السلام عليكم
ماما طفشت مني كتر اسألتي وانا صرت والله اخجل ف حكيت ما الي الا غيركم تساعدوني وتفيدوني
وكمان انه ماما اخر اخ الي عمره 28 يعني اصغر واحد فينا ف اكيد ناسيه ازا كل شي بصير معي طبيعي وله لا

المهم حبيباتي وخواتي عندي اكتر من سؤال
وعلى فكره انا وحيده ما عندي خوات وله كان فادوني بس انتوا خواتي بتمنى تساعدوني

اول سؤال عندي والي محيرني انه حركه البيبي عندي بشعر انها قويه يعني مرات بكون نايمه على ظهري وبشعر انه التخت تحرك وبصير افكر انه تحرك التخت وانه في زلزال وله شو القصه وله من حركة البيبي وبكتشف انها حركت البيبي وبالنسبه لحركتها اسم الله اسم الله اسم الله ولا بتوئف على طول بتحرك هاده طبيعي وله مش طبيعي بعدين بكون الها خبطات صغيره انا كنت بحكي لماما انه نبضها وله مرت اخوي بتئلي انها حركه الها هاي بس انا مستغربه شو هالحركه هاي زي النبض بزبط هاده اول شي

تاني شي انا صرت في الاشهر الاخيره ولساتني كسلانه وتعبانه وكل شي بتعبني وما بعمل شي في البيت ومرات بصلي وانا ئاعده ومرات بحس انه نفسي بده ينئطع هاده طبيعي كل الحوامل هيك مغنوجات وتعبانات على طول

تالت شي بدي اسال شو هو الاكل الي ممكن اني اتناوله ويزيد من وزن طفلي يعني انه جنيني يستفيد منه على السريع ويزيد وزنه

ورابع شي بالنسبه للجماع هل بأثر على الجنين والحركه عند الجماع بتاثر
انا مرات لافكر في الموضوع بخاف وبصير أحكي بلاش تتعب البنوته وهي في بطني ومرات بخجل منها بس ما تضحكوا علي ولاصير افكر فيها وانا في وقت الجماع ببطل مركزه مع زوجي

وخامس شي ربنا يجزيكم كل الخير يا الله وان شاء الله انكم بتفيدوني

اه ونسيت أسالكم بالنسبه للصوم انا بصوم والحمد لله هل له تأثير على الجنين

وشكرا شكرا شكرا

حبيبتي الله يقومك بالسلامة و يفرحك بشوفة البيبي يارب

1) حركة البيبي طبيعية ... لانك بالشهور الاخيرة و المكان ضاق عليها .. فا اي حركة تسويها
انتي بتحسيها ... عادة يقولوا احسبي حركات البيبي اذا اقل من 10 حركات خلال 12 ساعة لازم تشوفي الطبيب
فا الحمدلله حركتها حلوة بسم الله ماشاء الله

2)في الشهور الاخيرة يزيد الثقل عشان كدا تحسي بالكسل .. عادي كلنا كنا كدا

3) الخضرة وخاصة السلط... الفاكهه.. الماي ... ابتعدي عن الدهون و السكرياااات خاصة لانها بتسمنك و كثرة الحالي ممكن تسبب سكر الحمل بعيد الشر عن قلبك

4) لا ما يتأثر البيبي ... بس يقال ان الجماع يساعد و محفز للولادة ... فا مدامك لسه بالثامن قللو منه الان و اكثروا منه لما تدخلين التاسع باذن الله

بالنسبة للصوم اذا ما تتعبي و ماعندك نقص دم او حديد او او .. يعني اذا صحتك تمام ان شاء الله صومي
او الاحسن انك تتاكدي من طبيبتك ...

ربي يتمم لك على خير و يسهل ولادتك و يرزقك بنوتة حلوووووة حسنة الخُلق تامة الخلقة
وربي يحعلها من الذرية الصالحة البارة

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الأخت نوره ما قصرت بالاجابه
الله يقومك بالسلامه

__________________
اللهم بارك لي في اولادي ولا تضرهم ووفقهم لطاعتك وارزقني برهم

الله يسعدك يا نوره وربنا يتمم عليكي السعاده شكرا كتير الك حبيبتي
شكرا لمرورك مدام الاء

الله يكملك على خير والتمر وكترة الاكل عموما تزيد حجم البيبي والله يقومنا بالسلامه يلا هانت وعفوا ايش بدك تسمي البنوته الله يفرحك فيها

__________________
اللهم لا اله الا انت سبحانك اني كنت من الظالمين

هلا اخت رانيا

امين يا رب العالمين ربنا يقومنا بالسلامه جميعا ويعطيهم لكل مشتهي يا رب
رح اسمي بنوتي (كنزي) ان شاء الله وربنا يفرحك في محمد اللهم صلي على سيدنا محمد