زوجتي بخيله في مشاعرها!
السلام عليكم
حبيت منتداكم لان الواحد ممكن مايحصل حد يستشيره في مشاكله الزوجيه او يستحي, لكن انتم فاتحين قلوبكم لكل حد ربي يحفظكم
مشكلتي
انا تزوجت زواج تقليدي, في البداية كانت فترة ان كل واحد يتعرف على طباع الاخر, وانا اعجبت بطباعها حى اني حسيت اني اعرفها من زمان. لكن
اكتشفت ان زوجتي بخيله في مشاعرها جدا . كان على بالي انها مستحيه وانها فترة وبتعدي لكن الموضوع اصبح مزعج
اقول لها كلام حلو اتغزل ابها ترد علي بكل رسمية تقول(شكرا) امدح لبسها تقولي (تبالغ) امدح طبيخها تقول لي لا مش حلو
اشاهد معاها فلم رومانسي تقلبه بتعليقاتها وتخليه كوميدي
مرة صحيت قبلها وصرت اطلع عليها وأقبل جبينها واللعب بخصلات شعرها صحت وقالت (انت وايد ناعم) 
تتحاشى اني اقبلها ويوم اصريت عليها عن السبب قالت ان زوج امها كان يبوسها وهي صغيره بعنف وكانت تخبر امها لكن امها تكذبها وتضربها. انا من بعدها ما قبلتها
بس تخيل الي تحبه بجنبك وما تقدر تقبله او تسمع منه كلمه حلوه
وفوق ها كله تغار علي وايد 
مع الوقت صرت اعاملها برسمية على امل تتغير لكن بلا جدوى حتى اني صدقت ان ماشي حب ورومانسية الا في الافلام والمسلسلات
لكن يوم دخلت منتداكم وشفت كيف الزوجات يدلعون ازواجهن بكل رومانسيه وحب اشفقت على نفسي
لكن لكل مشكله حل واتمنى انكم تساعدوني.
التعديل الأخير تم بواسطة فيافي نجد ; 16-07-2009 الساعة 01:10 AM
السبب: العنوان ليناسب المضمون
15-07-2009, 04:23 PM
ضوابط المشاركة
العرض الشجري