فى البدايه احب ارحب بكل الموجودين فى المنتدى وياريت تفيدونى فى مشكلتى
انا مخطوبه لابن خالى هو اكبر منى بسنه منكرش انى حبيته وهو كمان بيحبنى بس المشكله ان الحب دة بيموت بسبب معاملته ليا اللى كلها قسوة وغيرة وعلى طول بنتخانق وعلى اى حاجة نزعل بس السبب انه معندوش استعداد يتكلم ويتناقش ويتفاهم كل حاجة عنده بالامر وانا راى مش مهم بالمرة جيت على نفسى وبعدت عن اى حاجة بحبها عشان خاطره تصوروا انه طلب منى مكلمش عمتى ولا حتى بنات خالتى وكمان اصحابى لا ومش كفايه ممنوع الخروج وياسلام لو اتصل وانا بتكلم فى التليفون يبقى يوم ما يعلم بيه الا ربنا يفضل يتخانق ولازم يعرف بكلم مين وليه واسئلة متنتهيش كل دة ومش كفايه دايما بيقلل منى دايما يحسسنى انى ولا حاجة وقالها لى اكتر من مرة دايما يغلط فيا وانا اتحمل عشان بحبه لغايه ما خلاص تعبت وفجأه لقيت نفسى بنفجر زى البركان واتمردت على الوضع دة وهو طبعا شايف ان دة مش من حقى وغلط انى اتحداه مهما حكيت مش هقدر اقول على اللى بيعمله المهم انى قررت انهى الخطوبه دى وكفايه لغايه كدة ياترى انا كدة اتسرعت ولا فيه خطوة تانيه لازم اعملها ؟

اسفه جدا على الاطاله