السلام عليكم ورحمة الله وبركاته
يمكن بعضكم شاف موضوعي القديم عن خطيبي ووالدة خطيبي وأتمنى تقروا الموضوع الاول حتى تفهمو وتقدرو تجاوبوني وهذا الرابط لموضوعي الاول

http://www.66n.com/forums/showthread.php?t=189294

وعلى فكرة بالنسبة للمشكله الاولى اتفقت انا وياه ان ما مادخلنا بوالدتي ووالدته بيزعلو لحالهم وبيرضو لحالهم لان هو مابدي ايا شي يأثر على علاقتنا ويكفي اني منيحه مع اهله وهو منيح مع اهلي مافينا نجبر اهلنا مايزعلو من بعض وهو جاء وطلعنا مع اهلي وكلمته بكل شي واتفقنا على كتير شغلات وتغير الوضع الحمدلله وصرت احس اني بديت احبه لانه عنجد انسان بيستاهل كل الحب
مشكلتي التانية

كان على اساس نعمل الخطبة ببلدي لان انا وخطيبي بغربة حاليا وهو اصلا مو نفس جنسيتي المهم على اساس يجي عندي بالاجازة واعمل حفله بس ماقدر عشان ظروف شغله
هو يقول اتعذب شوي الآن بس برتاح بعدين لما نتزوج
انا مسافره الخميس واهله اليوم سافرو يعني هو لحاله وانا كثير متضايقة عشان أسافر حاسه اني مكتئبة انا متعودة على وجوده وبديت احبه بس مابدي أسافر واتركه وراح أبقى شهر ونص لارجع ونفسيتي تعبانه ولان هو باقي لحاله ومن الآن هو نفسيته تعبانه ويقولي كيف بدي اتحمل انتي واهلي سافرتو
هو كتير منيح وحنون بشكل مش طبيعي ماشاءالله انا موحابه اسافر بس مستحيل ابقى لحالي وعشان في خطبه اخوي كمان يعني مستحيل مااسافر مع اهلي بس حاسه بألم وحزن كبير اني رح ابعد عن خطيبي وانا من النوع الي مابعرف اخبي مشاعري يعني بس اكون زعلانه ببين اني زعلانه وبس اكون مبسوطة ببين الكل بعرف وانا بجرب ابين اني مو زعلانه عشان مااضايقه بزيادة بس مو قادره وهو طبيعته لو زعلان بصير يمزح ويخفف علي شو اعمل حاسه اني كتير زعلانه ونفسيتي تعبانة بسبب هالموضوع
عم أجرب اخفف على خطيبي بس انا بدي مين يخفف عني شو اعمل وكيف احسس خطيبي اني حتى لو سافرت رح كون جنبه ومايحس اني بعدت عنه وانا اصلا من داخلي حزينة ومابدي أسافر كيف اخفف عنه وانا اصلا مو قادره اخفف عن نفسي بليز ساعدوني وآسفة اني طولت عليكم والله يجزاكم كل خير..

الرجاء الإبتعاد عن الكتابة باللهجة المحلية..
الإشراف