[center
]بسم الله الرحمن الرحيم[/center]


في بداية زواجي زوجي منعني من اعمامي على اساس مش مهم اواصلهم وانا قبلت ماابغى مشاكل وشوية مع مرور السنين صار يمنعني من اخوالي وبعدها اخواني وبعدها امي وابويه على اساس كلهم يبغو يخربو بيتي واي احد يبغى يتصل يسال عني يسبهم في التلفون حتى امي وابويه واوصخ الالفاظ تخيلو مع العلم انا اتزوجت وعمري 15 سنه و الحمد لله دحين صارلنا فتره متزوجين وعندي 3 اطفال وانا صابره ماابغى اخرب بيتي عشان اولادي وهو كل ما يشوفني اصبر واهلي يصبرو يزيد في معاملته السيئه مع العلم انا ما عندي جوال عشان هو مايحب يخلي عندي جوال لاكن هو عندو 3جوالات وصل لدرجه مايصرف عليا ابدا ويحبسني في البيت ما اخرج ابدا وطبعا ما اشوف احد من اهلي ولا اكلمهم ابدا مع العلم اني جميله ومربيه اولادي على الدين والصلاه ومتفوقين في دراستهم وانا بعد الله جعلت زوجي يصلي المهم اهلي جميعهم ينصحوني بالطلاق لانني بدات تظهر عليا امراض نفسيه وجسديه وصرت اخاف من الناس زوجي عايش حياته يدخل ويخرج وانا فقط محبوسه مع العلم انه غير محترم مع والدته احيانا اصبر نفسي واقول ان هذا اختبار من الله يختبر صبري وانا صابره والحمد لله ولاكن خايفة على نفسي من الامراض افيدوني جزاكم الله خير وجعله في ميزان حسناتكم