السلام عليكم ورحمه الله وبركاته
موضوعي طويل وبحاول اختصر لكم وارجوكم عطوني الحل
تزوجت من تقريبا ثمانيه اشهر وفي شهر ثلاثه الماضي زوجتي زهبت الى بيت اهلها ورافضه وبااصرار الرجوع وطالبه الطلاق في البدايه كنت مقهور وميت كيف تطلب الطلاق وبدون اسباب حاولت ارجاعها بكل الطرق وبدون جدوى والحين خلاص توترت العلاقه بين الاهل واصلا اهي كل همها تتطلق وانا ما عندي مشكله طلب مني ابوها اطلقها وسوف يعطيني 20الف درهم وانا كنت رافض لازم يرجع كل المهر 90الفدرهم والحين يا جماعه انا ما ابا شي واذا اهم يبغون اي شي انا بعطيهم ورافضين يجو المحمكمه عشان الطلاق واخر اتصال معهم من شهر تقريبا وقلت لهم تعالو وما ابا اي اشي منكم ورافضين بسبب ان مش من عوايدهم البنت تقول ان انا ما ابا ريلي وعيب وهذا الي حاصل ان اهي الي ما تباني دئما يرددون اذا انت ما تبا البنت طلقها والله اني ابا البنت وما عندي مشاكل والغريب في الموضوع ان البنت تقول لاهلها ان محترم وكل بنت تتمنى واحد مثلي في البدايه قالو عمل وبعدين حسد وبعدين مس والحين العلاقات بين الاهل متوتره يعني راح المس وكل شي راح وانا رجل مش مثلها اهي معلقه وانا ابا ارتاح بس تعبت من التفكير والله ما اقدر انام مثل الناس وغيرت عملي في الليل بدل الصباح لاني ما قادر انام الليل وارجوكم عطوني حل ودعولي

ما حبيت أمر من موضوعك بدون دعوة في ظهر الغيب..

أدعو الله القدير في هذا الثلث الأخير من الليل أن يحنن قلب زوجتك عليك, وأن يؤلف بين قلوبكم, وأن ترجع إليك عاجلا غير آجل يا رب...

آمين

__________________
مآ هي إلآ سآعآت ، ۈ يقآل : رمضآن دخل ۈ مآ هي إلآ إيآم ۈ يقآل : رمضآن خرج ! ۈ بين ' دخول ۈ خروج ' فآئزون ۈ خآسرون : ) فيآ ربّ ، اگتب لنآ حضور شهر الصيآم ۈ أصم جوآرحنآ عن الآثآم ۈ اجعلنآ من المقبولين ۈ الفآئزين

وعليكم السلام ورحمة الله وبركاتة

عندي كم سؤال أطلب منك الاجابة عليها لكي أقدر أفيدك

1_ هل تحبها

2_هل النظام عندكم في الطلاق يلزم حضور الزوجة وأهلها المحكمة أم أنك تستطيع الذهاب للمحكمة ومعك شاهدان بدون أهلها وتطلق وتأخذ الصك ؟

3 _تعتقد ماهي الأساب التي تجعلها تصر على الطلاق ؟

__________________
ماعدت أنا ..ورقة ليمون , سافر معي , مطلقه صغيره ,
اخباركم

اكيد اني احبهاولا اتخيل اني ننفصل بس هذا قدر ومكتوب
والنضام عندنا مثل اي مكان اروح انا ومعاي شاهدين واطلق بس خوفي اطلق واتزوج تتدخل بحياتي لانها دايم تردد رايح اندم عليك واخاف تستوي قضايا ومحاكم وانا ابا ابدي حياه جديده
والله السؤال الثالث ما عندي له اجابه لاني ادور على الاجابه ومب قادر احصلها
واشكرك على المرور

العفو........ هذا السببب غير مقنع !!!!

مستحيل تتدخل في حياتك بعد الزواج لأنه حسب مافهمت أنها هي التي تريد الطلاق..وهذا يعني أنها لن تهتم لزواجك.

بعدين أنت ماتبغى المهر خلص وين المشكلة روح المحكمة وطلق بدون ما يحضروا

( ويادار مادخلك شر) دور راحتك وما عليك منهم .

__________________
ماعدت أنا ..ورقة ليمون , سافر معي , مطلقه صغيره ,
اخباركم

ياشين الحريم
اللي تهدم بيتها بيدهاا

حااااااول بالصلح ان صلحتواومدامك تبيهااا
حاول ترجعهاا
واقراالرقية الشرعية

وان شاءالله يصلح حالكم
وان خلاص رفضووووووووووووا

طلقها وربي يعوضكم

اتوقع انها تراجعت عن الطلاق حسب فهمي
وان شاءالله يكون ظني صح
الله يووفقك ويسعدك

__________________
دعواتكم لي
الله يجزاكم خير

يا آخي انت ماذا تريد؟

اذا تبي زوجتك روح تفاهم معها يا على الرجوع او الطلاق
و عشان لا تواجهك مشاكل مستقبليه استشير محامي في مساله الطلاق

امير لندن 00انا كنت متابعه لمشكلتك من قبل وش قلب الدنيا المشكله كانت بسيطه ماتوصل للطلاق!! على قولتك انك تحبها تحمل ممكن امها تسنعها او انها تحس بقيمة حياتها الزوجيه اذا عاشت عند اهلها على الهامش0ليش مافي صبر مهما كبر الموضوع انشاءالله بيكون في حل 0الله يجمع شملكم على خير0

اخوي

أتوقع ان موضوع ان النبت عيب تقول ما ابير زوجي وهالكلام مو صحيح..

اتوقع يبغونك انت تطلقها علشان يقولون هو اللي طلقها وما تسترجع فلوسك..!!


اللي أشوفه لو تقدر تهدي نفسك شوي..

خليهم هم اللي يفكرون ويهتمون ويقررون مو انت اللي تحترق وهم ولا على بالهم..


وضعك أحسن من وضعهم..
انت الرجل وهي المراة وهم أهلها..

انت تقدر تتزوج وهي ما راح تقدر الا اذا تم الطلاق..

هي في نظر المجتمع في بيت أهلها.. وانت في بيتك..

فليه شايل هم..؟


أقدر حالتك النفسية خصوصا انك تحبها وطلبت الطلاق بلا سبب وهذا الأمر فعلا يبعث للتوتر..

ثم بعد ذلك طلبوا الطلاق ثم أرادوا أن تكون أنت من يطلق!!

لكن يبقى انت الرجل وأنت أقوى موقف..


أتصور لو استطعت تتجاهل هذا الموضوع لفترة
وصدقني هي من ستتوتر هي وأهلها..

وسيتخذون موقف محدد

فرّج الله عنك..

في البدايه احب اشكرك على ردك الاكثررائع من والله يوفقك بحياتك المشكله انا دايم افكر فيهم وهم مب مهتمين وانا ماابا منها اي شي لان الايام الي بتاخذ حقي منهم بس ابا ارتاح منهم تعبت من التفكير