بسم الله الرحمن الرحيم
السلام عليكم ورحمة الله وبركاته

انا دايما اخطط لمستقبلي ونفسي اكون شي له مكانه وتقدير او اي شي ارضى فيه عن نفسي بس المشكله اني دايما افكر واخطط و ما انفذ مدري ايش يسمو حالتي في علم النفس اكيد له تشخيص
اذكرلكم مثال في يوم قررت ادرس الماني و رحت المكتبه واشتريت سلاسل لتعليم الالمانيه واشتركت في عدة مواقع ع الانترنت ورحت سجلت في احد المعاهد
لكن بعد يومين فقدت حماسي طااار الحماس كلو وماسويت شي حتى المعهد مارحتلو وانا دافعه عليه فلوس
الآن كل ما اشوف الكتب والأشرطه التعليميه مرميه او يلعبو فيها الصغار انقهر وارجع اشيلها وانساها

موقف ثاني في يوم شفت صور احترافيه ع النت عجبتني مره حتى كان واحد مصور طريق صحراوي وتعرفو الطريق الصحراوي مافيه اي جمال او روح لكنه ما شا الله صوره بطريقه ماتبغى تشيل عينك عنها والصوره ابلغ من الف كلمه
وقررت اصير مصوره فوتوغرافيه ورحت السوق اشتري كاميرا دخلت المحل قالي البائع هذه زووم كذا وهذه بزاوية كذا وهذه لتصوير البعيد وتلك للتصوير القريب وهذه للتصوير في الظلام
وبعد كلام كثير وفي الأخير طلعت وانا مشتريه كاميرتين لكن ثاني يوم فقدت حماسي بالرغم اني كنت متفقه مع وحده حاصله على دبلوم تصوير لتعطيني دروس خصوصية بس بااااح ماعاد لي نفس طفشت من نفسي الكاميرتين بالدولاب من ذاك اليوم ماخرجو

حملت كتاب كيف تحفز نفسك؟ وكتاب حتى تنتقل للخطوة التاليه بس مافي فايده ايش اسوي؟ نصائحكم المثالين اللي ذكرتهم في الأعلى غيض من فيض
دائما اخطط وما انفذ اكسل وافقد الحماس بسرعه بس مو معناتو اني كرهت الفكره او تندمت بالعكس انا اكون حابه الفكره بس مدري ليش اوقف وما اكمل؟
امس رجع حماسي للألمانيه وعارفه اني ماراح استمر!