اخواتي طباخات المنتدى...

كيف طريقة الكبة باللبن او الكبة اللبنية؟؟؟
وعادي اذا عملت الكبة الجاهزة وحضرت انا اللبن ووحطيتها فيه والا ضروري انا اللي اجهز الكبة؟؟

نقلت لك هالطريقة وبإذن الله تنفعك..
المقادير:

المرحلة الأولى :

طريقة عمل عجينة الكبة :

- ربع كيلو برغل أسمر الخاص بالكبة ( من النوع الناعم )
- ربع كيلو ( أو 200 غ ) لحمة هبرة
- 2 بصلة كبيرة مقشرة و مقطعة أرباع
- ملح , بهار



المرحلة الثانية


الحشوة :

- نصف كيلو لحمة مفرومة
- جوز مقطع ناعماً
- بهار و قرفة و ملح



الطريقة:

- ينقع البرغل بالماء البارد مدة 10 إلى 15 دقيقة ثم يصفى جيداً .
- يطحن على ماكينة فرم اللحمة مع البصلة ثلاث مرات .
- ندعك البرغل باليد ( نبلل يدانا بالماء البارد أثناء العجن ) أو على العجانة الكهربائية كتير منيح .
- نضيف اللحمة الهبرة المفرومة و ناعمة جدا و ندعك حتى نحصل على عجينة متماسكة و طرية .
- نقلي اللحمة في مقلاة تيفال ( حتى لا أستعمل دهون ) و نتبل بالملح والبهارات , و السر كل السر في القرفة , ويحرك على النار حتى تستوي اللحمة و تجف مائها تماماً
- نرفع الحشوة عن النار و نضيف الجوز و هكذا تكون الحشوة جاهزة ,



المرحلة الثالثة :

- تحضير أقراص الكبة :


- نقطع عجينة الكبة إلى دوائر
- ترق كل قطعة مثل الصورة باستخدام الإصبع لنعمل فيها حفرة
- بعدها تحشى القطعة بالحشوة
- ثم نقفلها و يكون أمامنا صحن فيه ماء بارد لحتى نبلل أيدينا به و نحرك قرص الكبة بين أيدينا مثل الصورة لحتى ينقفل تماماً
- نصف القطع على صينية مغطاية بكيس نايلون لحتى ما تلزق
- نغلي ماء و ملح ,, و بعد ما يغلي تماماً نضع فيه كم قرص .. ما نكثر الكمية لحتى ما ينتزعوا و نخليهم يغلوا مدة 5 دقائق تقريباً - نرفع القطع على مصفاية ...
-- نضع 2 ليتر لبن غنم مع 3 أو 4 ملاعق رز مطبوخ مع بيضتان في خلاط العصير و نمزج الكل حتى يطحن الرز .
- نضع مزيج اللبن على النار مع قليل من النعناع اليابس مطحون و قليل من الثوم المفروم .
- و نحرك الكل على نار متوسطة ..حتلاحظي أن اللبن بدأ يسمك ..
- أخيراً أضيفي قطع الكبة الجاهزة و خلي اللبنية تغلي على نار هادئة مدة عشر دقايق .. بس انتبهي لأن البن ممكن يعلق في الطنجرة إذا تركتي اللبنية كتير على النااار

.................................................. ...........

__________________

الكبة اللبنية سهلة كتير

أعتقد انو عادي لو عملتي اللبن ووضعتي الكبة الجاهزة فيه
بس فس ناس بقلوا الكبة شوية وبعدين بحطوها باللبن وفي ناس بحطوها مباشرة ... كلو حسب الزوء
شو الي بتحبيه اعمليه
الطبخ وما فيه عملية ممتعة ومغامرة وتجربة
جربي واحكيلنا شو بصير معك

تحياتي الحلوة

جزاك الله خيراً

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

مشكورة حبيبتي qawlp على هذي الطريقة..
بس انت جربتيها من قبل والا بس منقولة؟؟؟

مشكورة حبيبتي على الدعم والتشجيع..
بس ماقلت لي كيييف طريقتك؟؟؟
ان شاء الله ارد عليك لما اعملها..

لا والله يالغالية ما جربتها ..لكن هي طريقة موثوقة لأنها من عضوة طباخة ومبدعة درجة أولى في منتدى ثاني..

__________________

خلاص ان شاء الله راح اجربها واقول لك وش يصير معي....
مشكورة وماقصرت..

[بالنسبه لطريقتي انا بجيب الكبه جاهزه يعني مثلجه عندك أحسن الانواع سنبله
بالصوره استعملت الكبير بس شكل الحبه مش متل الكبه المعروفه بس السنبله شكلها ممتاز
انا بحب اعمل هاي الطريقه لانها سريعه وبجيب كل شي جاهز ما بغلب حالي بعمل الكبه ما عمري جربت أعملها لحالي
اذا عجبك منظرها قوليلي أكتبلك الطريقه
خصوصا اني رديت متأخر بس حبيت أعملها بالأول وأصورلك ياها

__________________
اللهم بارك لي في اولادي ولا تضرهم ووفقهم لطاعتك وارزقني برهم

طبعا انا بعمل جنبها رز أبيض بالشعيريه
وفي ناس بحبو يعملوها وياكلوها من دون رز وكمان بتزبط تنعمل طبق جانبي بالعزايم
وملاحظه طعم الكبه المثلجه لزيز ما بفرق شي عن الطازه

__________________
اللهم بارك لي في اولادي ولا تضرهم ووفقهم لطاعتك وارزقني برهم