مرحبا اخواتي

طبعا خبرتكم في موضوعي السابق ان موعد ولادتي طاف ومرت عليه 10 ايام وانا بعدني ما ولدت

البارحه طول الليل اتالم ، بطني وظهري كانوا وايد يعوروني ، الالم يروح ويجي
والصبح اول ما قمت من النوم كان نازل مني دم وايد

على طول رحت المستشفى لكن الغريبه ان الدكتوره تقول هذا ما دم، لانه لونه مائل للبني ، قالتلي هذا بداية المخاض ، بس لما فحصتني شافت انه الرحم لسه ما مفتوح الا مقاس اصبع واحد

ورجعت البيت وبدا الاليم يزيد عندي ،والحين الالم يروح ويجي
بس الحين انا خايفه، هل صحيح انه هذا اللي نزل مني ما يضر البيبي يعني شي عادي ؟
واذا فعلا هذا بداية المخاض، كم الوقت اللي احتاجه بعد عشان يفتح الرحم عندي؟
ومتى اعرف انه صار وقت الولاده ؟


مع العلم انه الدم هذا لسه ينزل بكميه خفيفه وممزوج بماده مخاطيه


ساعدوني الله يخليكم

حبيبتي ما رايتي هو سداده الرحم فقط


ومؤشر على بدأ انفتاح الرحم وبالتالي الولادة باذن الله ..


اذا كنتي بكريه

فواحد سم لا تعني أن الولاده سوف تتم في نفس اليوم فقد تستمر ي لايام ..


كثري من الدعااااء ..


والمشي ..


والتيسير من رب العالمين ..


تقبلي تحيااااتي ..

يا اختي الله يهون عليك الولادة ويسسرها يارب ارجوك ادعي لي وقت الولادة بالذرية الصالحة والحمل التام ...

حبيبتي انا رايي تكثري من الرطب او التمر لانه يسهل الولادة وكمان المشي وان شاء الله هاليومين بتولدين باذن الله ..

hanooonah

تسلمي اختي العزيزه، طمنتيني
انا من بدايه التاسع امشي كل يوم ، واليوم كل ما احاول امشي احس بالالم وما اقدر اكمل مشي

دعواتك الغاليه

سيدة برتقالة

ان شاء الله عزيزتي
الله يسمع منك يارب

هلا اختي انت بالفعل في مرحلة بداية المخاض الله يسهل عليك
لما يزيد الدم او تنزل مويه واجد لازم تروحين للمستشفى