السلام عليكم

اللهم صل على محمد وال محمد

قضايا الطلاق تزداد .. والضحايا هم الأولاد . ولازال هناك من يصر على زواج الأقارب .
زواجنا في اغلب الأحيان إجباري في قالب اختياري . أو انه احتيالي ورغم الانفتاح . إلا هناك لازالت فئات . تقنع ابنها بان يتزوج ابنة خالته أو عمته أو احد قريباته . ولازال هناك من يقنع ابنته بان ابن عمها انسب من الغريب الذي لا نعرفه ....

قد ينفر البعض من هذه الحقيقة . ولكن اجزم بان هناك لازالت تلك المجتمعات تصر على ألا يخرج ابنها من إطار العائلة ...

وعند الزواج تبدأ المعاناة . ولكن لا بد من الأستمرار لان قرار لانفصال يؤثر على العلاقات بين العائلة .


دعونا نناقش الموضوع بحرية ..

سؤالي هنا ...

لماذا تخطب أنت أيها الشا ب فتاة لست مقتنع بها تمام الاقتناع ؟؟؟ ثم بعد ذلك تقرر أن تنفصل عنها لأنك اثبت لذاتك انك لا تستطيع أن تستمر معها ...كان بإمكانك تفادي الموقف قبل الوقوع فيه .. ثم ترمي بخطئك على القدر والنصيب .
. ( إن الله لا يظلم الناس شيئا ولكن الناس أنفسهم يظلمون ) ..
وللأسف الشديد مع انتشار الأمراض الوراثية إلا إن هناك لازال من يصر على زواج الأقارب .

وإذا بنت أتقدم ليها ولد عمها لو ولد خالتها ورفضته قالوا عنها مغرورة وشايفة حالها . والسبب الحقيقي انه غير متقبلتنه نفسيا كزوج .

الأب : ويش فيه ماتبغيه .... طيب ولد حلال ..وووووو
البنت : مابغى اظلمه نفسي مي قابلتنه . لان قريب من زي اخوتي حتى لو ماتربيت وياه .
الأب : كيف ماتقدري تتقبليه دكم ناس يتزوجوا أولاد عمهم وهم في نفس البيت ويا بعض من لمن كانوا صغار وعايشين حياتهم ؟؟؟؟؟؟؟؟؟؟؟
يالله ويش اتقول ليه في هذي الحالة المسكينة .. كيف أتفهمه ؟؟؟

الولد : انا مابغى من العايلة .
الأم والخوات : ويش فيها بت خالتك دكي حليوة وشعرها حرير وتطبخ وشايلة البيت شيل .( واهم شي يلفت انتباه الأم انها سكاته لاتهش ولا تنش ) ماينسع ليها صوت ...
الولد : انا الصراحة حاط اعيوني على وحدة ابغاكم تشوفوها .
ويروحوا يشوفوها
يجوا يقولوا للولد غير سمرة وانت تقول ماتبغى سمرة . ماتنسابك مو زي المواصفات الي تبغاها .
(وهي اصلا بيضة بياض متوسط بس عشان يخلوه يصرف النظر عنها )..
الولد : يتخيلها وحدة يمكن ماتتقبله نفسه فيضطر ياخذ الي اختروها ليه هم .


أتمنى من الجميع المشاركة ..في الموضوع



فلنتبادل الاراء


دعاكم

عليكم السلام ورحمة الله وبركاته

عفواً .. يُنقل للقسم المناسب .

بهذا الزمن المر مستحيل يقدر الواحد يعرف شخصية اللي مقابله إلا عن علم مسبق
و تجارب و معرفة ...

لذلك نجد البعض يتزوج مرغماً عنه من الأقارب وللأسف تنشأ كل المشاكل
مع اني لست ضده ولكن يجب الحذر ...

نحسب قبل كل شئ غضب الأم
نحسب ألا ينشأ خلاف بين العائلة بسبب الزواج
نحسب ألا يفشل الزواج بسبب تدخل العائلة كونها عائلة !!!
نحسب كل شئ لأنه يتعب القلب و الرأس و العائلة ...

كما انه افضل للدم يعني يجي الأطفال سليمين صحياً .

وجهة نظر خاصة والله اعلم ..

لا والف لا

الا زواج الأقارب لا تقربوا منه ابداً

نصيحة مجرب

وبالله التوفيق

هناك زواجات اقارب ناجحة و هناك زواجات اقارب فاشله..

و مربط الفرس بيد الزوجين

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

انا مع هذا الراي والتوفيق بيد الله سبحانة

ما له دخل زاوج اقارب اغيرة لى ناس من اقاربي متزوجين من بنات خالتهم

والحمدلله مبسوطين وحياتهم مستقرة ولله الحمد

لا تحكمون على انه فاشل او ناجح

له مضار وله منافع

مشكورة على هذا الطرح

تحيتي لكِ

__________________





نبذة عن اطفال ذوي صعوبات التعلم

زواج الاقارب ممكن تكون خلفه مشاكل وراثيه او مشاكل بين الاقارب حال وقوع الطلاق
لكن لو لم يكن هناك تاريخ وراثى لامراض وراثيه وقتها لا مانع
ولو كان هناك ضرر بالغ كان الله حرم زواج الاقارب

فيه مثل يقول الاقارب مثل العقارب

وفيه ايضاَ يقول بعد اللحم عن اللحم لايعفن


اخواني الاعزاء هذا اول موضوع لي وهذا الموضوع لابد للتناقش فيه للاهميته

اولاً عندما تتزوج وحده انت مقتنع فيها بذن الله انو رايح تصير بينكم عشره والى ....الخ

وعندما تتزوج من اقاربك
اولاً هو انك لاتريد التصادم مع هذا القريب سوا خالك عمك خالتك...الخ
صعبه انك تخسر هذا القريب بسبب زيجه فاشله ومبنيه على المشاكل
لانو رايح يصير فيه حزازيات حساسه بينك وبينهم ومهما كان هذي بنتهم
وانا اذكر امي الله يطول بعمرها كانت لاتريد لي بالزواج من بنات عمي وبنات خالي
تقولي لااستطيح فقدان اهلي على حسابك
وهذا هو الحل الصحيح حتى الشيبان يعرفون هذه المصله الان
والزواج قسمه ونصيب وماتدري نصيبك وين
صح انو بعض الزيجات القريبه تنجح لاكن مو الكل
فيه ناس تبي تقول لا القريبه احسن فاهمه عاداتنا وتقاليدنا ومن هالامور
وبقوللك طبع زوجتك من البدايه على طبعك والحياه الزوجيه تنبني على التفاهم بينهم
وان ماتطبعت على طبعك الشكوى الله (إمساك بمعروف أو تسريح بإحسان )

زبدة الموضوع يفضل البعد عن الزواج من الاقارب لانه الشخص لايعلم الغيب ونتيجة الانفصال ومدى تأثر العلاقه العائلية وكذلك الناحية الصحية وهذا شيى مهم جدا والمثل يقول ( الاقارب عقارب ) ودمتم ....

والله عندنا مجتمعنا يتزوج الي يختارها هو بنفسه ما عندنا لازم تاخذ بنت خالتك او عمتك بالعكس الي يوق لعنها الولد يخطبوها اله وهو يروح يشوفها الشوفه الشريعه
والموضوع هذ1 الي انت طارحة بالصراحة أنا اشوفه من أسباب كثرة الطلاق في المجتمع لأن يكون اخذها من غير اقتناع وهي نفس الشي مما يسبب كثير من المشاكل
بس بالصراحة المفروض الولد هو الي يختار شريكة حياته حتى بعدين ما يلوم احد انه اختارها اله
فمن كذ1 الله شرع الشوفة حتى الواحد يشوف شريكة حياته يحس اذا ارتاح لها او عجبته
وفي مثل يقول زواج الاقارب عقارب خخخخخ بس مو صحيح 100% لان في ناس متزوجين الاقارب وسعيدين بحياتهم
الله يوفق الجميع