السلام عليكم ورحمة الله وبركاته

إلى إخواني وأخواتي الأعزاء
أكتب لكم اليوم وآنا وايد متضايقه وتعبانه وايد وايد أحس نفسيا خلاص ماني قادره بعد
يمكن اللي قرأ موضوعي من فتره يعرف سالفتي أبي حل والله ماني عارفه شسوي مع واحد ظالم مثل طليقي.. ذكرت في موضوع سابق إنه يبي يسفر ولدي بالخارج عشان العلاج الطبيعي بس للحين ماصار شي مع إن مصر لحد ألحين المهم من هالأيام بدأ معاه علاج طبيعي عندنا بالديره مؤقت بس هالشهر بس قال لنا لازم هو يروح يومين وآنا ثلاثه .. كلمت إخته وقلت لها إني ماأقدر لأني تعبانه والله ماعاد فيني طاقه ماانام مع الولد بالليل وعندي دوام وماأصدق أرجع أنام شوي ومرات أروح درس تحفيظ قرآن عشان أنسى شوي وولدي من النوع اللي على طول بين فتره وفتره ينام بالمستشفى وكله نايمه وياه وآنا بس قلت جذي هو كان جايب حق الولد ممرضه نص دوام كان يقوم يقول لها بس لا تروحين بعد لهم ومافي شغل خلاص .. المهم أمي دقت على بيتهم وكلمتهم إن ليش ولدهم يسوي جذي وقالتهم حسبي الله ونعم الوكيل شوي إتصل هو وكلم أمي وتخيلوا نسى كل الطيب اللي سوته معاه من يوم طلقني
وقام يقولها إنتي غصب عليك تمسكين ولدي مو بكيفك وتشوفين راح أبهذلك إنتي وبنتك بالمحاكم وراح أسوي حق الولد إسقاط حضانه وصار سب بينهم وقام يسب أمي ويدعي عليها وعلى فكره هي بعد خالته إخت أمه وبعد رايح مكمل علينا كلام عند خالتي الثانيه كلام يضيق الخلق ووايد وماينقال بس ماأقول إلا حسبي الله ونعم الوكيل أدري طولت عليكم بس الحين قاعده أعيش ضغوط نفسيه مابين إني فكرت الجأ حق محامي يرفع لي قضية عشان إثبات الحضانه وعشان يعطيني كل حقوقي حق الولد لأن ألحين حتى الخدامه الثانيه اللي قال حق أمي إخذيها يقول حتى هذي بسحبها منهم لأنها بإسمه لأنه أهو شايف أهلي مسالمين محد قادر يوقفه عند حده وبنفس الوقت هذا يخوف أخاف ادخل معاه بقصه طويله(وعلى فكره آنا رحت إستشاره بس)... وبنفس الوقت قاعده افكر بسفر ولدي لأن مسوي لنا صيحه على هالسالفه قلبي متقطع لو بياخذه 3اشهر عني وعمري مافارقته ولا يوم وبنفس الوقت محد يقدر يروح وياي لو بروح امس بس يابو طاري الموضوع قدامي قعدت أبكي مو متخيله وبنفس الوقت خايفه ألوم نفسي إذا كبر .
وعلى فكره صح إن الأمور قاعده تتعقد لكن سبحان الله أحس من دعواتي طول هالفتره صج آنا بضيقه بس أحس ربي خلى هالشي يصير فرج لي من ناحية عشان يكرهني فيه لأني إكتشفته على حقيقته إنسان مايستاهل ومايحب إلا نفسه وسبحان الله من عقب ماكنت بكل صلاة أدعي يرجع ماتصدقون اشكثر الله كرهني فيه وألحين لوأموت مافكر بهالشي.


وأخيرا سامحوني على الإطاله والله يخليكم ساعدوني بحلولكم وآراؤكم شسوي والله نفسيتي متحطمه بالمره.

والسلام عليكم ورحمة الله وبركاته



الرجاء الإبتعاد عن اللهجة المحلية قدر الإمكان

والله يا اختى لا اجد ما اقوله لكى الا ان تكثرى من الاستغفار

والصلاة على سيدنا محمد صلى الله عليه وسلم

وتقولى سبحان الله والحمد لله ولا اله الا الله والله اكبر ولا حول ولا قوة الا بالله

اكثرى من هذه الاذكار يعنى فى اليوم 200 او 300 مرة

فأنها تزيل الهم وتبعد الغم وتجلب الفرج بأذن الله

وكذلك هذا الدعاء


اللهم انى اعوذ بك من الهم والحزن واعوذ بك من العجز والكسل
واعوذ من الجبن والبخل واعوذ بك من غلبة الدين وقهر الرجال

ونسأل الله ان يفك كربك ويهدى طليقك ويصرف عنك المشاكل

ولا تنسى قول الله عز وجل

{ادْعُ إِلِى سَبِيلِ رَبِّكَ بِالْحِكْمَةِ وَالْمَوْعِظَةِ الْحَسَنَةِ وَجَادِلْهُم بِالَّتِي هِيَ أَحْسَنُ إِنَّ رَبَّكَ هُوَ أَعْلَمُ بِمَن ضَلَّ عَن سَبِيلِهِ وَهُوَ أَعْلَمُ بِالْمُهْتَدِينَ }النحل125

{وَلَا تَسْتَوِي الْحَسَنَةُ وَلَا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ }فصلت34

وفقك الله لما يحب ويرضى

__________________

حبيبتي انا ابني يحتاج دائما لجلسات علاج طبيعي .. العلاج الطبيعي جدا مهم.. ومايستهان فيه لمصلحه الطفل..
عموما سؤال ماهي الحاله التي يعاني منها ابنك لأستطيع مساعدتك من واقع خبره 4 سنوات..
اعطيني اسم الحاله وموجز عنها وأكيد بسأل لك اذا هذه الحاله تحتاج للسفر ام لا.. لأن أحيانا كثيره السفر يكون كالبقاء لافرق بينهما؟
في حفظ الله

__________________
كل الشكر والتقدير للمجموعه السعوديه لدعم مرضى الصلب المشقوق على ثقتهم بي وأتمنى للحمله النجاح كما الرياض (احتواء،لأننانحبهم نحتويهم)

الله يعينك و يفرج همك

لله يعينك ويفرج همك ويسرلك الخير ويشفي إبنك وحاولي تستغلين وقتك بالإستغفار والدعاء وقراءة القران لها مفعول عجيب وسريع وعن تجربه فلا تضيعينها بالتفكير والهموم وإبذلي السبب عالجي إبنك بأسرع وقت حتي لا تندمي
وفقك الله لكل خير وفرج همك

__________________

الأخ الكريم abo marym
شاكره مرورك وجزاك الله خير وجعله في ميزان حسناتك
وإنشاءالله راح آخذ بنصيحتك والله كريم إنشاء الله

الأخت الكريمه saapna81

الحاله اللي عند إبني اهو عنده مشكله بالعظام اهو مرض بالغضاريف يعني يخلي نموه متأخر ألحين الشهر الياي بكمل سنتين لكن كأنه بالأشهر ولحد ألحين مايقعد ورقبته رخوه وأصابعه وركبته شوي فيهم تيبس غير إن عنده مشكله بالبلع يقولون بعد حق هالشي محتاج علاج طبيعي إحنا كنا مودينه العام أول ماولدته ألمانيا وشخصوا حالته وأبوه عنده كل شي عن حالته وقالوا لنا لازم على طول علاج طبيعي لكن مادري يمكن يكون عندنا نفس العلاج .

وشكرا ياأختي على سؤالج وأسعدني مرورك

الأخت الكريمه عبير الرياض
جزاك الله خير على دعوتج الطيبه وأسعدني مرورك

لاحول ولا قوة الا بالله

الله يعينك حبيبتي ويفرج همك ويحفظلك اولادك

خلي ابوك او اخوك هو اللي يتفاهم معاه احسن ولا تتعرضي له عشان ما يأذيكي

يارب يفرج همك ويشرح لك صدرك وييسر امرك

__________________

أختي الكريمه أم النوري 2008

شاكره لك مرورك وجزاك الله خير على دعواتج الطيبه وإنشاء الله راح آخذ بنصايحج