انا خاطب وكاتب كتابي من شهرين تقريباً وبعد عقد القران على زوجتي اصبحت اتكلم معاها هاتفياً وفي بعض الأحيان ازورها في البيت ونجلس منفردين المشكله انها لاتتحدث كثيرا تلزم الصمت دائماً وإذا تكلمت انا ماصدق انها تتكلم اصلن عاد تقول كلمتين وتسكت لاحول الله المهم جاريتها وبديت اجرها للحديث بالهاتف وبالزيارات ولكن لاتتحدث صبرت عليها ابي اعرف شي عنها وش تحب وش تبي شهر العسل كيف نرتبه تقول كيفك شي راجعلك الي يريحك وش ذا لاحول الله ولاقوة إلا بالله طيب شاركيني خليني احس اني ونستك اني لبيت لك طلب تقول مابي ازعجك مابي اتعبك مابي مابي ماتقول شي مفيد ابداً انا تعبت معاها علماً اني ماخوض في السواليف الجنسية معاها أبدا مع العلم اني امزح معاها كثير بالكلام واخليه اغلب الإتصالات مرح ووناسه بس ماحولك احد والله انا مقهور ماني عارف كيف اسوي معاها والله ليه شهرين الحين ماعرف وش تحب لون الغرفه حقت النوم فرش البيت والله ماعرف الي تبي تقول الي يعجبك طيب مالك لون مفضل مالك امنيه مالك مزاج معين ولا شي الصمت افضل رد بالله عليكم هذي حاله . وشلون اخليها تتكلم وش لون اخليها تفتح هيه مواضيع مثلاً انا ليه شهرين اكلمها تقريباً كل ثلاثة ايام مره لاتقولون تستحي معليش اول شهر بس ثاني شهر والله ماصالت عاد اكلمها كل ثلاث اياممكالمه مكالمه يعني طويله شوي بس والله اقفل التلفون عقب ساعه ريقي ناشف انا الي اسولف بس . أخاف اخذها بعدين وتجيني البيت اتوهق والله . لا وإذا قلت لها طولت عليك يالا تتكلم هنا تقولي مع السلامه الله يوفقك لا وتقول لاتقطعنا عاد هههههه حلوه لاتقطعنا تكلمي طيب . انا مليت والله العظيم من السالفه هذي جالس احاول اتحايل عليها ماعرف


تحياتي
عدل بواسـطــــــــــ ريتال ــــة