السلام عليكم ورحمة الله وبركاته.......... بصراحه انا ضيفه جديده في المنتدى واتمنى لو اكون واحده من اعضاء المنتدى ونشارك بعض في مشاكلنا وهمومنا واشياء كثيره تخصنا ويمكن مانقدر نفضفض فيها لاحد بس هنا بالمنتدى يمكن راح نأخذ راحتنا اكثر انا بصراحه عندي موضوع وابغى اطرحه عليكم واشوف ارائكم وبكل صراحه .................

اناصديقتي الحمد الله انخطبت لشخص وتمت الملكه وحسيت بالفرحه الي يمكن عمري ماحسيتهالانها اغلى صديقه عندي وتوقعت انها لقيت الشخص الي بيسعدها وبيعرف قدرها وفجأة تبخرت الاحلام وصدمت بما لم تتوقعه لما جاء العيد وحطوا في بالكم هذا اول عيد يجي وهم مع بعض تدرون وش اعطاها






























200 ريال تخيلوااا انا والله سألتها وبكل بساطه قالت 200 ريال انا انصدمت بس سكت لماحسيتها مضايقه من الموضوع تقول ما كان همني الهدية ولا قيمتها ولا ايش راح يهديني بس كانت الهدية هاذي راح تبين غلاتي عنده على الرغم من ان راتبه كويس انا والله حزنت عليها وقمت اخفف عنها رغم ان الموضوع مايترقع انا الى الان مستغربه فيه رجال الى الان بهذا الاسلوب وما يفهمون هذا راي وانتوا وش رايكم بهذا الموقف انتظر ردكم وبكل صررررررررررررررررررررررررررررررررررررررررررررراحه

و عليكم السلام ورحمة الله وبركاته

أختي الكريمة
1- النساء عموما يحببن الهدايا ,, واكيد صديقتك انتظرت هذا اليوم بفارغ الصبر كي ترى ما الهدية التي سيهديها لها زوجها ,, سمعت فلانة ان زوجها اعطاها خاتم و آخر عطر و آخر ,,,,,,, الخ أما هي ايش اعطاها 200 ريال ؟!
فحزنت جدا
اذ انها عملت مقارنة ,,
حذار من المقارنات لما لها من آثار سلبية على العلاقة بين الزوجين مستقبلا زوجها ليس مثل زوج فلانة

2- عادة في المنتدى تطرح مثل هذه الإسئلة : ماذا اهدي زوجي ؟ او ماذا اهدي زوجتي ؟
يمكن هو احتار فترة حتى جاء يوم العيد ولم يشتري شيء - نحن العرب من عاداتنا التسويف - ,, فطلع 200 ريال من جيبه عيدية ,,

3-

اقتباس:

ما كان همني الهدية ولا قيمتها ولا ايش راح يهديني بس كانت الهدية هاذي راح تبين غلاتي عنده على الرغم من ان راتبه كويس

صديقتك لا تاخذ بخاطرها ,, هي غالية عنده ,, والا لما كان اختارها من بين كل البنات زوجة له
في احد المرات ذكر الداعية مصطفى حسني أنه في بداية الملكة كان يهدي هدايا بايخة ,, ماكان يختار الصح ,, وقال نصيحة لكل مملكة ,, نحن الشباب ما بنكون عارفين نهدي ايه ,, فنروح لعند واحد يبيع برتقال واشتري سلة برتقال واهديها لزوجتي !!

طالما هي استخارت الله ,, فلتكن واثقة بأن الله لن يضيعها

اخيرا
حطم قلبها الصغير ,, جملة كبيرة جدا على المشكلة التي ذكرتيها ,, عودي الى قسم المتزوجين ,,, وسترين بحق ما يبكي العين ,, ويحطم ويكسر الفؤاد

لاتكبروا السالفة يابنات ,,

الله يسعد صديقتك والله يتمم لها بخير و يسعدك
وفقكم الله

الحمدلله على السلامة ....


حطم قلبها الصغير علشان عطاها 200 ريال ؟؟؟


طيب واللي ما عطاها شي شتسوي ؟؟

الجملة فيها تناقض كبير ....واضح انها يهمها الهدية وقيمتها ..

وقولي لصديقتك مو الهدية هي اللي بتبين غلاتها عنده ...

اش بتسوي بالهدية الغالية وهوما يحترمها ..

اش بتسوي بالهدية الغالية وهو مهمشها ..

صدقيني ..

اللي يبين غلا الوحدة عند خطيبها ولا زوجها هو الاحترام والخلاق العالية في التعامل ..

اما الهدية ...فسهلة ..

ياما أهدى خطيب خطيبته وهو ما يكن لها احترام ولا يتعامل معها كانسانة والنتيجة بيت تعيس .. ..



عقليها دامك صديقتها ..


دمت في حفظ الرحمن ,,,

الصرااااااااحه انتي مرة مكبرة الموضوع ؟؟؟؟
عادي واذا عطاها 200 ... يعني تعتتبره كانه شرالها عطر .... اكيد هو لسه مايعرف كيف يتعامل معها ... مايعرف ايش يعطي او ايش يقدم .... عمر الفلوس يااختي ماكانت تعبر عن مدى الحب او الاحترام ... مقياسك انتي وصديقتك غلط بالمرة...
طيب هو قدملها ميتين يعني مثلا يحبها ميتين من الف ... طيب هي وش قدمت له ...؟؟؟
لو قلناماعطته شي ... يعني ماتحبه ولاتقدره ولاتحترمه ....
اتمنى تطلعين هالفكرة من راسك ومن راسك صديقتك .

الحياة قدامها لسى


خلي صحبتك تعقل .. وتكبر عقلها


خليها تفكر بمنطقيه اكثر .. من متى كان حجم الهدية او قيمتها هي اللي تدل على مكانة الشخص !!!!!!!

ولا أي منطق يقبل هذي الفكرة !!




فعلا .. احيانا نبحث عن الحزن بأنفسنا .. ونضيق صدرنا بيدنا




خليها تسمع وتقرأ وتشوف العالم كيف عايشة

رح تحمد ربها .. لأن عندها زوج .. وغيرها ماعنده
رح تحمد ربها ان فيه احد فكر فيها في العيد .. وغيرها يتمنى العيد انه مايجي


لو فكرنا في النعم اللي نسبح فيها ليل نهار واحنا مو حاسين .. كان عرفنا فعلا ليش قلوبنا مريضة .. وليش الرضا مو راضي يستقر بحياتنا


الله يصلح احوالي واحوال الجميع

__________________

من أقوال الشيخ المغامســــي - حفظه الله - :


"ماسعى ابن آدم في إصلاح شيء أعظم من إصلاح قلبه ولن يصلح القلب شئٌ مثل القرآن "






"القلوب لايصلحها شي أعظم من كلام ربها , فتدبر القرآن السبيل الأول إلى صلاح القلوب "

اسمحي لي قلبها ليس صغيرا بل عقلها اذا قارنت نفسها بغيرها ... دعيها تنظر من هم اقل منها ...من لم يهدي لها زوجها ولا كلمه حب ... او حتى عيديه من قلب ...او حتى عيد من دون مشاكل

انا اعذرها يبدو انها جديده في مدرسه هذه الحياه ....

__________________

ما حلفت أنكـ تقاسمني المحبة

الحمدلله 200 فكرت تركها لا قدر الله يوفقها الخير بالطريق حاولي ان تنقلي لها وجهت نظر الأعضاء ففي منتدانا الغالي عقول تزن ذهب

__________________

[glint]الا بذكر الله تطمئن القلوب[/glint]

الحمدلله انه ذكرها في زوجة 15سنة زواج وماشافت الهدية ولا النفقة وعائشه ومدللته وعليها ان تنظر لمن هي دون منها حتى لا تتعب نفسها نفسيا

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

[b]عزيزاتي لماذا هذا الهجوم العنيف عليها هي ليست كذلك والله يابنات انا اعرفها من 6 سنين هاذي البنت حبوبه وطيبه وانسانه مايهمها المظاهر بالعكس قنوعة وشايفه خير وتحب الخير للكل وعمرها مافكرت في هاذي عندها وهاذي ماعندها هي تدور لانسان يحبها ويعزها ويقدرها وهاذي الهديه ماكانت همها ولا في بالها وكانت تتمنى شي واحد يثبت لها انه يحبها ويعزها ويقدرها لاأنها ماقد شافت منه شي يريحها من جهته خاصة انه ماتعرفه مره يابنات والله حرام عليكم البنت لو تعرفونها ماقلتوا عنها كذا هي لو وزنها في الميزان ماجاب حقها ولو بعد مليون سنه البنت ياناس منا ماتبغى فلوس ولا اموال الدنيا كلها تبغى بس شخص يحبها ويقدرها ويخاف عليها زوجك اذا ماشفتي منه حب وعطاء لك وش راح تسوين وانت مستعده تضحين بالدنيا كلها عشانه وش راح تسوين في هاذي اللحظه وانتي تبغين تعرفين الي راح تعيشين معاه يحبك ولا لا كيف بس اعرف وهو ماأثبت لك هذا الشي قولوا لي فهموني......[/b]

والله اختي كلامك متناقض؟؟؟