السلام عليكم ورحمة الله وبركاته

حادثة مؤلمة تدمي القلب

هكذا بدأ صديقي عسكري المرور بسرد القصة


يقول يا اخوان واخص الاخوان لان لكل بداية نهاية ويا اخوات واخص الأخوات لانهن هن الضحايا



يقول جانا بلاغ من احد المواطنين عن حادث شنيع لسيارة من نوع لكزس حيث دهستها شاحنه نقل حجارة ضخمة

ويحتاجون الى قص هيكل السيارة كما ورد ببلاغ المواطن انه يصعب اخراج المرأه المحتجزة بالسيارة


يقول وصلنا مكان الحادث واذا بالإسعاف واصل قبلنا ولكنهم ايضاً ينتظرون وصول الدفاع المدني

ما قدروا يخرجون المصابين لان هيكل السيارة محاصرهم بالكامل


يقول بدانا بإخراج المصابين وكانوا شاب + فتاة

الشاب انتقل الى رحمة الله وهذا يومه وكان مشوه بشكل فظيع جدا جدا جدا

الفتاة بحالة من الهلع والخوف فحصها الإسعاف لقوها سليمه مافيها الا اصابات طفيفة من الاصطدام

يقول صديقي اخذت جوالها ابحث بقائمة الأسماء عن اسم لأحد اهلها


الوالد .. الوالدة .. أبوي .. اي اسم علشان اعلمهم باللي حصل لبنتهم

وسألتها اكلم ابوك هنا بكت البنت وتترجاه لاحد يدري

سألها وش فيك يابنت الناس لازم نكلمهم اخوك تعبان وانتي لازم تروحين معاه للمستشفى يكملون الاجراءات والتحاليل

قالت لا مابي احد يدري تكفى والله يعافيك قالها لازم تروحين للمستشفى قالت طيب

بس قفل جوالي

وفعلا صديقي قفل جوالها واعطاها شنطتها وطلعت لسيارة الاسعاف وراحوا بها للمستشفى

صديقنا مشغل باله ليه ماتبي احد يدري وراح معهم للمستشفى هو العسكري اللي باشر الحادث

يقول وصلنا للمستشفى وحاولت تهرب يقول ووقفناها وتبكي وتبكي وتبكي


بعد ما هدت وسكتت قالها وش الموضوع وش سالفتك وصدقينا بنساعدك عطينا اي هوية لك اسمك صورة دفتر عائلة اي شئ

قالت له انا بقول لك كل شئ والله يرحم والديك تستر علي اهلي لو دروا بيذبحوني


يقول صديقي هنا عرفت انه هالشاب مو اخوها وقلت لها هو صديق لك بينكم علاقة ترا الولد توفاه الله

يقول هنا حدثتني بكل شئ


تقول انا بنت من عائلة محافظة وعندي اخوان لو يعرفون اني بالحادث مع شاب بيذبحوني قبل اطلع من المستشفى


الشاب هذا تعرفت عليه وانا بالجامعة كان جدا محترم ومؤدب

الى درجة اني توقعت اننا بنتزوج وصرنا نخطط لمستقبلنا

وكنت مدمنة للمسلسلات التركية وكلها قصص حب ( طبعاً حتى زوجتي تتابع هالمسلسلات وتحصل بيننا مشاكل من هالمسلسلات لانها تبيني احبها مثل ما مهند يحب لميس وخليل وميرنا وهالخرابيط )

كيف ما تأثر على هالبنات المسكينات

المهم تقول

حتى حطيت ببالي اني علشان احصل احد يحبني بحارب اهلي علشانه واسوي كل اللي يبي

وطلعت معاه كذا مره ما سوى فيني شئ

وهذا اليوم اللي صار فيه الحادث كان موعد لقاء جديد

وفعلا طلعت معاه وكان متجه الى مكان ما ادري وين ؟ طلبت منه نرجع ورفض وبدأ يصارخ علي

وهددته اني بفضحك قدام الناس وبصارخ وظربني ودفني بكل قسوة وقالي كلام قبيح و انا ما ني فاضي لتفاهاتك

احنا بنروح الاستراحه وفيها اخوياي وانتي صيدتنا اليوم

تقول توقعته يمزح ويستهبل ودفيته وقلت له وقف

ترك السواقة ونقز علي وصفقني وظربني كف على وجهي وسحبني مع شعري وظربني بالقزاز السيارة

هنا عرفت انه شرفي ومستقبلي وحياتي انتهت

وجلست اترجاه واحنن قلبه وكل مره انطق اسمه كان يظربني اكثر واكثر وجلس يتسلى فيني بالطريق ظرب واهانات ويتفل على وجهي

وكل شوي يقول لي باقي على (..........) يقصد استمتاعه مع اصدقائه نص ساعة ونوصل ونستانس

تقول التفت علي 3 مرات يقول قربنا نوصل باقي كذا وكذا وكذا

هنا دعيت ربي وقلت يارب استر علي وخلصني منه كنت اصلي وادعيك دايم تستر علي يارب استجيب لدعائي

تقول المره الاخيره التفت ومسك شعري وينزلني على تحت مقعد السيارة يقولي مكانك مو تجلسين جنبي مكانك تحت الرجلين

هنا حصل الحادث كيف ما ادري ماكنت اشوف الطريق

بس بعد ما تجمعوا الناس وسمعت اصواتهم حاولت اطلع ما قدرت وصرت اصرخ طلعوني طلعوني

وشفت الشاب اللي كان ناوي يغدر فيني غرقان بدمه ويطلع منه صوت غرغره مخيف ويناظرني ويبي يقول شئ بس عقد الله لسانه بداخلي خفت اول مره انسان يموت قدامي

وبنفس الوقت قلت تستاهل ماجاك لانه من اسلوبه شكلي مو اول وحده يسوي فيها كذا ويقصد يهينها ويهتك شرفها وعرضها

وهذي قصتي مع هالشاب وكيف كنت معاه بالسياره وكان يصورني بجواله وهو يهينني ويظربني تقدر تتأكد من جواله


هنا قام صديقي واخرج جوال الشاب من الكيس الخاص بالموجودات مع الحادث

ولسوء الحظ كان فيه قفل وما قدر يفتحه

رجع للبنت وقالها تعرفين رمز القفل قالت لا

قالها انا مالي الصلاحيات اني اقولك توكلي على الله روحي بيتكم

لكن بكلم احد المسؤولين وان شاء الله ما نقصر معاك وتطلعين قبل يلاحظون اهلك غيابك

وفعلا جزاهم الله خير ستروا على بنت الناس وانتهى الموضوع على خير

وبالنسبة لجوال الشاب يقول فتحنا القفل في احد محلات الجوالات ووجدنا مقاطع لفتيات يظربن

ويهددن وفيها يظهر وجه الشاب المتوفى بالحادث

و3 من اصدقائه والقضية لم تقفل ومازال جاري البحث عن اصدقائه ال 3 وسيجدونهم ان شاء الله


احببت ان انقل هذه الحادثه وهي من مصدر موثوق حيث انه صديق يخاف الله وملتزم بالصلوات

ولن يستفيد شئ من الكذب ولكنه كان متأثر من الحادثه حيث انها اول مره تحصل معاه حادثة بهذا الشكل

وحبيت انقل رسالته هنا لعلها تنفع وتتذكر الفتيات ان من يحبك بالجوال او بالمسلسلات ماهو الا كذب وخيال

والحب الحقيقي تعرفون اين تجدونه

تحياتي

حسبي الله ونعم الوكيل


اكره المسلسلات التركيه


الا تلاحظون انها كلها اجرام وقتل وفساد


ليضلو امة لا اله الا الله

حسبي الله عليهم

__________________
http://live.gph.gov.sa/
اللهم اني استودعك اولادي

حسبي الله ونعم الوكيل بس الغلط مومن الشاب لوحده ولا من المسلسلات التركيه الاساس يكون من التربيه السليمه من البدايه ليش نرمي الغلط هنا وهنا هذي الفتاه ماردعته صلاته ودينها عن الخروج وبناء علاقه محرمه ف البنالي ماراح تخاف من اهلها ولا من فضيحه اذا ماخافت من ربه عموما الشاب اخذ جزاه وهي الله يتوب عليها ويصلحها

__________________

لا حول و لا قوة الا بالله

والله كلني اقرا قصة خيالية مو حقيقية

أسأل الله أن يستر علينا و على اهالينا بنات و شباب جميع المسلمين و الله يهديهم قبل فوات الأوان

حسبي الله و نعم الوكيل على المسلسلات الهابطة تركية كانت او غربية او عربية

الله المستعان

__________________
رب لا تذرني فردا و انت خير الوارثين

يا رب تكون القصه عبره لكل البنات
ويعرفوا ان اي حد يقول انا بحبك وعايزه اجوزك
الوضع الطبيعي انه يجي البيت ويتقدم
لو حصل غير كده يبقي بيتسلي وبيلعب بيكم

اللهم استرنا ولا تفضحنا
اللهم استر نساء المسلمين جميعا
امين امين

حسبي الله ونعم الوكيل

ولا حول ولا قوة إلا بالله العلي العظيم


الله سترها المسكينه


الله يستر على بنات المسلمين ويهديهن ويهدي شبابنا

__________________

ما جابت لنا الدمار الا هالمسلسلات

يالطيف ياااااااارب

الله لا يبتلينا ويستر على الجميع ويبعد عننا اولاد الحرام

__________________
ياررب ارح قلبي وعوضني خير

يارب تسترنابسترك فوق الارض وتحت الارض وعندالعرض

يارب فرج همها واسترهاا واقبل توبتهاا

جزاك الله خير

الله يكفيناشرالمسلسللات الهابطة انالله واناالية راجعون

__________________
دعواتكم لي
الله يجزاكم خير