السلام عليكم ورحمة الله وبركاته
اسعد الله ايامكم بالمسرات يارب وكل سنة وانتم بخير..
انا بصراحه موضوعي مرره طويل بس بحاول بقد ما اقدر اختصر وتكفووون عطوني حل ..
السالفه ومافيها اني تعرفت على فتاه معي بالشركة قبل 5 سنوات وكانت بداية تعارفنا علاقة عمل سطحية مع العلم مافي بينا أي اختلاط مجرد اتصالات عبر الهاتف او الايميل المهم انا اعجبت بالبنت وهي برضو اعجبت فيني وللامانه البنت مرره محترمة وخلوقه بس ممكن العيب فيني ..
المهم تطورت علاقاتنا في مجال العمل اكثر واكثر وصار اذا في اي شي تتصل علي وكنت انا اللي انجز كل الاعمال اللي تكون هي مو قادره تعملها في مره من المرات وهذا بعد أكثر من 4 اشهر طلبت منها جوالها و والله العظيم ماطلبته من شان اتصل عليها خارج العمل او من هذا القبيل طلبته لان في بعض الاعمال الخاصه بالشركة صعب نتكلم فيها بالهاتف بحكم جميع المكالمات مسجلة المهم رفضت انا ما علقت على رفضها او جبرتها بعد فتره هي من نفسها تأكدت من الشي واتصلت على جوالي وهي كانت مكالمه وحده
لين بعد اكثر من شهر ارسلت مسج خارج الدوام وكانت تشكرني على حسن المعاملة والاخلاق انا برضو مارديت عليها وجلسنا على كذا فتره وتطورت علاقتنا اكثر واكثر لين صارحتني بحبها لي بشكل مباشر وانا برضو ما علقت وجلست فتره تسالني يافلان انت برضو تحبني او لا وانا ما ارد على السؤال لين قالت لي خايف تتعلق فيني برضو مارديت عليها وانا بالفعل احبها بس خايف اقولها اني احبك لين تعبت وصرحتها المهم استمرينا مع بعض كل شي تمام لكن كنت اغاااار بشكل مو طبيعي على البنت والله العظيم اخااف عليها اكثر من نفسي البنت مسكينه وعلى نياتها تحب اذا احد اتصل عنده شغله من قسمهم تجلس تاخذ وتعطي من الموظفين وانا كنت اتضايق كثير وماكنت اقولها بس كنت انصحها بشكل غير مباشر بعد فتره قالت لي ترى قلت لامي عنك انا انحرجت ولاعرفت ايش اقولها وهي من نفسها قالت يافلان انا ما اقدر اخبي عن امي شي سكت ومارديت بعد فتره جلست تلمح المسكينه عن الزواج بطرق غير مباشره وكنت فاهم انها تبي تترجم العلاقه اللي بينا الى زواج وماكنت اتكلم في الموضيع هذي على طول اغيرها المهم بعد فتره حصلت مشكلة بأن احد يتكلم على البنت عاد انا تضايقت واتصلت عليها وقلت ليش انتي تجيبين الكلام لنفسك ليش صايره خفيفه عاد انا زعلت مره وقلت يافلانه بينك وبينهم شي سكتت مره ومرتين بعدين قالت ان كان في بينها وبين وحد من الموظفين علاقه لكن انفصلت بسبب انه يبي يخدعها وان مافي احد بقلبي غيرك انا من بعد هذا الشي بصراحه صارت تجيني حاله من الشك والوساس سكت وكانت تصيح وانا مسكين على نياتي راضيتها وقلت قفلي الموضوع عاد قالت لي لك الشرف تتزوجين قلت لي الشرف بس بشرط انك تكونين تعدلين وضعك بالمره قالت من عيوني المهم استمرينا فتره معا بعض وعرفتها على اهلي كلهم من امي لين اخواتي وهي دايم معاهم على اتصال وتقابلو اكثر من مره بس برى يعني في مناسبات وغيرها المهم انا والله العظيم ابي البنت على سنة الله ورسوله واني ماكنت العب معاها او مسألة وقت حتى اهلي ارتاحو للبنت المهم انا دايم انصحها واخاف عليها رحت كلمت اهلي وقلت لهم ابي البنت كانو مويدين وقلو متى ماودك نكلم اهلها عطنى خبر قلت اوكي بعد كم يوم انعاد نفس الكلام الاول بين الموظفين انا تضايقت بالمره وشلت الفكره من بالي وكلمتها وقلت لها يافلانه اسمحي لي انا تعبت بالمره ولا اقدر اكمل معاك شفي نصيبك قالت انت ايش شايفني انا اعرف ايش اسوي وانا متعلمه ومتربيه و و و و قلت خلاص ننفصل هذا الحل اللي بيريحك وبيريحين رفضت وزعلت وقالت مسحيل اتخلى عنك لو ايش يكون قلت بصراحه انا ما اقدر انا اشك فيك انا ما استاهلك انا انا انا نا قلت انا راضيه بكل شي فيك قلت اذا انتي راضيه انا موراضي المهم اقنعتها ولافي فايده قالت مو شرط تتزوجني بس اهم شي لاتخليني وانا اوعدك اني اتعدل واكون احسن بكثير المهم سكت كالعاده وانا مررره اتقطع من داخل اقول يافلان حرام عليك انت ممكن تحرم البنت نصيبه حاولت مرات ومرات ولكن مافي فايده المهم صرنا احسن من اول بكثر وكثير طبعاً على شان ما اظلم البنت حتى انا فيني عيوب وكانت تعرف كل شي عني يعني مافي جانب واحد واضح لها كل شي واضح قدامه من ناحيتي المهم رجعنا وصرنا حلوين ومتفاهمين وكانت تنغص علي ببعض الاشياء ولكن انا امشيها لها واستمرينا ورجعت مره ثانية وقلت لاهلي نبي نتقدم لهم قالو خلاص الحين شهر وجايه الاختبارت بعد الاختبارات نتوكل على الله قلت طيب بعد ماكلمت اهلي بسبوعين جاني احد الموظفين وجلس يقول اتصلت اليوم على البنات عندي مشكله معهم وردت فلانه وجلست تقولي ترى شفتك بالجريده وجلست تسولف بعدين حولتني على المسؤله تبعهم ايش سالفته البنت ما رديت عليه وحسيت انه جاني شد عصبي في مخي زين ما فقدت نفسي واعصابي عاد خليتها شوي واتصلت عليها وهزئته وماخليت شي الا وقلته فيها وجلست تصيح واعذرني زلة لسان وما كنت اقصد شي بس الناس تفهم غلط المهم من ذاك اليوم وانا بالمررره تعبان حتى اهلي قالو ها متى تبين نكلمهم قلت انتظرو عندي شغل كثير الايام هذي خلوني اخلص وبعطيكم خبر ... تكفون ياجماعه ايش اسوي انا ما ابي احسس نفسي اني ظالمه صحيح انا قسيت عليها و وممكن اني جرحتها وتحملت هي بس ما كان من قصد اذيه لها او اساءه والله كل اللي ودي انها تعرف ان اللي تسويه مو صح ومستعد اعطيها واسوي لها اللي تبيه بس مو راضيه مو راضيه دايم واحنا بالمشكله هذي وبس ... قولو الحل ياجماعة قولو تعبت كثير تعبت بجد ان صرت اشك في جميع تصرفاتها لنا الحين اكثر من خمس سنوات ولحد الحين معا بعض بس مو معطيها اهتمام مثل اول ما ارد على اتصالاته حتي بالعمل يعني اخف من اول بكثر وهلي كل شوي وشوي اهلي جايني لين قلت لهم انا من نفسي بجي وبقولكم لاتتضغطون علي ..
18-08-2009, 12:42 AM
ضوابط المشاركة
العرض الشجري