بسم الله الرحمن الرحيم
السلام عليكم ورحمته وبركاته

كيف حالكم ؟.

ببدأ في موضوعي على طول مثل ماهو واضح معكم في العنوان

اشترى لي زوجي من كم يوم غسالة توشيبا الاتوماتيكيه سعة 9 كيلو :14: يبي يريحني من الغسيل وطوشته اللي اقعد فيه يوم كامل معاناة مع بنتي وحوسه ياريت يابنات تساعدوني
الغسالة توشيبا الاتوماتيك من فوق
لكن ماني عارفة كيف استخدمها
خاصة الماء والصابون ماني عارفة كيف طريقتهم
قولولي يابنات لا تطنشوني بلييييز ضروري
(الماء ينترك مفتوح وهي تغسل ولا اقفله عند الغسيل)
يقولون لي امشي على الكتالوج
وبس اعملي اون تشغيل ههههه ومو عارفه كيف اشغلها وابرمجها يعني ابيها تغسل الملابس على ساعتين او3 ساعات بس موعارفه كيف اضبط الوقت صح يعطيني العداد ل12 دقيقه فقط وانا ابيها ا كثر
المهم يافرحه ماتمت لي طبعا معربه مثل ماهي بالصور يعني قريبه لكنها بالعربي





اسئلتي عنها

ابغى توضحون لي لوحة التحكم كيف تعمل من بداية الغسيل خطواته

وفيه حاجه لفتت نظري في الكتالوج شبكة غسيل للبطانيات تلف بداخلها وتسقطينها في حوض الغساله ... وين تباع شبكات الغسيل لاني من زمان افكر فيها

ولوكنت ابي اغسل اكثر من دفعه مثلا ( وجبات ) كيف اضبط الغساله لانها بصراحه تستهلك مويه ومواد تنظيف كثير
ولما كنت اغسل فيها طبعا مروه واحده جربتها قعدت خمس ساعات
وبالنسبة لمواد التنعيم والاريال وضعتها في درج المخصص لها لكني لقيت اللينور مادة التنعيم نزلت على الملابس وهي تتغسل ...؟؟!!!!

متى احط الكمفورت او اللينور في الدرج؟
ياليت تجاربكم يابنات


وبس
طولت عليكم

تقديري لكم

__________________

مباركة عليك الغسالة
حبيبتي أولا بالنسبة للماء اساسي يكون مسبك له للغسالة على طول
من الفتحة الدائرية العلوية
وهذا مايحتاج الى التحكم الشخصي منك بما انها توماتيك
وبالنسبة للتشغيل أول شي اضغطي على زر التشغيل on- off
ثم اضبطي مقدار الماء الكافي لمستوى الغسيل بتكرار الظغط وهو موضح ب letre
ثم اظبطي الزمن ويظهر على الشاشة الصغيرة بالدقايق بتكرار الضغط على الزر
واذا كان عندك برامج للغسيل مثل سريع-نقع اختاري منها ايضا بتكرار الضغط
ثم ضعي الصابون وماتريدين
واغلقي غطاء الغسالة
ثم اظغطي على زر صغير بجانب زر التشغيل
ولا تنسي ان تنزلي خرطوم التصريف على الارض
يارب أكون فهمتك
واذا خلص الغسيل راح تعطيك اشارة صوتية بالانتهاء

وضع الكفورت
عند الشطف
اذا سمعتيها تعبي الماء
للمرة الثانية
واذا ماعرفتي للماء
وغسالتك نفس اللي بالصورة
لاحظيها اللي على شكل مغراف الصابون
واسالي عن اي شي ماعرفتيله
موفقة

__________________

العفو يابعدي ماطلبتي شي
اب مافيه ازعاج
المهم تغسلي الهدوم وانت مرتاحة
انا كنت مثلك بس الحروف عندي انجليزي
الظاهر حروف غسالتك صينية
ماتشغلي بالك
حاولت انزلك صورة توضيحية
لكن للأسف ماعرفت
لاحظي الشاشة الصغيرة اذا كان تحتها أو جنبها
رز كرري الظغط عليه حتى تظهر لك دقائق أطول
وبالنسبة للوجبات لما تخلص الأولى اظهريها
ثم ضعي الثانية وشغلي الغسالة مرة أخرى
وبالنسبة لشبك الغسيل بصراحة ماعرفته
لكن أكيد راح تلاقيه في محلات المستلزمات المنزلية

مشكوووره اختي ام داليا ماقصرتي وياليت يساعدونا باقي البنات اللي عندهم خبره

__________________

وعليكم السلام ورحمة الله

انا غسالتي سامسونج

ان شاء الله انها تشبها في الطريقه

بالنسبة انك تبغي تغسلي غسيل متكرر يعني بنفس الماء والصابون مثل ما هو موضح في الصور

اولا



اضغطي موفر الطاقه

واتماتيكيا بيعملك الثلاث وظائف



بعدها اضغطي على الزر اللي تحت واختاري غسيل بس يعني بتضغطي كذا مرة الى ان تضيئ الخانه اللي عند الغسيل فقط




واختاري مستوى الماء على حسب كمية الغسيل

وبعدها اضغطي على تشغيل



كذا تبدا تعبي الغساله وتغسل وتتوقف من دون ما تصرف الماء والصابون

ان شاء الله اكون افدتك

اما باقي الاسئله اتمنى من الاعضاء افاتدك فيها