ابنتي رأتني وانا ابكي مالحل?
بدخل في الموضوع على طول
انا في الفترة الحالية حامل وبتوحم ووحماي شديد هالمرة لدرجة غير طبيعية
نفسيتي في الحظيييظ غير التعب الدوخة والقيء وغيره من امور الوحم
المهم اليوم جاتني عبرة وودي ابكي من الي فيني
حسيت اني منهارة جدا
موقادرة اتحمل الوضع الي انا فيه
عفسة البيت والاولاد والمسؤلية وزوجي وامور كثيرة
فدخلت غرفتي وقعدت ابكي بكل حرقة وادعي ربي
وكنت ابكي بصوت ونحيب واجهش في البكاء
فجأة دخلت علي بنتي من غير مااشعر وشافتني
وصارت تبكي معاي
بعدين حسيت فيها فتوقفت عن البكاء
قلت لها ليش تبكين
قالت لانك تبكين
قلت لها انا تعبانة ومريضة عشان كذا ابكي
قالت شفيك تعبانة قلت لها عشان بجيب لك اخو او اخت
قالت طيب شي يفرح
بعدين طلبت منها ان تخرج من الغرفة و تاخذ اخوها معها
انا ماقدر اتحرك من السرير من التعب
مارضت وصارت تبكي تقول مابخليك لوحدك
انا صرخت عليها وصرت ابكي معاها اقولها اخرجي خليني ارتاح
اعصابي كانت تلفانة بالمرة
المسكينة استسلمت للامر وطلعت
ورجعت انا اكمل بكائي لاتلوموني
كنت في قمة الانهيار
بعد فترة رجعت لي ومعاها ورقة
قالت ماما شوفي شرسمت
قلت لها شنو رسمتي
قالت رسمتك وانتي حزينة
وورتني الورقة
انا هنا صدمت
راسمتني وانا منسدحة والدموع تخرج من عيوني بغزارة
وراسمة نفسها ايضا بطريقة حزينة بس من غير دموع
انا بس شفتها زدت في البكاء اثرت فيني حيل
لاني حسيتها معبرة
وحسيت كم كانت متألمة لحالي
كسرت خاطري
وندمت لانها شافتني ابكي بس والله غصبا علي دخلت فجأة ولاقدرت امسك روحي
سؤالي هل راح تتأثر البنت بلي شافته
او انها راح تنسى؟؟
انا اشوفها هالأيام صايرة حساسة وبسرعه تبكي
يمكن من الظروف الي نمر فيها الفترة الحالية
والله اني خايفة على بنتي من نفسيتي الزفت
يمنع استخدام رموز الزخرفة، أو استخدام علامات الترقيم في وسط العنوان، وكذا تكرار الحروف أو مدها،
الاشراف
__________________
اللهم احفظ اطفالي من كل سوء يارب
اللهم اهدهم واصلحهم ووفقهم
التعديل الأخير تم بواسطة سلو قلبي ; 25-12-2008 الساعة 02:06 PM
16-12-2008, 11:51 PM
ضوابط المشاركة
العرض الشجري