عندما تجبرك الحياة على شخص ما
السلام عليكم ورحمة الله وبركاته
صراحة عندي موضوع وأبغ أطرحه للنقاش .. وأتمنى أشوف أراء الجميع وأصحاب الأراء السديدة
....
الحياة .. الناس ... التعامل مع الناس
والله كنت أتوقع وأنا طفلة ... وأنا مراهقة ... أن الحياة من أبسط الكلمات .. والتعامل مع الناس
أبسط وأبسط ..
ليش الناس معقدتها .. وكنت بجد قانون حياتي أن لا أجبر نفسي على شخص أو أجبر شخص على أن يتقبلني
أدري كلامي مو مفهوم ... راح أحاول أشرح ..
ولما كبرت ووعيت على الحياة .. وصرت مسؤولة عن نفسي وعن علاقاتي .. أدركت مدى الصعوبة ..
يعني أحيانا الحياة تجبرك على شخص .. تتودد له .. وتقابله يوميا .. وتخدمه ... وأنت لا تحبه ..
لكن غصصصصصبن عليك مو بكيفك ..
زي المدير في العمل ... المصلحة كلها بإيده بعد الله ..وممكن المدير يتجاوز حدوده
ويصير يشتم وغيره .. والموظف يضحك وقدامه خيار من خيارين
يا ياخذ حقه ويطلع يعيش في الشارع .... يايصبر ويضحك ويتقبل اللي يجيه
وقيسو على هذا المثال ..
اللي تعاني من زوجها .. واللي تعاني من دكتورتها في الجامعة .. واللي واللي ....
وأقسم بالله مرة من المرات أخوي مسك المدير حقو وضربو .. وبعدها المدير نزل من راتب أخوي 600 ريال شهريا
وأخوي يقول عادي ب هذه ال600 ريال أشتريت كرامتي ..
ياناس مو صعبة ؟؟
يعني كون الواحد يتحمل شخص غثيث عشان الحاجة .. صعبة ..
أنا دائما لما أحد من أخواني يشكيلي من شخص أول شي أسأله أنت في حاجته ؟؟ أذا قال لي ايوة
أقول مالك غير الصبر .. وإذا لك حاجة عند الكلب قول له ياسيدي
وأذا قال لي لا مو في حاجته ولا يقدر يأثر علي .. أقول له احذفه من القائمة ... ولا تجبر نفسك على شخص أنت ما تتقبلو ... أهم شي لا تقطع السلام بينك وبينه ..
ومره زوجي كان يشكيلي من دكتوره في الجامعة .. فقلت له الإيد اللي ما تقدر تدوسها بوسها وأدعي عليها بالكسر .. وجلس يضحك وراح قال لأصحابو ثاني يوم .. هذا مثل كانت جدتي تقوله ..
وأنا صادقه .. يعني لازم تمثل وتبوس يده .. ولكن في داخلك ما تتمنى تبوسها .. صح ولا لا ؟
معليش كتبت الموضوع على عجل والله وما أتكلفت في الموضوع ... حتى يكون بسيط ويوصل لكم ببساطة
أتمنى أسمع أرائكم
التعديل الأخير تم بواسطة سمو الأميرة ; 06-04-2009 الساعة 05:27 PM
06-04-2009, 05:22 PM
ضوابط المشاركة
العرض الشجري