السلام عليكم ورحمة الله وبركاته

اخواتي الغاليات بهذا المنتدى المحترم

حبيت اخبركم بقصتي عن الحمل
انا الحين صار لي 4 سنوات من تزوجت....:14:

حملت بعد سنه و3شهور
بعد معاناه وعذاب الله لايوريكم النفسيه

طبعا تحاليلي كانت سليمه مررررره ودورتي منتظمه بس كان عندي ميلان بالرحم وشوية التهابات...
زوجي عمل تحليلين
الاول كانت العينه خطأ (لانه جمعها بالمستشفى)
الثانيه كان فيه ضعف بالحيوانات المنويه وتحطمت نفسيته مليوووووووووون وعصب وقال انا ماراح اسوي اي تحليل...
طبعا هالفحوصات كانت اول سنه زواج...
انا سكت وصبرت وكل ما اشوف اطفال يعورني قلبي..
وبالذات اني اعمل في المختبر ولما اسوي تحليل حمل للمريضات امووووت من الفرحه لما يطلع ايجابي
وبنفس الوقت اتمنى اني بيوم اسوي لي تحليل ويطلع لي خطين ....تعذبت من هالخطين خخخخ

بعد سنه وشهرين زوجة عمي وعلى نياتها قالت لي اشوف طبيبة نساء نصحتني فيها بمنطقتهم وانها شاطره...
رحت لها وانا كلي امل وطبعا كان زحمه على العياده.. انتظرت وانتظرت...
جا دوري
دخلت عليها
سألتني: ايه المشكله يا أمر (ياقمر)؟
انا هني ما عرفت اتكلم على طول طاحت دموووووووعي
هي فهمت... وبعدين قلت لها اني متأخره على الحمل ومن هالكلام اللي فيه فضفضه..
المهم فحصتني من تحت وقالت انه فيه شوية التهاب وعطتني علاج..
انا لما رحت لها كنت توني مخلصه من الدوره وقالت لي اراجعها في يوم 11 للدوره عشان تسوي سونار مهبلي..
انا خلصت علاجي في 3 ايام وجا يوم 11 ورحت الموعد
عملت السونار وقالت انه فيه بويضه توها تنضج..كان مقاسها 7 بس/// ووصتني اجي بعد يومين
رحت للموعد وعملت السونار البويضه ما كبرت لكن اضطربت..
يعني ما تفجرت وكانت ضعيفه
انا زعلت وقالت انها راح توصف لي العلاج الشهر الجاي مع الدوره ولكن بحكم انها راح تطلع اجازه كتبت لي الوصفه وعلمتني متى ابدأ الكلوميد؟
ومتى اتابع التبويض؟
ومتى اخذ ابر التفجير..
واخيرا الوفاسنتون
كانت طبيبة بمعنى الكلمه..

انا هنا فرحت وزوجي مررررررررررره انبسط وظلينا ننتظر الدوره القادمه عشان ابدأ رحلة العلاج

يوم 25 لدورتي كانت معاي زميلتي احسها تملك الحاسه السادسه قالت لي اجيب عينة بول انا ضحكت قلت ليش قالت انها شاكه وتبغى تتأكد
انا ما حبيت افشلها وجبت العينه
تصوروا
طلع خط ثاني فاتح
انا تبهدلت وجتني رجفه
سويت تحليل دم بعد يومين وطلعت حامل.............
كيف بدون علاج ولاشي:14:

سبحان ربي العظيم وبحمده
الحمدلله رب العالمين
رزق من الله سبحانه وتعالى في وقت ما توقعته..

هذه قصتي واتمنى انها تزرع الامل في انفسكن ولا تيأسن من رحمة الله..
والدوره ما شرفت

وانا الحين افكر في الحمل الثاني
هرمون البرجسترون والاستروجين عندي معدلهم نازل
وانا في مرحلة علاج من شهرين مع الكلوميد
اسألكم الدعاء ولأخواتنا بالذرية الصالحه....


ااااااسفه على الاطاله بس هه فضفضه من القلب الى القلب

اختكم
ممرضه عسسسسسسسسسسل

آخ يا عسل انتي

الله الف مبروك


رحمة الله واسعه

__________________
http://live.gph.gov.sa/
اللهم اني استودعك اولادي

هلا اختي green

تسلمي حبيبتي والله....

الحين انا عندي ولد عمره سنه و9شهور
والله يرزق الجميع...

على فكره صورة طفلك جناااااااااان الله يحفظه لك وبالغه فيه معرس يارب
الايام الجايه اخبركم عن قصة ولادتي ههههههههههه

تحياتي
ممرضه عسسسسسسسسل

خيييييييييييييييي
ريحتيني هاهاهاها
اليوم أنا مأخرة الدورة عندي وحطيت أمل من خلال قصتك
ادعيلي وعقبال ما تشوفي الطفل الثاني يا رب

وعليكم السلام ورحمة الله وبركاته

ماشاء الله ..

الله يخليه لك ويحفظه يارب ويرزقك بـ أخ او اخت له ..

__________________

الحمد لله ياعسل والله يحفظهم لك ويفرحك بأحفادك

سبحان الله ارادة رب العالمين فوق كل شي




تحيــــــــــــــــــــاتي

__________________

الف الف مبروك

والحمد لله انك لم تقنطي من رحمة الله

__________________
الحمدلله علي أنعم الله الظاهره والباطنه

الف مبروك حبيبتي وان شاء الله ربي يتمم فرحتك بالبيبي الثاني ..


نور دبي انت للأن ما ولدتي ؟؟
اختفيتي وحسبتك ولدتي ؟؟

__________________

الله يجزاكي خيير بكل حرف كتبتيه

ياارب يبارك لك بإبنك ...

ياارب يزيدك ويكرمك عاجلا غير ءاجلا ياااارب

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان

اخواتي الحبيبات مشكووووورين على ردودكم الطيبه ودعائكم لي...

اختي lady_sou2008
ان شاء الله يارب حامل......اعملي التحليل وبشرينا.
اختي نونه المزيونه
تسلمي حبيبتي والله يرزقك بكل خير...
اختي
*الماسة*
الحمدلله على كل حال....وان شاء الله نبلغ قي احفادنا..

اختي & نور دبي&
اكيد الواحد ما يقنط من رحة رب العالمين بس بني آدم عجووووول..


اختي رومانسيه عاطفيه
يااااااااااارب الله يسمع منك غناتي وتكون بنوته..

اختي زهور الدعاء

تسلمي حبيبتي على دعائك الطيب وبارك الله فيك على نقاء قلبك

كل الحب لكن اخواتي
موفقات داااااااااااااائما وبرعاية الرحمن..



اختكم
ممرضه عسسسسسسسسسسسسسسسسسسل