بسم الله الرحمن الرحيم

ياجماعة ساعدوني بالحلول

أنا تعبانة كثير تمر علي أيام تكون النفسية فوق ..

وأيام أكون تحت التحت

لدرجة أن الكل مستغرب مني ويقولون أيش هذا التقلب والمزاجية الغريبة

للأسف أنا حساسة كثير بشكل مبالغ فيه وأتأثر من أقل كلمة او أقل نظرة ..

تمر علي ايام والله ماأطيق فيها نفسي ولا حتى أقدر أقعد مع أي حد وبالذات امي المسكينة أحس نظراتها لي سكاكين تنهش في جمسي

صار السؤال (شفيك يافلانة)

شبه يومي ..

وألحين واصلة مرحلة صعبة جدا جدا

صايرة إذا حاولت أكون عادية وجبرت نفسي أقعد معاهم

الدمعة تنزل من عيوني من غير ماأحس

أقعد أتذكر الي صار معاي بحياتي وينكسر خاطري على نفسي

أو أني أظل ساكتة طول اليوم

وإذا حد كلمني يدوب أنطق لي كلمة من غير نفس ويبان علي

مادري منحرجة من وضعي كثيررررررررررررر

بنت في عمري من غير زواج

وزوجات اخواني في سني متزوجات من سنين وعندهم ماشاء الله أطفال

وبعضهم أصغر مني

وضعي جدا حساس

خصوصا بعد ماانفصلت عقب ماكانوا قربوا يفرحون فيني

دايما احس النظرات موجهة لي والكل يسرح فيني

أحاول ابين نفسي عادية بس والله ماأقدر

في أكثر من موضوع مضايقني

مو موضوع الزواج

بس احس أن هم كل ماشافوني متضايقة أو حابسة نفسي بغرفتي

حطوا في بالهم إني حزينة عشاني ماتزوجت

صحيح ان الزواج مهم وكل بنت تتمناه

وطبعا أنا ارغب في الاستقرار مثل كل البنات

لكن مو هذا هو سبب حزني الوحيد

عندي اكثر من شي مضايقني

ومو هذي المشكلة

المشكلة كيف أقاوم حزني واحتفظ فيه لنفسي

كثير ايام اسحب فيها نفسي من الجلسة معاهم وادخل غرفتي وأقفل على نفسي الباب

ولما اطلع احس كل النظرات موجهة لي

وطبعا انا افسرها نظرات شفقة على حالي

وفي ناس والله احس انهم متشمتين فيني

واذا قلت بقعد معاهم اتضايق ويبان علي الحزن واكون على الصامت طول الوقت

الناس ماعاد تتحمل مزاجيتي

حتى اهلي ملوا مني

آه ياربي والله وضعي صعب وحساس

أحس اني مو مرتاحة في بيتنا اللي هو بيتنا

ومو مرتاحة مع اهلي اللي هم اقرب الناس لي

كيف أبين لهم إني سعيدة ..

كيف ..ساعدوني ..الناس بدت تمل مني ..حتى انا بديت امل من نفسي

الله المستعان

مااعرف ايش اقولك اختي العزيزه
ليس كل ذنبك ، الآن اللي بشعر بالغير نادرين جدا
حاولي ما تحتكي كثير فيهم عشان ما يضايقونك ولا تضايقينهم
واتمنى ان تداومي على سورة البقره خاصه ان سبب انفصالك مجهول

ولا تحملي نفسك فوق طاقتك،هذا قدر الله والله يصبرنا ويعوضنا
يارب يفرجهمنا

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

نايت ..

هذول اهلي مايصير ماأحتك فيهم ,.

احنا في بيت واحد \

ودي أعيش حياة طبيعية

وأتأقلم مع وضعي وأبان جدامهم قوية

بس ماأقدر تعبت والله

انا حسبت انهم صديقاتك!!!!!!!!!!!!!!!!!!!!!!!!!!!!!!!!!!
اذا لا تظهري الحزن امامهم حااااااااااااولي لأن هم ايضا اكيد حزنانييين
اخذي السجاده وادعي الله وابكي وصدقيني حالي يمكن نفسك او اكثر بس حاولي خاصه اهلك المقربين

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

صديقاتي ؟!!

بالعكس صديقاتي انا معاهم علاقتي روعة

لدرجة امي لما تشوفني اتكلم بالتلفون واضحك معاهم تقول لي ليتك تضحكين معاي مثل ماتضحكين معاهم

مسكينة امي ..والله تكسر الخاطر تحاول تداريني وتراعي مشاعري

ومعظم اللي في البيت متعاطفين معاي

بس انا أكره الشفقة اكرهها

واكره في نفس الوقت انهم يتجاهلوني

احيانا أحس اني مراهقة ودلوعة

زوجة اخوي دايما تقول لي :اكبري يافلانة اكبري وكبري عقلك

بس مافي فايدة
عموما نايت حبيبتي الله يسعدك على تجاوبك السريع معاي ومع كل الأعضاء

الله يجبر كسر قلبك ويرزقك من واسع فضله

تذكرين يانايت تفسير الاخ قويد

اذكر انه فسر لك حلم على انك بتتزوجين

وانا بعد قال لي وكثير بنات هنا

ومنهم اللي فعلا تزوجوا

وباقي حنا

يارب يكون تفسيره صحيح ونفرح كلنا ..مع انه صار وقت طويل من التفسير وماشفنا شي

بس ربي كريم

يارب ياكريم يتسجيب
لكن اتذكر كانه ذكرمن اقاربي!!!!!!ومافي حد بقى من اقاربي وعلاتهم معنا للأسف ليست جيده لكن الله كريم وقدير
الله يبشرك بالخير ويجبر خاطرك ويرزقك من يسعدك
والحمد لله على الصحبه الصالحه افتكرت مثل وضعي فاعذريني

لكن اتنبهي اختي العزيزه، امك اولى بصحبتك
وترى الامهات مضغوطات اكثر منا، عشان كذا احنا نحسب انها شفقه ،انتي تعرفين كلام النساء الكبيراتاكيد يؤثر على تعامل البنت المتأخره لانها ودها تطمن عليك
الله يقر عين امك بما تتمناه لكي
دعواتك الصالحه لا تنسيها لي ولنفسك وكل الأخوات

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

يمكن لك أقارب من بعيد وانتي مو عارفة
ذكرتيني بوحدة عندهم لازم الوحدة تتزوج من نفس العايلة
وكانت تقول انا ماراح اتزوج لأن كل أقاربي تزوجوا ومافي حد ياخذني
بس فجأة طلع لها واحد من الأقارب من بعيد ..وتزوجت

الله ييسر أمرها وامرك

سبحاااان الله!
اللهم آميين
جزاكي الله خير واسعدك

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

اسئل الله ان يفرج همك ويزيل ضيقتك ويبدلها بسعاده

حبيبتي ادعي الله وكوني قويه

انتي ما عملتي شي غلط

هذي حياتك عيشيها واستمتعي بيها كيف ما كانت

__________________

أللهم إنك عفوا كريم تحب العفو فأعفو عنا

اختي كنا في الهوا سواء..

انا مشكلتي كانت مثلك.. بس الحين حاولت احصرها.. بقلى جزء فيها ما قدرت عليه وان شاء الله احاول اتغلب..


اختي انا مثلك كنت اعتزل الناس والكل مستغرب مني.. وتلفوناتي انعدمت ما صرت اكلم احد.. وحتى اهلي يتفاجاون اذا طلعت لهم.. ويقولون اجلسي اجلسي وانا انسحب وارجع لغرفتي..







بس غيرت فكرتي تماما.. وحاولت اتغلب عليها..


فكرت امي مالها ذنب اني ابتعد عنها... فكرت لو تموت امي.. والله بعيش بحسره اني خليتها ايام وحيده.. خليتها ايام وهي تناديني.. خليتها ايام وهي حزينه.. قلبي فكري في امك لو تغادر الدنيا.. ايش بيكون وضعك..


فكري بابوك يوم راح يندفن.. شلون تكون حياتك..؟؟؟


فكري انه انتي بنعمة محرومين منها كثير وجود الام والاب بحياتك.. كثير منهم في مثل عمرنا ووضعنا وغير متزوجات.. بس يتميات ام واب..


نعمة والله وجود اهلنا حوالينا..

فكري في اخواتك واخوانك بالبيت يوم راح تنزفين عروس وتغادرينهم.. وتصير هذي الجمعه من الذكريات..


ترى نظرات الشفقة كنت مثلك اتصورها.. بس الحين فكرت انه كثير في مثل عمري غير متزوجات.. والكل يحبهم ويحترمهم.. ويقدرهم.. وهم تشوفينهم مبسوطات وضحك وسواليف.. وما اعتزلوا الناس.. وهم اللي مطلقه واللي محرومه من ولدها.. واللي ما تزوجت.. بس عايشات..

واكتشتف انه مافيه نظرات شفقه الا وهم في وهم.. بالعكس انتي بتصرفك واعتزالك.. تحسسينهم انك اهل للشفقة..



الله يوفقك اختي..


واذا على البكى ابكي وابكي وابكي.. خصوصا من يجي الليل ابكي وانتي تناجين ربك..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء