مشكلتي اني دائمة المقارنة مع صديقتي
السلام عليكم
انا جديدة في المنتدى واول مرة انزل موضوع...بصراحة الوضع يحمس هنا يخلي الواحد يبغى يقول اللي عنده عشان يسمع آراء متعددة..وحلول مختلفة..الله يعطيكم العافية على جهودكم
انا متزوجة من 5 سنوات وعندي بنت عمرها سنتين..واحب زوجي موت وهو يعشقني والحمدلله..وهو بصراحة زوج رائع بمعنى الكلمة..يحترمني..وطيب مرة مرة..بس مشكلتي اني طماعة ..لما اسمع صاحباتي يتكلمو عن ازواجهم سوو لهم كدا وكدا ..اقول ليش مايسوي لي..مثلا عندي صاحبتي قريبة مني مرة..تقول ان خطيبها .... ومايرفض لها ولا طلب..ماتسمع منه كلمة لا ابد..هم صار لهم سنتين مخطوبين..مثلا اشوفها لما نكون في السوق وتشوف فستان غالي مرة بس تكلمه تقوله رسلي على حسابي 5000 او 10000 على طول ينزل في حسابها بدون اي نقاش...انا مثلا زوجي لازم يتناقش ومرات يقول لا حرام غالي او مايستاهل...مع ان حالته المادية احسن من زوجها..ومثلا تقولي انه يرضى على اهله ولا يرضى عليها...انا لو انتقد اهله بس ينقهر مني..هو يقولها مستعد يترك اهله عشانها..وانا مقطعة الميانة مع زوجي اقوله احيانا زوج صاحبتي يسويلها كدا وكدا لو انت مستحيل تسويها...وهو يقول لي احمدي ربك واشكريه عشان يزيدك من نعمته ولا تقارني نفسك بغيرك..وانا احس كلامه صحيح..بس الشيطان شاطر..وهدا طبع فيني مو قادرة اتخلص منه
مو كويس عشان علاقتي بزوجي ...ومو كويس عشاني..ولا عشان صاحبتي ..انا احبها مرررة واتمنى لها كل الخير ومابغى يوم احط بالي عليها وتخترب علاقتها مع زوجها واحس بالذنب
للعلم..هدي صاحبتي كانت فاقدة الامل في الزواج..وتزوجت عن طريقي انا اصريت على زوجي يقول لصاحبه عنها وفعلا تعرف عليها وخطبها..
ماعرف كيف اتخلص من هالطـــبع عطوني نصايحكم تكفون
تم تعديل العنوان
الإشراف
التعديل الأخير تم بواسطة عبـدالعـزيز ; 08-05-2009 الساعة 03:51 AM
06-05-2009, 02:00 AM
ضوابط المشاركة
العرض الشجري