السلام عليكم
حابه اشارك معكم وعلمكم طريقة كيكة الشطرنج وان شاء الله تعجبكم:
المقادير:
الكيكة:
3 ك طحين
8 حبات بيض
كوب ونصف سكر
كوب وربع زيت ذرة
كوب ونصف حليب سائل
ملعقه ونصف بيكنج بودر
2 ملعقه فانيليا
2 ملعقه كاكاو بودر
الصوص:
2 قشطة
2 علبه كريم كراميل باودر
2 ظرف دريم ويب
الطريقه:
اولا : تسمي بالله وتدعيلي(اضمن الدعاء قبل ما تسوي الكيكه احسن ما تدعوا علي)
ثانيا:
تخلطوا مقادير الكيكه كلها ما عدا الكاكاو
تجيبوا صينيتين مربعه الشكل حجم وسط وتدهنوها بقليل من الزيت والطحين عشان ما تلزق
تضعوا نصف الخليط بصينيه وتاخذوا النص الثاني وتخلطوا معاه الكاكاو وتضعوه بالصينيه الثانيه وتضعوهم بالفرن
وكذا بيصير عندنا كيكه وبالشكولاته وثانيه بيضاء
بعد ماينضج الكيك تخلوا يبرد وتقطعوا مربعات متساويه قدر الامكان يتراوح طول الضلع من 3 الى 4 سم حسب حجم الصنيه الي استخدمتوها
تحضروا وعاء مربع اومستطيل له حواف يفضل البايركس المستطيل وتلبسوه او(تغلفوه ) القاع والحواف من الداخل بالقصدير وتصفوا مربعات الكيك بالتبادل ابيض اسودمثل رقعة الشطرنج
تكنوا قبل خالطين مقادير الصوص بالخلاط (خلاط العصير مو خلاط الكيك)
وتسكبوا بهدوء على الكيك المصفوف وتضعوه بالثلاجه اقل شي ساعتين طلعوه من الثلاجه اقلبوه وشيلواالقصدير ببطء (طبعا القصدير بيكون بالاعلى) وبكذا بيطلع شكلها زي وقعة الشطرنج
وبالهناء والشفاء