السلام عليكم ورحمة الله وبركاته
والله مدري من وين ابدا
للأسف الشديد كثرت المصالح وكثر اصحاب المصالح
قبل لأتوضف كانو عيال عمامي وعيال عماتي وعيال خوالي وعيال خالاتي يحبوني
ومجرد ماتوضفت قسم بالله صارو مايطيقوني؟؟ طيب وش سويت انا فيهم قسم بالله اني اداريهم ولا احب ازعل احد منهم تخيلو الكلام هذا قبل سنه اول ماسمعو اني توضفت تركوني ماصارو يتصلون علي وكل ماتصل عليهم يقولون لي انت دوامك ماتطلع لين المغرب وكانو يطلعون يتمشون ويطلعون البر في الويكند واقول ليش ماقلتو لي يقولون انت مداوم؟
تخيلو اكتشفت ان ولد عمتي يتمصلح معي قسم بالله اني ارخص الغالي لعيونه فجأهـ كرني ماعاد يكلمني
لا وصار لي الحين تقريبآ شهرين ماكلمته وهو ماكلمني مايسلم علي ؟ بدون سبب
والله العظيم ماسويت له شي بالعكس كنت اتواصل معه عن احواله على العلم ان البيت قريب يعني كل يوم اشوف سيارته؟
ومع ذالك مايسلم علي شفته مره وماسلم علي طبعآ بالحاله هذي انا حسمت الأمر وسحبت عليه وماسلمت حصلته مره بالمكتبه مع زوجته وماكلمته سويت نفسي اقرا وتعديت من جنبه؟؟ تخيلو انا اسوي الحركات هذي وربي ماني مصدق
ولا ولد عمي الثاني اللي ساكن تحتنا بالدور الثاني وانا بالدور الثالث تخيلو والله العظيم انا شفت فيهم التغير
وحاولت ارتبط فيهم واسئلهم عن احوالهم او بالأحرى حاولت ارجع العلاقه كما كانت
تخيلو جاري انا ساكن بالدور الثالث وهو بالدور الثاني صار لي اكثر من ثلاث اسابيع ماشفته والبارح لما شفت فيه شباب من اصحابي مسيرين عليه قلت خل اسلم عليهم ؟
المشكله يستقبلني كأنه يحبني بس واضح عليه انه يكرهني ؟
مدري يمكن فيني شي مع اني كنت اعاتبه اقول له ليش انت كذا ماتتصل او ماتنشاف يقول لي والله اشغال
على العلم اني لاحظة عليه التغير بعد ماتوضف
والقصص كثيره خصوصآ مع اللي احبهم
لاكن مادري
بعض الأحيان اقول ابي اتركهم ماعلي منهم
لاكن إذا فكرت فيها انقهر اقول يمكن فيني شي انا يمكن التغيير مني مع اني والله احاول اكسب رضاهم خصوصآ اقاربي لاكن ؟ لاحياة لمن تنادي
اتمنا ان اجد الحل عندكم
واحب اعرف من خلال قرائتكم للقصه
هل إحتمال سبب نفورهم اكون انا السبب فيه؟
على العلم ان التغير حصل بعد الوضيفه واناكتبت فيهم مقال عتاب بعد ماتوضفت ووصفتهم بأعداء النجاح
__ انا الحين ولله الحمد متزوج وموضف وادرس__

لا تتعامل معهم بنفس الجفاء
و خد الموضوع بروح رياضية
يعني هم لما يطنشوا وجودك انت اتصل فيهم و عاتبهم (وينك يا زلمة ليش مطنشنا ) و من هالكلام
و اذا قلك مو مطنش قلو (ألعتب على قد المحبة )
اجعل اجاباتك كلها و كأنه ما في شي و انك مو حاسس بشي
حتى يشعروا انك طيب كما عهدوك وانه الشغل ما غيرك
و اذا ما تحسنت العلاقة بتكون عملت اللي عليك
حاول تحافظ على السلام من أجل صلة الرحم
و الباقي - اذا أصروا على الجفاء- ابحث عن صحبة غيرهم بالنسبة للويكند و غيره
لكن نصيحة يا أخي لا تترك السلام لأنه فيه إثم و انت مو مضطر تاخد اثم بدون سبب
و ادعيلهم الله يهديهم و يصلحهم

__________________
.
.

استودعتك أهلي في سوريا يا من لا تضيع ودائعه

اوافقها الراي

بس انا عندي شي ثاني

هل الوظيفه الا انت حاصل عليها احسن من وظائفهم وهل راتبك اعلى من رواتبهم


لاني انا مثلك تماما اول ماتوظفة وكان راتبي اعلى من اولاد خالتي
كانو يطنشوني ليش مدري

وعندما حبيت اتزوج وصارت علي قروض وديون وصار راتبي ما يوافيني انا و زوجتي
رجعت حليمه الى عادتها القديمه

رجعو وعترفو فيني

فانا اتوقع ان وظيفتك احسن من وظايفهم وانت احسن منهم بشكل عام

فهم غيرانين منك فقط لاغير

واسف على الاطاله

مع تحياتي
والله يهدي اقاربك يارب

__________________
أحـــــــــــــبـــــــــ كـــلــكــــم كـــلـــمـــة مــــاتـــفـارق لسانــي ــــــــــــكـــم

أخي الفاضل

لا تعذب نفسك ولا تشغلها انت عملت اللي عليك وقلتلهم ليه مقاطعيني

فخلي اسلوبك معهم سطحي يعني سلم اذالقيتهم جاملهم في مناسباتهم

ولا تنتظر منهم الاحسن بكذا تكون اخذت اجر ونفسيتك ما تتعب من طريقتهم

والله يعينك ويصلح الحال

لاله اله الا الله
سبحان الله كانك يااخي تتكلم عني انا
يعلم الله ان قصتي مشابهه لك
وهي
اناكان لي شلة صديقاتي من قريبنا وكنا ندرس وكنا سمن علئ عسل
وخلصت ثانويه وتزوجت وعمري عشرين سنه
والله لايؤريك رجعت من شهر العسل
كلن تغير علي ؤعلئ اهلي
وكلها والله ظنها غيررررررررره فقط لاغير
فيعلم الله اني ماغلطت عليهم بشيء ابدا0



لكن سؤ مثلي اسؤي نفسي عااااااااادي ؤلا همني او بلاصح ماكان شيء بيني ؤبينهم
وهم اصبحوا اهون من اول
من ناحية التعامل0

الله يصبر قلؤبنا عليهم ويهديهم0
امييييييييييييييييييييييييييييييييييييييييييييين
تحياتي0

أخي الفاضل حدي نظر ***

الحمد لله أنك موظف ومتزوج *** وماشاء الله عليك تدرس بعد *** الله يوفقك وتحقق طموحك ***

بالنسبة لاقربائك وبعدهم عنك *** قد يكون فيه سبب أنت لا تعلمه ***

يمكن مثلاً أحد منهم روج عليك إشاعة ليبعد عنك الجميع ***

المهم لا تعاملهم بالمثل *** ولا تقطع صلة الرحم ***

الواجب إلي عليك أنك تسلم عليهم إذا صادفتهم *** و تذهب للسلام عليهم في المناسبات ***

ولا يهمك ردة فعلهم *** خلك أحسن منهم *** ولا تتأثر من تصرفاتهم ***

فأنت لست في حاجه لهم *** كون صدقات أخرى وعش حياتك ***

لا تعقد نفسك وتنكد على زوجتك وبيتك ***

الدنيا لا تقتصر على هذه الفئة من الناس التي تشوه سمعة أقرب الناس لهم ***

كن واثق من نفسك ولا يشغلك هذا الموضوع ***

بالتوفيق أن شاء الله 0

يا كثر الغيرة والحسد بين الأقارب

يوووه بس يشوفون عندك شي حسدوك

شافوك درست اكثر منهم حسدوك وكرهوك

توظفت وظيفه ظاهرها حلو وباطنها كرف وتعب ومسؤلية حسدوك وحقدو عليك >> ليش احسن منا !!

إن تزوجت وتوفقت في زواجك حسدوك >>> ليش اهو أحسن منا في ايش !!

سبحان الله كأنهم يعارضون رب العالمين على تقسيم رزقه ..

لو الهوا بيد الناس كان ماحد تنفس .. !!!!

عموماً اياً كان السبب الي غيرهم عليك

إذا أنت مو غلطان عليهم خلاص ولا يهمك

شنو تسوي لهم أكثر ..

الواجب عليك الحين أنك ما تقطع رحمك .. سلم عليهم إذا شفتهم رح لهم بالمناسبات

شاركهم أفاراحهم وأحزانهم .. وخلاص

عش حياتك الدنيا مراح توقف عليهم

وهم شوي شوي بتبرد المسألة في قلوبهم وبيرجعون مو مثل أول بس بيرجعون

بس إذا على قولتك تدرس وترتقي سلم التعليم وهم مكانك راوح .. الله يعينك

__________________

اختي ماريا
كلامك منطقي والمفروض إني اطبقه لاكن انا صار لي سنه على الحال هذا
انا دايم اتواصل معهم بس يعني بسراحه يزعلوني لما تتصل على واحد ولا يرد عليك
معناها إنو ماعبرك ؟
اشكرك على الحل

ههههههههههه
بالعكس والله وضيفتي اقل راتب منهم
راتبي 3000 آلاف ياربي لك الحمد عايش بسعاده ومكفيتني
ودوامي بشركه وانت عارف نظام الشركات يمصون دمك مص ههههههه
هو إحتمال يكون غيره من شئ ثاني مثلا لأن التغيير جا مفاجئ
لأني على طول تزوجت وانا ماكنت متوضف والحمدلله توفقت بالوضيفه
وعلى طول كملة دراسه فعلآ بداية حياتي تعبت ماكنت اعطي فرصه حتى للبيت لأني شديت على نفسي
دراسه ودوارات ومعاهد يعني ماكون فاضي نهائيآ بس بررضو هذا مايمنع من التواصل
وصدقني اللي يحبك والله يسئل عنك ويشوف وش اخبارك ولا يقطعك
شكرآ لك اخوي
وبارك الله فيك

إحتمال يكون الحل صحيح
لاكن مستقبلآ راح يضرني لأن صلة الرحم واجبه ويجب ان نقوي علاقتنا مع بعض
لاكن للأسف


بارك الله فيك شكرآ لك