ورا الاهمال .
*شرفك وسمعتك فالحضيض يعني الواحد بيطفر وبيفكر بالشي اللي ينسيه همومه ويا مكثر الشباب يتمنون يكلمون حريم معرسات .
* الانفصال.
*مشاكل كثيره جدا بين زوجتك وبين الاهل .

------------------

مسج ثاني :
اما اذا كانت الخيانه من طرف الثاني فمهما خان بيي اليوم اللي بيفتضح فيه وحبل الكذب قصير والله ما يرضى على عباده ..

-=======

اني والله لاعلم ان الشك من الشيطان وانا ما اشك فيه ولكن كل ما يطلعني طبعا من دون نفس يطلعني ييلس سرحان ويفكر مب معايه ما يسولف ويايه ...

=========

وبعد هالمسج قام يهددني بتصل فاهلج بخليهم يوون وياخذونج اذا تكرر هالشي .. ويقولي مشكلتي يوم خذت وحده ياهل ..


----------------

والله ما اعرف شو اسوي مهمومه والدمعه فعيني

ساعدوني الله يخليكم .. تعبت نفسيتي والله العظيم ..


اسمحولي اذا ما فهمتوا شي ما اعرف كيف اكتب بالعربيه الفصحه كثير .. واسمحولي تعبتكم ويايه ..

__________________
اللهم احفظ لي زوجي و ارزقنا بالذرية الصالحة

اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين

الله يعينج أختي

أنا ريلي فاضي وماعنده بزنس ومع هذا ما يطلعني

ونا ساكنه ويا أهله

ومرات يطنشني يومين مايكلمني

أونه مافي سبب بس جيه


والقهر إنه انسان مب مسؤول ومايحسسني إني زوجته

وماقول غير الله يعينا

لدرجه إني كلمت أخوي الكبير في الموضوع وقلتله

أنا خلاص مابا زوجي أبا اتطلق

عطاني محاضرة طويلة عريضه كلها نصائح وأدعيه لين ماحسيت إني هديت شوي

والحمدلله على كل شي

ونا نفسج أحس إني أتزوجت ونا بعدني ضغيرة بس ها نصيبنا شو نسوي

اتوكلي على الله

وصلي صلاة استخارة

والله يسهل أمورج كلها إن شاء الله

تقبلي مروري

الله يعينك أختي الحبيبه بما أنك حامل هذا اللي متعب نصف نفسيتك واحس انك استعجلتي لما صرحتي لزوجك انك تشكي فيه حاولي تفهمي زوجك وتعرفي كيف التعامل معه
الله يوفقك ويهدي زوجك لك ويقومك بالسلامه

رمستج مفهومة اختي ^_^

توني قريت موضوعج عن عمتج
نصيحة هدي الامور ولاتزيدنها عشان ماايلومج ريلج ويوقول هااي بس مشاكل مع امي ومعاي
يمكن نفسيتج من الحمل الله يقومك بالسلامة
اختي استهدي بالله والله ان شاء الله يعينج
اختي الظاهر توكم فبداية زواجكم ولازم تحصل مشااكل
شوف جربي انتى كم يوم مااتحنين ولا تعصبين خليش طبيعية مرة عاادي عندج الوضوع بدون ماتظهرين زعلج واعطيه واهتمي بحقوقه اعرف صعبة بس جربي
يمكن يحس شووي
بس نصيحة احس المسج الاولى الي عن في شباب ويدورون متزوجات ومادري شو قووي
ماله داعي اختي اتخلينه يشك
الله يهديه ان شاء الله
وخلاص المفروض ماتندمين انج مانتظرتي خلاص الزواج قسمة ونصيب ومكتوب تراه ^_^
مالي غير ادعيلج الله ياربي يفك همج
واختي مب شرط تراه تروحون امارة ثانية تقدرون تتمشون نفس الاماراه ^_^ دامه ماايحب الظهرات
وشوي شووي انتي صدقيني تقدرين عليه ووتطوعين ووتخلينه يتمسك فيج والله
جربي تطرشيله مسجات يوميا بس عاد مب تزعجينه خخخخخخخ طرشيله ادعية ووشوق ووتسالين عنه الله يقومك بالسلامة وفترة وتعدي صدقيني

__________________

إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " ))

الله ييسر أمورج و يسهلج ولادتج

أنا متأكدة إن نفسيتك تعبانة من الحمل

كلمي زوجك و قوليله " ياريت تعذرني هالفترة ليما أولد , لأن نفسيتي تعبانة شوي "

استغلي حملك عشان تعودديه على بعض الأشياء اللي تحبيها ( بس من دون كذب )

قوليله : سمعت إن المشي يسهل الولادة , اشرايك نمشي مع بعض بعد صلاة الفجر ساعة ؟

قوليله : حابة أشتري فواكه و أكل يقويني , شرايك تروح معاي السوق ( و اختاري مكان مو أكل بس , سوق أكل و ملابس و اتمشي )

اتحيزي أوقات فراغه و اطلبي بأدب و لباقة

و احمدي ربك إن علاقتك الجنسية بزوجك زينة , في كثير من السيدات تتمنى زوجها يقرب منها

ادعي الله يسخر زوجك لكِ و يهديه و أكثري من الإستغفار

عليكم السلام ورحمة الله وبركاته




بسيطة ياأختي ولايهمك ، أنا ابداً مااقلل من ضيقتك واحساسك لكن صدقيني الوضع محتاج

إعادة ترتيب وكل شي راح يتغير بإذن الله كما تريدين

ابدأي بنفسك على اساس مايجد أي تقصير منك مستقبلاً

ابعدي عنكِ كل شعور بالندم مع التكرار راح تصدقين هذا الكلام وتجعلين حياتك بنفسك حزينة أكثر

حاولي إنكِ تتفائلين رغم كل الظروف وقولي : إن شاء الله راح تتغير حياتنا

فالتغيير مايأتي بين يوم وليلة ، يبدأ خطوة خطوة

وقولي : الحمد لله فمشكلتك جداً بسيطة كما قلت لك فقط تحتاج وقت لتعديلها وقولي ايضاً : أنا قدها

لاتكثري من الشكوى له ، انشغلي بنفسك قليلاً بلبسك وبالبيت وترتيبه ، مازلتِ صغيرة تمتعي وتفنني

بلبسبك وبدلعك خلي زوجك هو يلتفت لك بروحك الطيبة ، الرجل ينفر رغماً عنه من المرأه النكدية حتى بأصغر الأمور

الرجل طبيعته غير طبيعة المرأه تفكيره واهتمامه بالشرق والمرأه بالغرب صعب يلتقون إلا بقليل من التنازل

وفهم كل واحد منهم لنفسة الآخر ..

انتبهــــي تدخلين فكرة الشك أو المراقبة أو حتى اتهامه بأي شي مادمتِ غير متأكدة

صدقيني هذا مردوده على حياتك صعب وراح يعقد مشكلتك معه

جربي تمدحين زوجك بعمله الناجح وبشكله وبصفاته ماتتخيلين مسألة المدح كيف وقعها على الرجل

لاتجعلين زوجك لايرى منكِ إلا التذمر والشك والضيقة

حتى المسجات اللي ارسلتيها له ، اسمح لي اسلوبك فيها خطأ ، ضعي نفسك مكانه ؟

ارسل لك رسائل كلها وعيد وذم في شخصيته وتخويف !!

واغلبها لستِ متأكدة منها لكن الشيطان هو اللي اكبرها في عقلك تجاهه وهذه مهمة الشيطان يخرب

البيوت العامرة فلا تلتفتي إليه ابداً وثقي بزوجك مادامت تصرفاته معك جيدة ..

طبعاً أنا بدأت بكِ ليس لأن زوجك من غير اخطاء .. لا لا

لكن لأنك انتِ بحثتِ عن حل لهذه المشكلة والمرأه سبحان الله بيدها بعد الله تعديل كل شي

فقط تحتاجين لوقت ترتاحين فيه وتفكرين بعمـــق بحياتك ماينقصها وانتِ ماذا تريدين ؟

اكتبيها جميعاً بورقة ، واكتبي مقابلها جميع الايجابيات التي تعيشينها

صدقيني هناك اشياء رائعة بحياتك الزوجية ولكن ربما انتِ اهملتيها لأنك فكرت بمشكلة واحدة فقط

وانســــي فكرة الإنفصال ولا تفكري فيها ابداً

انظري لما تمتلكينه ولاتجعلين نظرك فقط لما تفتقدينه لأنه وبكل بساطة ليس كل مايتمناه المرء يدركه

ساعدي نفسك بنفسك وهذه هي البداية .. كتابتك لمشكلتك ومحاولتك لحلها هذا بحد ذاته

ايجابية رائعة بشخصيتك ومن هنا بإذن الله ستبدأين بحياة افضل

لدي بعض الاسئلة ..

هل اكملتي دراستك ؟

هل تودين اكمالها وهل زوجك يود ذلك ؟

هل استعديتي لطفلك القادم بإذن الله ؟

من ناحية كيف ستربينه وكيف ستعتنين به وكل مايحتاجه ؟

كل هذه الاسئلة اجيبي عليها بنفسك وابدأي بما ترينه مناسب فوقتك الآن ليس ملك لكِ وحدك

اهتمي من الآن بطفلك وبطفلك الكبير ( زوجك ) وانظري كيف ستتغير حياتك

الاهم ان تبتعدي عن النفسية السيئة والتفكير السلبي والشعور بالندم فكل هذه الأمور مهبطات

للسعادة التي تبحثين عنها

اتمنى أن اكون ساعدتك ولو بالقليل ، وفقك الله وسخر لكِ الخير أين ماكنتِ ..

الله يهدي زوجك لك
والله يقومك بسلامه
توجههي لله بدعاء
والله يفرج همك

الله يعينك
بس اختي انا اقول لا تتخذين اي قرار وانتي حامل ,,
اصبري لين الله يقومك بالسلامه .... وبعدين شوفي قرارك عقب الفتره ...

__________________

(ربي لاتذرني فردا وانت خير الوارثين )

زوجي مثل زوجك رجل اعمال

ونفس وصفك بالضبط
دايم مشغول

كتووم لاابعد درجه^^^طبيعة عملهم تتطلب ذلك فينعكس حتى على حياتهم الخاصه

يسرح كثيرا^^^يفكر باراضيه ومساهمين ومشاكل الشغل

المطلوب منك الانشغال عنه باي شئ دورات هوايات

زيارات عائليه

خصوصا انك حامل وهذا مااثر عليك اكثر

لاتلاحقينه ولاتشكين فيه

رجل الاعمال قليل مايفكر بالعواطف والحب

همه شغله طوال الوقت

ماهو مثل الموظف ان خرج من دوامه نسى كل شئ يخصه

زوجك عمله ياكل ويشرب معاه
\
انشغلي حاليا الى ان يبحث عنك

بالتوفيق

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

يا اختى كلنا في الهواء سواء والله مثلك لا يخرج ولا شيء طول الوقت جالس عالنت ولمن يخرجنى ضارب بوز وطفشان ويسبسب في كل الناس وقرفان ولمن احد من اصحابه يتصل عليه يرحله بأسرع وقت وانا لمن اقله طفشانة ولا همه فينى