السلام عليكم ورحمة الله وبركاته
وكل عام وأنتم بخير
أناجديده على هالمنتدى دخلت بسبب مشكلتي التي كنت أبحث عن حل لها وأسعدتني مواضيعكم وردودكم الشيقه_لن أطيل عليك بالحديث وسابدامن هنا قصتي طويله جدآ فساختصرها

وهي أنني عقدت قراني بشاب أكبر مني بأثنى عشر سنه وأناقبيليه وهوحظري فدي ومضى على عقدقراني سنه هذا الانسان كان أختياري أناوكنت أختياره وحاربنا لكي نكون لبعض كان يصر على أهله بان أكون له قبل عقد القران بايام قليله صارحني أن بحياته بنت كانت معه طوال عشر سنوات وأنها تقيم معه بالحرام وأنها أكتشفت أنه سيتزوج وستذهب تبلغ الشرطه بانه ضحك عليها وأهمها بالزواج مع العلم أنهامطلقه وعندهابنت
وقال أبي وقفتك يابنت ألرجال وأنا سويت فيها بنت رجال وضربت على صدري وقلت عندي وسمحت له يتزوجها على شرط يطلقها بعد فتره وقال أنه مجبور وبعد زواجها ملك علي وبعدها كل شي أصبح كذب طبعآ زواجه منها كان بالسر والأن أهله عرفوا وأهلي بقي أيام ويتاكدو من الامر أعرف أني طولت بس أعذروني حاولت أختصر الي أقدر عليه الأن المشكله هي أني أغار بشكل جنوني وأحبه لدرجة الجنون وهو مبيت الليل والنهار عندها وموقادر يقول لهاشي ساحبه كل جولاته بمعنى أصح داعسه على رقبته وكل بعدشهرين يأجل الزواج أكثر والأن يقول تبي تصبري وتضحكي بالنهايه والعبره بالنهايه والي يضحك ولا أذامصره على الطلاق قولي لأبوك وأطلقك حاولت أصبر بس هو مطنشني ولاكاني زوجته وراكني على الهامش وأنقلبت حياتي راسآ على عقب وأصبحت بجحيم وماني عارفه وش أسوي أحبه وحبي له مسيطر على عقلي ودمعتي ماتنشف من على خدي تكفون أبي حل خلاص حيات أصبحت بالون أسود منفوخ هوى خانق أنتظرركم ودمتو_


الاشراف : عذراً تم تعديل العنوان بما يناسب المضمون

يا بنت الناس واضح من الاول انه مش مزبوط كيف ترضي على نفسك تتزوجي من واحد كان عايش بالحرام فتره طويله ايش الي يجبرك واكبر منك بي 12 سنه و زائد صارلك بس سنه معه مكتوب كتبابك يعني انتي على البر

مش عارفه كيف راح ترمي نفسك بالتهلكهه بالسهوله هذي خلاص اهربي بنفسك قبل فوات الاوان هذا رائي وربك يرزقك الافضل والي احسن منه وبعدين على ايش بتغاري على واحد ماعنده ذمه وضمير!!!!!!!!!

__________________

اسمحليلي اقلك انك مجنونه
كيف اصلا بقيت معه بعد ما صارحك
الي عمله بحياته من حرام وغلط
كيف ؟؟؟؟؟ قدرتي تصبري على الحكي 10 سنوات معها
ليه ما خبرتي اهلك وخلتي ينفضح في كل الدنيا وخليها تبلغ الشرطه
ما بدك اياه!!! وماشاء الله عليك كمان خليتي يتزوجها ومن دون علم حد
كيف هلا اصلا بدو يرجعلك ...خبري اهلك وما بدك هالانسان نهائيا ...

__________________

يعطيكم الف عافيه صحيح كل الي قلتوه وكأنكم تقرواأفكاري أنابداخلي أقرربكذاوأخذأيام وبعدهايضعفني قلبي ولاأقدرأقاوم طلبةالطلاق أكثرمن مره بس لمايشوفني جاده يقول مستحيل أتركك وكلهافتره وتعدي وأعوضك عن كل تعبتك فيه ويقول لأمي أناماأستغني عنهاأحبها وابيهابس تكبرعقهاوتصبرأشوي أحترت في كل شي كيف أخلي قلبي حجرمايحترك أحس أني ضعيفه كثيرقالوالي أتركيه لاتكلميه شهرين ثلاثه ولاتدوري عليه طالمايحبك حيفقدك ويدورعليك وقتهالاتضعفي وتسامحيه عرفيه
كيف يكون صعب يراضيك بس تعتقدون وحده مجنونه بحبه أومريضه بحبه تقدرتصبركل هالمده وربي صارت الدنياعندي لون واحدلون الجحيم_

انا رائي مع الاخوة

صراحه كيف تقبلي بواحد عايش 10 سنين بالحرام
وغير كذا يعرفها ويحبها اكيد من عشره سنين يمكن من اكثر

وانتي تعرفيه اكيد من فتره اقل من العشر سنين



ما جا في بالك انها حب مصلحه ؟؟؟؟؟؟؟؟؟؟؟؟


بعدين انتي المفروض مالك دخل بالموضوع


من اول ما قالك انا فيه وحده اعرفها وقتها انتي تقولي ه روح اتزوجها والله يستر عليك


وانا ربي بيوفقني مع واحد احسن منك


ايش منتظره من واحد اكبر منك ب 12 سنه


ويحب وحده بينهم عشره وعيش وملح


وانتي يا ترى ما فكرتي ايش يبغى فيكي ؟؟؟؟


ماعرف ليه انا متاكده ان فيه مصلحه في الموضوع



اختي انا اسفه كلامي ملخبط لاني مستعجله معزومه على الفطور

__________________
يارب ...والباقي وحدك تعلمه

خليها تنفعه يا بنت الاجواد

صدقيني ماهو بحاشمك اذا صرتي عنده دامه ما حشمك وانتي بعيده

دقي على الصدر وافزعي لنفسك .. واطلعي من الموضوع قبل لا يطيح الفاس بالراس يا بنت الناس

باقي على الافطار كم دقيقة .. وبدعي لك الله يثبت قلبك وتتخذين القرار الصائب

باين يختي انه لعااب .. لا تضيعين حياتك على انسان قبل يعيش بالحرام عشر سنوات

تكفيـــن من اخت انصحك .. ماهو من ثوبك . .ولا يناسبك .. والحب بيختفي امام اول مشكله صدقيني

فكري فكري فكري

الله يهديك ويفرج عن همك

__________________

بسم الله الرحمن الرحيم
(الخبيثات للخبيثين والخبيثون للخبيثات والطيبات للطيبين والطيبون للطيبات)
صدق الله العظيم

__________________

يا اختي الكريمة كيف تقبلين بشخص عايش مع امرأة اجنبية و يرتكب معها الخطيئة لمدة عشر سنوات ؟
هو الآن تزوجها و هما مناسبان لبعضهما فالطيور على اشكالها تقع ...
اما انتي فلا تنزلي من مستواك لمستواه و ابحثي عن شخص مستقيم يحفظك و يعرف قيمتك و قدرك

أنا لو مكانكـ والله ماأجلس على ذمته ساااااااااعه وحدهـ ...

حبيبتي المستقبل قدااااااااامك هذا كيف بتعيشين معاه وانتي عارفه انه يسوي الحرام ...

كيف بتوثقين فيه ؟؟؟؟؟

نصيحتي لك وأقولها بالفم المليان اطلبي الطلاق وأختاري شريك حياتك المستقيم .....

السلام عليكم
انا اؤيد كلم اختي بكر الشايب بشدة.. حبيبتي حطي عقلك براسك قبل ما توقع الفاس بالراس
ولا بعدها بسير الحجر من الارض والدم من راسك.. يعني ما ح يتأذى احد الا انتي انتبهي..