مرحبا اخواتي:

انا عندي جبنه بيضاء اللي بتكون مالحه يعني اللي بنكبسها بالملح
حتى تضل فترة اطول ...(جبنه الغنم او البقر )
انا حاليا عندي 40 قرص جبن اشتريتهم امبارح ... بيصير للجبنه اشي اذا ما كبستها بالملح والمستكه
والمحلب ... انا حاطيتها بالتلاجه ممكن تخرب لو ماكبستها ولا بتضل زي ماهيه
لانها بالتلاجه؟؟
زوجي طلب اني ما اكبسها لانه عجبه طعمها لانها غير مالحه كتير فشو بشتوروا عليه؟

ياريت الاجابه على سؤالي؟؟؟.........

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

بتقدري تفرزيها اذا ما بدك تكبسيها

فرزي كل خمس اقراص على حدى بالاول جربي على قرصين لمدة يومين اخرجيهم في الليل وضعيهم في الثلاجة وشوفي النتيجة لاني ما بعرف مدى جودة الجبنة في المنطقة التي تتواجدين فيها

لانها اذا طولت في الثلاجة تبدأ بالاصفرار و تصدر رائحة مزعجة اي تفسد

__________________

فهمت عليكي ... بمعنى الاصح كبسها
بس ما عمري جربت افرز اول مرة بسمع بتفريز الجبن
والجبنه اللي عندي نوعها جبنه غنم من طوباس

__________________
**..اللهم صلي على سيدنا محمد..**
** اللهم ما أصبح بي ( وفي المساء : ما امسى بي ) من نعمة أو بأحد من خلقك فمنكــ وحدك لاشريكــ لكــ فلكــ الحمد ولكـ الشكر..(( من قالها صباحا ومساءً فقد ادى شكر يومه )).

بالفريزر ما بتخرب
أنا بفرز الجبنة البيضا(مشللةومجدلةوحلوم) والموزاريلا وبتبقى متل ماهي وبنزل حسب الحاجة
أمابالبراد بتخرب

__________________
الكيس من دان نفسه وعمل لما بعد الموت/والعاجز من أتبع نفسه هواها وتمنى على الله الأماني

اوكي فهمت عليكي جبنة طوباس ما شاء الله عنها من انظف انواع الجبنة لدينا في المنطقة

اتركيني ليوم غد لاسال لك عن الطريقة الصحيحة لتخزينها بدون سلق والمقصود فيها او ما نقوله عنها جبنة خضراء او جبنة طرية لانها تختلف عن باقي انواع الاجبان الصفراء والحلوم والموزاريلا

__________________

هل الجبنة غير مسلوقة نهائيا؟؟؟؟

اذا مش مسلوقة لازم تسلقيها لو غلوة واحده بدون ملح انتي بتعرفي الجبنة الطرية او الخضراء احيانا تسبب الحمى المالطية وحتى يزبط تخزينها بالفريزرر لازم تكون مسلوقة مثل ما قلت لو غلوة واحده لانها اذا تخزنت بدون سلق في الفريز عند اخراجها من الفريز وتسيخ من الثلج بتفتفت

__________________