مصيبة الرجاء الدخول و الدعاء لنا ولو بظهر الغيب
السلام عليكم ورحمة الله و بركاته
اكتب وانا شاعرة بالضياع الكامل
مختصر الكلام
زوجي رجع من الشغل وحالته النفسية بالمرة
بساله مالك مابيرد مالك مابيرد
بالاخر بقلي استقلت من الشركة
!!!
ماقلي الحكاية لانو قرفان لاقصى درجة
انما زوجي عزة نفسه وكرامته فوق كل اشي مستعد يموت من جوعه
وفي احد الموظفين التافهين برتبة متندية جدا وتعليم صفر
انما لانو مواطن ...( ولااعيب هنا عالمواطنين ولكن الامر لا يخلو من دناءة البعض وعنصريتهم الكذابة)
صار مشكلة وغلط على زوجي بالكلام وقال كلام قذر لزوجي الي هوة مدير قسم بحالو وبيسوى بلد
وزوجي ماتحمل وضربه
زوجي مشكلته دمو حامي مايتحمل الاهانة
وفورا ابعت استقالات للمدراء والمسؤولين
المشكلة القسم بالبلد هون فوضى جدا وخالي من الرقابة وسلطة وشوربة وكل واحد عكيفه
الاقسام الاخرى نظام واخر حلاوة انما لكل بلد خصوصية من حيث التقدم والتاخر
قلتله واحنا وين حنروح وحياتنا وابنك ؟قلي بدك جوز بكرامة لازم تتحملي
طيب مش كان استشرت حد
مش كان طلبت نقل او دورت فرع ومكان اخر وبعدين تنقلب الشركة باصحابهاللجحيم
سكر النقاش ونام وفجاة صحي
وحمل حالو راح الشركة والساعة 11 بنص الليل
على شو ناوي مابعرف وقعدت احاول اعرف شو بدو يعمل مابيرد ولا بيضد
والامور مقفلة معاه وانا خايفة عليه
وادعو الله ان تنحل الامور ولااعتقد ان يصبح الموضوع جدي او هكذا متفائلة
لانو خبرة زوجي كبيرة جدا ماشاءالله ويعمل لهم تطويرات واشياء ماحد قدر عليها في كل الافرع
ولكن مشكلة الفرع هنا الفوضى العارمة و قلة الادب و عدم الاحترام واعطاء كل انسان تقديره الي يستاهلو
يعني الصغير بيتعدا عالكبير والكبير بتعدا عالاكبر منو وكل واحد بلطش و بعمل الي عكيفو
سلطة عنجد
وزوجي تحمل كتير من فوضتهم وتصيدهم و نفاقهم
وتعب كتير لانو ماشي دغري ونظامي و يرد تحقيق مصلحة العمل و يكون ماشي تمام بما يرضي الله
وعنده العمل عمل
لكن لمين تقولو طبع العرب هوة هوة شغل الواسطات و المحسوبيات والخواطر
وهادا مابمشي مع زوجي لهيك تعبان معهم
هو خرج قبل قليل
انا ذاهبة الان للاستغفار حتى تنحل المشكلة طول الوقت والنهار والليل
دعواتكم لي ارجوكم ضاع مستقبلنا وين نروح؟؟؟
بالله عليكم ادعولي ومن يقوم الليل يدعي لنا بظهر الغيب ان يفرجها الله ويمر الموضوع على خير
لو احد يتزكرنا بدعواته في صلاته
يارب
ارجوكم لاتنسوني
الوضع صعب عنجد
ساتي واقول التطورات ان شاء الله
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
12-08-2009, 11:14 PM
ضوابط المشاركة
العرض الشجري