السلام عليكم ورحمة الله وبركاته

اليوم جيت لكم بمشكلة لوحده اعرفها واتمنى انكم تساعدوها ولو بدعوة صادقة من القلب وجزاكم الله خيرا مسبقا

نجي للمشكلة : صدقيتي انخطبت قبل 6 سنوات لولد ماشاء الله عليه الكل يحسدها عليه وطبعا هو كان بيدرس وهيا بتدرس فأجلوا موضوع الزواج الين يتخرج
المهم في هذه الفترة أم الولد قالت انا ما ابغى دي البنت وصارت كل يوم تطلع فيها عيب جديد والولد متمسك فيها ومصمم انه مابتزوج غيرها ( كان يحبها بجنون وهيا تحبه بجنون )
وفي شوال اللي فات صارت بينهم مشكلة ( الولد والبنت ) والمهم عدا الموضوع بس الولد كان كل فترة يرجع يتكلم في نفس المشكلة بس يرجع يأكدلها انه يحبها وماراح يتخلى عنها خصوصا انها دائما كانت تتوقع انه امه ممكن تخليه يسيبها لان الام ماتبغاها من البداية والولد كان متمسك فيها
وفي شهر ذو الحجة الولد انقلب حاله فجأة وصار يقولها انا ما ابغاكي وماينفع نكمل وزادت المشكلة وصار هو شويه يقولها احبك وما اقدر اعيش من غيرك وشويه يقولها انتي ماتنفعيني ومن دا الكلام
المشكلة انهم فسخوا الخطوبه خلاص والبنت في حالة نفسية سيئة جدا وربنا يكون في عونها واحنا كلنا مقدرين حالتها خصوصا انه الحب اللي كان بينهم مايتوصف يعني كان عشق وجنون
البنت لها فترة تقولي انها شاكة انه احد عمله عمل ( يعني سحره ) عشا يبعدوا عن بعض خصوصا انه كل الحب اللي في قلبه لها اتحول لكره واشمئزاز منها وصار يقولها انا اقرف اسمع صوتك وانا احس اني قرفان منك ومن دا الكلام
المهم هيا مو متأكده من حكاية السحر دي بس بتقول انه للي فيه هيا علامة من علامات سحر الصرف ( تصريف القلوب ) وهيا تبغى تتأكد من غير ماتقولوا انها شاكة في كده خصوصا انها دحين مابتكلمه لانه انفسخ عقد زواجها معاه وكيف توصلوا اذا اتأكدت انه مسحور وكيف تقنعه بدا الكلام خصوصا انه عنيد وممكن يقولها انه انتي بتتوهمي وانك بتقولي كده عشان تبغيني ارجعلك ومن دا الكلام خصوصا انها عارفه انه بتألم من بعده عنها لأنه قلها قبل كده انا حاسس احساس غريب "( مني قادر ابعد عنك وفي نفس الوقت حاسس اني كرهتك )"

اهم شي دحين كيف تتأكد انه مسحور ولا لأ خصوصا انهم بعيدين عن بعض
اسفة على الإطالة بس انا بأنقلكم قصتها كاملة عشان تساعدوها

اللهم فرج همها ونفس كربها
اللهم برد نار قلبها
اللهم رد عليها حبيبها ردا جميلا
اللهم سخره لها واجمع بينهما بالحلااااااال
آميــــــــــــــــــن

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا

الله يعينها أختي

ما أعرف بصراحة شو أقولج

طيب لماذا لا يكون قد غير رأيه بالفعل وخضع لضغط والدته؟!!!!!

أو ربما يكون لا يزال تحت تأثير تلك المشكلة ولم يتخلص من تبعاتها!!!

__________________


اللهم طِيبَ الأثر .. وحُسْنَ الرحيل.

مشكورة على مرورك
ادعيلها براحة البال

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا

حبيبتي هو اكدلها انه امه مالها دخل في الموضوع ولو هو يبغى يسيبها عشان امه كان سابها من البداية خصوصا ان الام من البداية كانت رافضة
هو بيقولها انه صار يكرهها

ومشكورة على مرورك وادعيلها ان ربنا يفرج همها

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا

الحل بسيييط ، لتقرأ سورة البقره
بس المسحور لا يستطيع يقراها يوميا خليها كل فتره تقراها تشوف تقدر كل يوم ولا كل كم يوم ولتقرأ
والرقيه الشرعيه
وخليها تتصل بشيخ ثقه فعلا او تبحث بالنت عن مواقع رقيه وتعرض حالتها
وفعلا السحر يسوي العجايب كله باذن الله لحكمه منه سبحانه

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

الله يفك كربتها ويفرج همها

خليها تتصل بشيخ وتستفسر منه عن حالهم

والله الشافي لهم

__________________
ربي يخليك لي ويحفظك ياأغلى زوج بالدنيا كلها

عساني مانحرم منك ومن حنانك ياتاج رآسي

اختي العزيزة المشكلة ليست فيها وانما في الرجل وهيا ماتقدر تكلمه وتقوله انها شاكه انه مسحور وعشان كده تبغى تتأكد

جزاك الله خيرا على مرورك

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا

جزاك الله خيرا حبيبتي وهيا فعلا جابت ارقام شيوخ وتبغى تتصل وتستفسر

__________________
ربنا اجعلنا ممن نظرت اليهم فرحمتهم وسمعت دعاءهم فاجبتهم
يارب فرج همومنا وارزقنا فرحة تدمع منها اعيننا

اختي
كلام الله ينفع ولا يضر
يجب ان تتلو سورة البقره
ولتعلم سحر التفريق يجب الطرفان ان يرقيا انفسهما
لتعمل بالأسباب لكن لتعلم كل شي خيره ن الله سبحانه
الله يفك كربتي وكربتها يارب

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح