ولادي ومشاكلهم .. - منتدى عالم الأسرة والمجتمع

22-10-2008, 09:53 AM

كريستال

عضو مميز

تاريخ التسجيل: Apr 2006

المشاركات: 1,913

ولادي ومشاكلهم ..

كيفكم ياامهات ؟؟ اخباركم واخبار ببياتكوا ؟؟

اكيد مثلي رح تجنوا

سامحوني بدي افضفض شوي لحسن والله واصله حدي عندي مشكلتين مع ولادي اللي مجننيني..

ابني الصغير شوي وبكمل 6شهور صارلوا 3اسابيع مابنيمني من كتر البكاء صوتوا بح ماعاد يطلع

كحه ورشح ولثه ملتهبه وكل مااروح عند طبيب بيحكيلي طبيعي بسنه مابنعطيه ادويه !!

طيب وبعدين اعطوني دوا فنستل بس الدكتورة حكتلي استعمليه بس للضرورة خوفتني منه اعطيته مره ونام على طول بس خفت على الولد بلكي صار له شي

ولادي قبل كانوا يعطوهم الادول ... بس مابحسوا فايد مع عموري ولا كأني اعطيته بضل يبكي ويرجع استفراغه كتير الدكتور بيحكيلي بطلع بالبلغم صارله على الحاله 3اسابيع !! لمتى؟

الصراحه صرت الفتره الاخيره شكلي بيكئب لانوم ولاراحه وصرت عصبيه زيادة على ولادي

غير وزنه الزايد بدون سبب مع اني مابطعميه اكل بزيد الوزن وكل دكتور بشوفه بحكيلي حرام عليك شو بطعميه ؟؟!! والله فواكه ورضاعه طبيعيه صاروا يخوفوني عليه..

طبعا هدا غير ابني اللي عمره 3سنين ونص تاعباه الغيره

لا باكل زي الناس وطول اليوم ملزق في تقولوا سوبر قلو

حاولت طبعا ادخله روضه مافي امل .. المدرسه انجنت منه حكينا يمكن بدري طيب الحين من الصبح بقوم من النوم يبكي بده يروح معي الشغل او اضل بالبيت

غير ضربه لاخوه و بيكسر العاب اخوه اول باول ياحرام ماتهنا ابدا على الالعاب

المشكله اني بين هدا وهدا ضيعت حق نفسي وبنتي وزوجي لاقادره اهتم بنفسي ولا فيهم تعباااااااانه حتى شغلي بروحه بالعافيه وصرت اتغيب احيانا دلوني شو اعمل معهم انا حاسه حالي تايهه يمكن تفكيري مشلول من الارهاق مابعرف من جد تعب بين الاثنين ..

خاصه اني بنام يمكن بالاربع وعشرين ساعه خمس ساعات بالكتير هدا اذا نمت اصلا.. ابني الكبير شهر 2بكمل 4سنين المفروض يهدا شوي يعقل شوي عجزت منه حتى زوجي بيحكي انه هو كمان تعب منه بس من بكاه طول اليوم ابني صوته كتيييييييييير جهور لما يبكي عندي بسمع بكائه الجيران احيانا زوجي بكون جاي بيحكي صوته للشارع

من جد مش عارفه شو اعمل معه ..

سامحوني اذا ثقلت عليكوا بس من جد تعباااااااااانه حدي..

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 07:41 AM.

روابط سريعه