لا احب الاكل فكيف ازيد وزني ؟

[the whale]

صباح الخير ..

باختصار .. انا طولي 167 ووزني 50 .. وابي ازيد وزني .. مقبل على زواج ان شاء الله :

1 - دشيت نادي استمريت 4 اشهر .. قالوا لازم تاخذ بروتينات .. لكن انا ما اخذت لاني ما اقدر استمر في النادي واذا تركته راح افش .. المهم .. تفقط تغيرت تفاصيل جسمي ( صدر وباي واكتاف .. الخ ) لكن الوزن زاد خمسة كيلو بس .. وتركت النادي من شهر .. ورد مثل قبل ..

2- اكلي قليل لدرجة ممكن يوم كامل .. ما اكل فيه الا مثلا .. خبزتين جبن .. ولا احس بجوع حيل ..

حاولت اكل .. لكن المشكلة .. انه ما عندي اهتمام ابدا بالاكل ولا باكلات معينة .. جربت اروح مطاعم وانوع .. ما استفدت ..

ابي وزني 60 كيلوا على الاقل ولا ينقص مرة ثانية .. شنو الحل ؟

(( يصير اخذ بروتين كل يومين .. وامارس رياضة المشي او الركض .. هل تكفي لحرق البروتين ؟ ))

ابي نصايحكم .. وجزيتم خيرا ..

[بكر الشايب]

الله يفرج همك

تدري اخوي اكثر ما ضحكني هو اختيارك لاسمك المستعار


لاتخاف

بكره بعد الزواج بتمتن غصب

[the whale]

	الرسالة الأصلية كتبت بواسطة بكر الشايب الله يفرج همك تدري اخوي اكثر ما ضحكني هو اختيارك لاسمك المستعار لاتخاف بكره بعد الزواج بتمتن غصب

هههههه حوت مسالم .. ما يحب الاكل ..

بس ياخوك النحف هذا مسبب مشكلة تعيب للاسف .. وهو اني اذا شفت اي مشهد مثلا واحد مكسور يجبسونه .. او جرح دم .. علطول اصاب بهبوط ويغمى علي عدة ثواني .. مع ان قلبي قوي .. بس جسمي للاسف لا ..

شكرا على مروركــ الكريم

[باريسا]

طيب هل حاولت تكشف في المستشفى ( عيادة الباطنية ) وتشوف يمكن فيك مشكلة

وإذا مافيك شي شلون تبي تمتن .. بعد الناس من وين تمتن غير من الأكل

طيب .. واهلك كلهم مثلك ضعااااااف وألا بس انتي كذا ؟؟

يمكن اهلك معودينك من صغرك ما يعطونك أكل واخذت على قلته

ويمكن نفسيتك مو مستقرة وتحاتي وبس تتزوج بكرة وتستقر النفسية تمتن



وبالنسبة للأغماء إذا شفت منظر دم .. أتذكر اني قريت أن في عصب عندك حساس >> ناسية شنو اسم هالعصب

وانت لا قلبك قوي ولا شي بالعكس أنت انسان حساس ومسالم وتتأثر بسرعه

[the whale]

	الرسالة الأصلية كتبت بواسطة باريسا طيب هل حاولت تكشف في المستشفى ( عيادة الباطنية ) وتشوف يمكن فيك مشكلة طيب .. واهلك كلهم مثلك ضعااااااف وألا بس انتي كذا ؟؟ يمكن اهلك معودينك من صغرك ما يعطونك أكل واخذت على قلته ويمكن نفسيتك مو مستقرة وتحاتي وبس تتزوج بكرة وتستقر النفسية تمتن

يعطيج العااافيى .. والله ما كشفت بس سويت فحص شامل .. وقالوا ما فيك الا العااافية .. مو ناقص عندك شي ..

انا اضعف واحد فيهم .. وفيه متان .. طبعا مستانسين على جسمي بس انا ما يعجبني ابد

وبالفعل صح انا مو متعود ابدا من وانا صغير اني اكل .. دايم اكلي قليل وصارت عادة ..

مشكووورة على المرور