لسلام عليكم
يعطيكم العافيه

انا شاب مقبل على الزواج طبعن حالي حال اي شاب دور على بنت الحلال واخيرا لقاها وعجبته وبالمواصفات اللي انا ابيها حلو ؟ وهي اصغر مني بثلاث سنين
الموعد غدا تاريخ 8\4\1430
الموافق 3\4\2009

شفتها اسبوع اللي فات وتكلمنا شوي وهي طالبه اني اشوفها ثاني مره لانها بتشوفني عدل وتبي تتكلم معاي ليلحين اهني حلو

بس انا شوي طبعي هادي وساكت وماتكلم وايد انا ممكن اتكلم معاها بس ابي شنو اسألها وبصراحه وايد عاجبتني ودي ابين لها اني شاريها بس اسألها عن شنو لاني احس بالرهبه وخايف انها تغير رايها وتشوفني ساكت وطالعها لان يوم شفتها اسبوع اللي فات زين سألتها كم سؤال

ماهي الاشياء التي ينبغي ان افعلها قبل دخولها ؟

ماهي الاشياء التي ينبغي ان اتجنبها لانها قد تضايق المخطوبه (وهاذي ارجو من العنصر النسائي ان يجاوب عليها )؟

يعني اي بنت تحط نفسها مكان خطيبتي وش الشي اللي ماتبيه يصير او تتمنى انه مايسويه خطيبها ؟

واخيرا مشكلتي الكبرى هي ماذا ساقول اذا دخلت علي لارها الرؤية الشرعيه ؟ لان بكره ضروري بتشوفني ولازم نتكلم ومابي اجلس ساكت ساعدوني ياجماعه الخير وخصوصا اخواتي عضوات المنتدى كون انهم بنات وخبره بهالمواضيع

اشياء وايده تدور براسي عن الرؤية

وخاصة اني لم اتعود لى مخاطبة النساء و(أخاف) ان اشعر بالاحراج

واتمنى اسمع ردودكم اليوم وليس غدا لان بكره موعد الرؤيه
وشكرا

يا اخوي خليك طبيعي وبس
يعني لا تتصنع وايش اسوي وايش تحب
لاااا خذ الامور ببساطة
احسك مرة مرتبك حتى اسئلتك مرربكة لي شخصيا
وممكن تكون عاجبتك وخاايف من التفاصيل الصغيرة هذي
تأثر على رأيهااا ما اعتقد ترى تفكيرها راح يكون
منصب على الارتياح اولا واخيرا
اذا ارتحتلها وهي ارتاحت لك راح تلاقي الكلام يطلع تلقائي

انا عارفة انك مرتبك وهذا طبيعي
هي راح تكون خجولة وماراح تتكلم كثيرر ومو معقول انت كمان
تكون خجوول عز الله ما استفدتو شي

واهم شي استخير
الله يوفقك يارب

__________________

خليك على طبيعتك ولاتنسى تكون مبتسم

لأن في ناس إذا أرتبكوا تختفي الأبتسامه ويحل مكانها العبوس أنتبه لهالنقطه

أما الكلام راح يجي تلقائي وإذا هي مستحيه مو مشكله إبدأ أنت

أسألها كيفها وكيف دراستها أو عملها

ترا المرأه تحب أنه يكون شريك حياتها مهتم فيها

وبكل شي يخصها

تجنب تعطيها نصائح أو تفرض شروطك من الأول

يعني لاتقول مافي دراسه أو مافي عمل

لاتقول أنا أبي وحده تطبخ لي وتسوي وتفعل

تجنب هالشي تماااااااااماً

ترا كذا بتهون البنت ههههههههههههه

يعني حاول تفهم هي بأيش تفكر

أيش شروطها أيش متطلباتها

وبعدين بينك وبين نفسك فكر فيها لو حاس متقبلها أوكي

لو حاس في أمور يبيلك تتناقش معها فيها

أرجع أحكي معها

بس مو من البدايه تفرض عليها الشي

أو تحسسها مافي مجال للنقاش!

وموفق ياخوي والله يتمم لك على خير

وأتمنى أفدتك لو بشي بسيط

وفقك الله وجمع بينكما على خير ما اجمل ان تكون كما انت على واقعك وتتحدث معها قليلا وماشاء الله سبق رأيتها يعني الامر عادي شوي

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

يعطيكم العافيه ماقصرتوا على ردودكم الحلوه
وياريت لوتعطوني شنو اللي اتجنبه عشان مايخترب الموضوع اما باقي الشغلات سهالات بإذن الله

وشكرا

وبالنسبه الى صلاة الاستخاره انا اعرف شلون ااديها بس بالدعاء شنو اقول لمن ( اللهم انت كنت تعلم ان ( فى هذا الأمر) خير لي

وبالنسبه الى موعد الرؤيه وشسمي هالامر ؟

بالنسبه لدعاء الأستخاره قول : اللهم أن كنت تعلم أن زواجي من { تذكر أسمها }

وتكمل عادي بس في كل صلاة أدعي ربك عند كل سجود يبين لك أن كان هالزواج منه خير

والله يسعدك ويهنيك

مشكور ضيعتك العاطفه ربي مايضيع اجرك وجزاك الله خير

أنا اشوف أن أهم شي الصدق والصراحة

يعني موضوع أن في حاجات أساسية في طبيعتك أو شروطك .. ليش تسكت

وتصبر لين توهق البنت وبعدين تقول لها !!

لا .. إذا بالمثل قالت : شنو شروطك ؟؟

وكان من ضمن شروطك أنها مثلاً ما تشتغل .. أو تلبس لبس معين ..

بمعنى أن عندك نظرة شخصية أو حاجة ما تبي تتخلى عنها ..

لأني شايفة أنك من دولة خليجية _ إذا مو غلطانة _ فيها حرية نوعاً ما في حاجات كثيرة

سواء في الشكل أو في اختيار المهنة أو الدراسة ..

فإذا كان عندك تصور معين عنها قول لها ..

وهي من حقها تقرر أما تقول ايه أو تقول لا

لا تصير مخادع حتى لو عاجبتك عطها الفرصة أنها تعجب فيك أنت بعد

مضروري إذا عجبتك وحبيتها تتزوجها إذا هي مو موافقة على شروطك الخاصة

غذا عندك شروط خاصة قول لها من الحين خاصة إذا كانت هي في وضعها الحالي مافيها الي تبي

لا تصادر حريتها في هذا الشي ... ولا تحط في بالك أنك تبي تغير شي فيها يمكن هي ماتبي تغيرة

إذا في شي في تصرفاتها أو لبسها حاط بالك أنك تبيها تغيره .. قو ل لها من الحين

لا تنتظر لبعد الملكة ويطيح الفاس بالراس .. عشان ما تصير مخادع وتطيح من عينها من أولها

خلك أنسان محترم وواضح وصادق في مطالبك .. عشان لما تدخلون تكونون على بينة من أمركم

مو كل واحد حاط بقلبه شي ومخبيه وينتظر اللحظ الي يطيح الثاني بيدة

وإلا إذا ما كنتو واضحين .. هذا معناه أنكم تفتحون على أنفسكم ابواب من المشاكل ما تتسكر

اشتر راحتك من الحين ..

أما إذا هي عاجبتك كلها على بعضها ومو شايف أنك ما تبي تغير فيها شي

أو ما عندك شروط خاصة .. فـ خلاص .. خلك على طبيعتك

وإذا سألتك أسئلة كون صريح وصادق وشفاف .. لأن البنت إذا سألت معناته أن هذا شي ضروري

بالنسبة لها وتبي تعرف شنو داخله عليه



بالتوفيق و إن شاء الله تبشرنا بأخبارك

__________________

الله يسلمك مشكوره اختي باغيسه
طبعن انا انسان صادق واكيد بكون صادق وياها من الحين