المس العاشق هو اللي يربطني عن الزواج - منتدى عالم الأسرة والمجتمع

06-09-2009, 08:24 AM

حزن ~

عضو جديد

تاريخ التسجيل: Jul 2009

المشاركات: 15

المس العاشق هو اللي يربطني عن الزواج

السلام عليكم ورحمة الله وبركاته

موضوع مشغل تفكير بالمره وابي منك الله يسعدكم تدلوني على الصح او ايش اسوي

فكري مررره مشتت ..

كان يتقدملي شباب كثير بس تصير ظروف او شي يمنع هالخطبه او الزواج

صابني احباط .. لكن صار الامر بالنسبه لي شبه مستحيل ..

مريت بظروف .. تعبت ومن اروح لطبيب يقول سليمه

كرهت المجتمعات اهملت نفسي كثير

بدئت امي تلاحظ سلوكي الغريب انوه ارفع صوتي عليها بدون سبب او اعصب واكسر الاشياء اللي حولي بدون اي سبب

حبيت العزله .. وبالمنام اشوف احلام مزعجه وكوابيس فضيعه

المهم مو هذي المشكله

جلست اتكرر على شيخ يرقيني

لكن تعبت وصرت اتضايق اروح

المهم .. جابت امي الراقي للبيت ... وصرت اخاف اطلع عنده

من يقراء علي اتعب .. المهم بعد كم زياره لنا .. قال لازم تكلميني

ابي اعرف اشياء خاصه منك اكثر

وكلمته .. وارتحت له وفضفضت اشياء بحياتي ماتكلمت فيها عند احد

طلع فيني مس عاشق .. وهو اللي يربطني عن الزواج

الشيخ قال لاتقولي لآحد غير والدتك

المهم مرت الايام وصار الشيخ يتكرر لعندنا

ومره اتصلت عليه والدتي عشان تأخر ماجاء لعندنا .. المهم طلب من والدتي انو انا اكلمه

اتصلت عليه .. وجلس يسئلني اشياء خاصه ( يعني بعد الرقيه ماصار يجامعني الجن العاشق )

وقالي ووش اسوي عشان المس العاشق

المهم .. هو سئلني وقال كم عمرك وقلت 28 .. قال العمر يمر وانتي ماتزوجتي !! انا استغربت من سؤاله

ورديت وقلت كيف اتزوج وانت تقول انتي بك مس عاشق هو اللي يمنع الزواج

قال :: دواه عندي .ومشكلتك تنحل بالزواج قلت كيف .. ؟

قلت: وشلووون

قال :طيب لو تقدم لك شيخ راقي توافقين تتزوجينه !!

قلت: ايييش .. قال اقصد اتوسط وادورلك شاب من الشباب الاخيار ( هنا صرف الموضوع )

........... قلت له غير الموضوع انت احرجتني

قال .. مافيه احراج

قلت اوكيه مافيه بنت ماتبي الرجل الصالح التقي

وانا ما انكر انو انا ادعي انو ربي يرزقني برجل دين

هنا قال يصير خير ان شاءالله :

وخبرته انو انا اتحلم بحلم يتكرر علي انو اروح عند شيخ يرقيني

ويفك السحر مني

قال .. تعرفي هالشيخ ..

قلت : لا

قال : مين يشبه

سكت شوي وقلت مادري

وانا اكذب هو الشيخ اللي بالحلم هو نفسه كنت اشوفه بالحلم قبل ما اعرفه او اروح له

مشكلتي هنا .... هالشيخ مرررره مبين اهتمامه لي حتى عند اخواني وامي

ومن اتضايق او يتغير علي شي تكلمه امي ويجي للبيت ويرقيني

واسلوبه مرره معي طيب حتى احس بأحساس تجاهه ماعمري حسيته برجل بالعالم بس ماخبرت احد

انا مررره متضايقه .. هو فاتحني بالزواج بطريقه غير مباشره

وانا انحرجت .. انا عارفه انوه هو مثله مثل الشباب اللي يصرفون النظر عني

بسبب المس العاشق اللي يبعد الزواج عني لكن نا محتاره

اتكلم مع الشيخ واقوله موافقه عليك والا دورلي عريس

او اسكت انا ابي اعرف هو ليش يكلمني بالكلام اللي كذا ليش جايب سيرة لو يتقدملك شيخ بتوافقي

وليش يهتم فيني اكثر من اخوي

اخوي به سحر والشيخ كل اهتمامه فيني

هل صحيح حابب يرتبط فيني والا مجرد اوهام ّّّ!!!

على انوه هو بنفسه يوضح اهتمامه

ملاحظه :: الشيخ انسان معروووف كثير بـ ........... ومن زمان يرقي الناس وعمره بحدود 45 وهو من نفس قبيلتي يعني يعرفنا كثير

اتمنى اشوف اراءكم والله تهمني كثير

انا محتاره مررره وماعند بعد الله الا انتم الله يحفظكم

......

التعديل الأخير تم بواسطة وردة بين الثلوج ; 06-09-2009 الساعة 02:23 PM السبب: العنوان ليناسب المضمون

06-09-2009, 09:10 AM

وانا اموت فيه

عضو مثالي

تاريخ التسجيل: Sep 2007

المشاركات: 525

ليه ماقلتي له انه هو الي في الحلم؟

واستشيري الوالده

وعلميها بكل التفاصيل حتى ما تشك فيه

والله يبعد عنا وعنكم كل مكروه

06-09-2009, 10:01 AM

دلع 2009

عضو جديد

تاريخ التسجيل: Sep 2009

المشاركات: 8

انا رائي انك تستشيري الوالده في هذا الموضوع

06-09-2009, 10:39 AM

TALAL3000

عضو دائم

تاريخ التسجيل: May 2004

المشاركات: 84

جربي شيخ ثاني او واحد غيره واكثري من الصلوات وعسى الله يبعدك عن المشاكل ويوفقك امين

06-09-2009, 12:20 PM

زماني على كيفي

عضو جديد

تاريخ التسجيل: Sep 2009

المشاركات: 21

اكثري من قراءة القرآن الكريم ومثل ماقالوا لج قوولي حق امج بحكم انها اخبر منج بالحياة

واذا الشيخ مافيه عيب وعاجبج استخييري وتوكلي على الله

07-09-2009, 12:22 AM

اسيرة ذكرياتي

عضو نشيط جدا

تاريخ التسجيل: May 2009

المشاركات: 490

مشكلتك غريبه
كيف تشوفين نفس الشيخ اللي يقرا عليك
شوفي شيخ ثاني وشوفي شيقول

07-09-2009, 03:24 AM

حسن وبس

عضو مثالي

تاريخ التسجيل: Aug 2006

المشاركات: 385

اقتباس:

المشاركة الأصلية كتبت بواسطة اسيرة ذكرياتي

مشكلتك غريبه
كيف تشوفين نفس الشيخ اللي يقرا عليك
شوفي شيخ ثاني وشوفي شيقول

اؤيد هذا الرأي ..

والشيخ اكيد انه متزوج ؟

وان شاءالله ربي يشافيك من المس ويرزقك الزوج الصالح

__________________

07-09-2009, 04:47 AM

المجاهد

عضو المنتدى الفخري

تاريخ التسجيل: Sep 2003

المشاركات: 14,022

اختي الكريمة

المرجو كتابة موضوع بإسمي على هذا الرابط للأهمية

http://www.66n.com/forums/forumdisplay.php?f=114

حفظكم الباري ورعاكم

بوركتم

07-09-2009, 06:50 AM

شيها نة

كبار شخصيات المنتدى

تاريخ التسجيل: Feb 2007

المشاركات: 2,734

أختي العزيزة حزن ..

الي أهم من العلاج الآن تقطعين علاقتك بالراقي ...

تقولين :

المهم بعد كم زياره لنا .. قال لازم تكلميني

ابي اعرف اشياء خاصه منك اكثر

وكلمته .. وارتحت له وفضفضت اشياء بحياتي ماتكلمت فيها عند احد

لازم تكوني ذكية وواعية أكثر من كذ!!!

لا تقبلين بالمكالمة مع أي راقي ولا الحديث عما تشعرين به من أجل العلاج ... فرق بين مكالمة فتوى أو تفسير رؤيا وبين الأمراض الروحية لأن فيها تفصيل كثير + متابعة .. >>> يعني بطول السالفة فيها وهذا لا ينبغي ويجر لما لا يُحمد عقباه..

وهناك منتديات للرقية الشرعية تقدرين تعالجين عن طريقها فيها رسائل خاصة يطلع عليها المدير العام للمنتدى .. والمشرفين .. وتأمنين أنت والمعالج الفتنة في هذه الحالة ..

غاليتي..
حسب تجربتي وعلى قد ما استخدمت وقريت في علاج تلك الأمراض الروحية..
لن ينفعك ولن يُشفيك مثل دحر الشيطان وطاعة الله في العلاج اختصري عليك الطريق والزمي الهداية + التوكل على الله واليقين به فهو الشافي وما أمرنا به هي أسباب وهو سبحانه إذا قضى أمرا أن يقول له كن فيكون ..

فرج الله عنك كربك وشفاك وأقر عينك بمن يسعدك و أُعيذك بالله من الشيطان الرجيم وطرقه ..

__________________
{ اللهم صلي وسلم على محمد وآله وصحبه تسليما كثيرا }

التعديل الأخير تم بواسطة شيها نة ; 07-09-2009 الساعة 06:54 AM

07-09-2009, 07:09 AM

#10

ذابحني الخجل

عضو جديد

تاريخ التسجيل: Feb 2009

المشاركات: 8

اسمعي نصيحة الشيخ خالدالجبير في شريطة اسباب منسية

صل البقرة في قيام الليل تحفظك من الشيطااان وتوكلي على الله وحافظي على الاذكاار
والزمي الاستغفار
وربي يحفظك

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه