الى المتزوجات فقط هل تخبرين زوجك لو حصلت لك معاكسة؟
السلام عليكم و رحمة الله و بركاته
سؤالي للمتزوجات
طبعا كلنا بنعرف قرف شباب الايام هاي بس والله مش بس شباب
شباب وشياب و عجائز و مراهقين اصغر من عمرك بكون ب10 سنين واكتر
المهم المشكلة انو حتى بتكوني ماشية بحشمتك وعبايتك ولامكياج ولا عطر
وبرضو بتتعاكسي
انا مرة شفت منقبة مسكينة في حالها مو باين منها اشي برضو بعاكسوها
!!!
عشان ماتقولو كيف انا بقلكو كانو يحكولها ليش ياحلو مغطي هالجمال ورينا حلاوتك
والادهى لو انت ماشية ومعك ابنك يعني ياعالم ياناس متجوزة اتقو الله في اعراض الناس
يعني بقول هالكلام عشان مايجي متفلسف ما ويقول لو الوحدة ماشية باحترامها مابتتعاكس
يشهد ربي اني اخرج بدون عطر ولامكياج عباية واسعة وحجاب ومافي شي ملفت ابدا
المهم لو شاب او احد ما عاكسك بكلمة وراح
بترجعي عالبيت تحكي لجوزك؟؟؟
وازا حد عاكس عالجوال واحد تافه يعني
بتحكي لجوزك؟
اما عن نفسي
فانا لو لم اقول لزوجي كل شاردة وواردة ولو تافهة جسمي بيتحسس
حتى معاكسات ولا غيرو
اي شي
لهيك برجع اجري اقلو من باب انو لازم اقلو كل شي
بحس بالزنب لو ماحكيت
مع انو مافي فايدة الا انو جوزي المسكين بنحرق دمو وبسب وبدعي عالمعاكس المجهول
مو انو واحد جار او معروف عنا وبنقدر نروح نمسكو ونشرشحو
لا
بس مع هيك بروح احكي غصب عني
بس اخر فترة صرت احس الامر راجع علية
يعني لو كنت لابسة نظارة شمسية في الشمس واحد علق عشان النظارة (تفاهة الناس وصلت القمر ولسة بعاكسو عشان نظارة تحمي من ضرر الشمس)
صار جوزي يقلي ماتحطي نظارة شمسية عالفاضي والمليان
واحيانا ينرفز ويقلي ماتروحي مكان لحالك مع انو زوجي ظروف شغله تحتم علية انا اطلع لوحدي واقضي حاجاتي وحاجات البيت
بس برتفع ضغطو لو حد دايقني وبصير مصمم يعمل المستحيل ليوصلني عكل مكان بس المسكين مابقدر في النهاية
وماتنسو الطلعة عالسوق مع الرجال بترفع الضغط
المهم مابعرف صرت احس انو مافي فايدة من الموضوع بس جوزي بدايق و بصير يقلي اعملي وماتعملي
لكن معاكسات الجوال اكيد بروح احكيلو
لانو بياخد الرقم و بتصل و .............
برايكو ضروري الوحدة تقول كل شي بصير في خارج البيت حتى لو معاكسة من واحد راح ومارجع
ويعني مافي شي بيصير الا حرقة القلب والدم للزوج وبس
ياريت كل متزوجة تقللنا شو بتتصرف بهيك مواقف
انا بحس لو ماقلت لزوجي اني مش صريحة و بكزب عليه لهيك مابقدر الا احكي
تصرفي صح؟
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
02-08-2009, 10:44 PM
ضوابط المشاركة
العرض الشجري