بسم الله الرحمن الرحيم
ياريت يا بنات تساعدونى وخصوصا اللى عندها تكيسات.....انا الدوره عندى الحمد لله من بدايتها وهيه منتظمه
من كام شهر جانى الم فى احد الجانبين بسبب تنشيط زايد ....رحت لطبيب قالى عندك تكيسات بسيطه بسب التنشيط ده ...وانا فى الاصل عمرى قبل ذلك ماكان عندى تكيسات
المهم رحت لمركز أشعه وعملت سونار على البطن من فوق قالى مفيش تكيسات خالص وحجم المبايض تمام...
طبعا احترت جدا .....ذهبت لطبيب أخر ...قالى ما عندك تكيسات وحتى التكيسات لازم تكونى بدينه والدوره تتاخر وهى عندى منتطمه
المهم من بعد الشهر اللى حصلى فيه الم عدى 3 شهور وأخذت فيهم منشطات الدوره كانت تنزل عادى ومنتظمه كما تعودت

لكن الشهر ده ماأخذت شئ والدوره أتأخرت ليها كام يوم دلوقتى ...لكن عندى ألم الدوره (الم فى ظهرى)بس بسيط وبيروح ويجى وخايفه موت يكون كلام الطبيب الاول صح ويكون فى تكيسات وهى اللى مانعه الدوره.......وخايفه اروح أحلل ما يكونش حمل

لكنى فى نفس الوقت برضه عندى الم الظهر بتاع الدوره....

عاوزه استفسر منكم اللى عندها تكيسات و الدوره تتاخر عندها هل بتظل طوووووول وقت التأخير عندها الم الدوره كأنها هتيجى ولا ما بيكون عندها أى الم
وهل لما بتاخذ تنشيط الدوره بتنتظم ولا لازم تاخذ منظم للدوره؟
أسفه على الاطاله بس والله محتاجه ردودكم جدا لانى بجد حيرانه وهاموت من كتر القلق لانى أصبحت مش عارفه انا فيا ايه ومش عارفه ده حمل ولا لآ
وخايفه اروح احلل مايكون فى حمل وساعتها تكون صدمتين مش صدمه واحده صدمه عدم الحمل وصدمه عدم نزول الدوره مع انى طول عمرى منتظمه جدا عندى عشان كده قلقانه كتير ياريت تساعدونى جزاكم الله خير

حبيبتي ماتشوفين شر
فعلاً اللي عندها تكيسات تكون الدوره ماتنزل الا لما هي تنزلها بحبوب مثلاً
وغالباً اللي يعانون من التكيسات يكون وزنهم زائد ..

اذا كان تأخير دورتك أقل من 40 يوم طبيعي ممكن بعض الاحيان تحصل اللخبطه مع التنشيط
لكن اذا استمر وزاد الى شهرين واكثر الافضل أنك تنزليها ..

واحتمال يكون عندك كيس على المبيض وليس تكيس
والكيس على المبيض عادي ممكن تنزل الدوره وهو فيك واحيان يجي من المنشطات واحيان بدون منشطات
عموماً اعملي تحليل حمل علشان تتطمني
الله يكتب لك مافيه خير

__________________

جزاكى الله خيرا أختى على ردك........انا دورتى متأخره فقط 32يوم بس لانى مش متعوده تتأخر كده انا قلقانه جدا
وطبعا موضوع التكيسات قلقنى اكتر لما اتأخرت كده
بس حابه أسألك أو اى اخت تعانى من التكيسات ......يعنى لو اتأخرت الدوره شهرين مثلا هل كل وقت الشهرين بيكون فى الم كأنها هتنزل ...زى الم قبل الدوره ام بيكون بدون الم
لانى بعانى من الم فى الظهر والألم ده بيكون شديد قوى لما بتحرك حركه عنيفه أو بعمل شغل بيت كتير بعدها بيستمر الالم فتره ويزول ...وأيضا صداع مستمر بيبدأ مع الألم

وانتى قلتى ان اللى عندها تكيسات بنزلها بحبوب .......هل تقصدى حبوب تنزيل الدوره أم حبوب التنشيط؟ لانى الشهرين اللى فاتوا كنت بأخد تنشيط فقط وليس حبوب تنزيل لانها كانت أصلا منتظمه..........ارجو مساعدتى اخواتى وجزاكم الله خير

حابه اوضح سؤالى يابنات ........هل فى التكيسات الدوره بتنزل بمنظم الدوره ؟ ولا ممكن تنزل بالمنشط؟ ياريت اللى عن تجربه ترد عليا
لانى قريت ان اللى تعانى من التكيس الدوره مايتنزل الا بادويه تنزيل الدوره وانا لم اخذ غير المنشط ومع ذلك نزلت منتظمه ياريت الخبيرات فى الموضوع يردوا فانا فى أشد الحاجه اليكم
جزاكم الله خير

روحي حللي حمل بالدم اول شي و ازا ما في حمل روحي للدكتور
وان شاء الله تكوني حامل و تبشرينا

ان شاء الله ربنا يطمن بالك وتكونى حامل

بس بدى استفسر منكم بنات
انا الى 4 ايام باحس بالم فى المبيضين الاتنين ودوخة من فترة الصبح للعصر بس مش كل يوم يعنى هى مرتين تصير معى من غير ارجاع ففحصت ضغطى ودمى طلعو الحمد لله تمام وعملت تحليل منزلى بس طلع سالب
بس عمتى حكتلى انها عملت تحليل منزلى وطلعت حامل مع انه فحصها كان بعد الدورة
وانا مع كل الى بيجينى بيصاحبو تعب وارهاق كتير كبير ومغص فى اسفل البطن مع العلم انى انا ما بيجينى هالالم الا قبل ساعة من الدورة او بعد بساعة والاكتر انه ما بيجى وكمان الدورة ضايل الها 5 ايام


فطمنونى يا بنات الله يريح بالكم


وسامحينى حبيبتى دخلت فى نفس موضوعك بس لانه الاعراض متشابهة فبدنا نوفر عالمنتدى وسع


يا رب يرزقك الذرية الصالحة يا رب وتطلعى حامل

تعديل لفظ المشيئة .. الاشراف

لآ أبدا حبيبتى لا تتأسفى كلنا هنا لنساعد بعض وربنا يطمنك يارب .......بس على فكره انا برضه بحس بألم ناحيه المبيضين وألم فى الظهر بس الألم بيروح وبيجى يعنى ساعات بيكون موجود وساعات لآ بس بشكل عام الالم خفيف

اما عن الدوخه حبيبتى فهى فعلا تيجى عندى بس لما اكون اعده وأقوم مره واحده بحس بدوخه ولكن خفيفه جدا وبتزول فى ثوانى فهل هذا ما تشعرى به ايضا أم ماذا؟
وبالنسبه للتحليل ...التحليل المنزلى يقولوا مايبان معاهالحمل الا بعد 15 يوم او أكثر من تاخير الدوره يعنى اذا عملتى التحليل بدرى بيكون سالب طبعا
وكمان اسمع ان فى ناس ما يبان معاهم تحليل الدم أيضا لو كان بدرى وبالعكس الحمل ب يظهر بعد ما يعملوا التحليل كذا مره وفى المنتدى قريت عن حالات كتير بهذا الشكل
ربنا يطمن قلوبنا جميعا حبيبتى ....متابعاكى ومنتظره اخبارك

ان شاء الله خير يا رب

عالعموم اليوم رايحة اعمل تحليل كامل لكل شى وبطمنكو

يعطيكى الف عافية

تعديل لفظ المشيئة ( ان شاء الله ) .. الاشراف

__________________

والله اختي الله يحفظها ويقومها بالسلامة

كان عندها تكيسات بالمبيضين وكانت ما تحمل
لكن الطبيبة جزاها ربي الخير .. كانت مدري شو تعطيها يعني تتعالج والاكياس كانت تنزل من الدواء

بس الله يشفيك ويطيب خاطرك يارب

الحمد لله والشكر لله ......الدوره شرفت والحمد لله على كل شئ انا مش حزينه ابدا ..طبعا زعلت شويه لان مفيش حمل .....لكن بعد كده قلت ان قضاء ربنا دائما فيه رحمه
ورحمه ربنا ليا أنى اطمئنيت جدا انى كده احتمال كبير جدا جدا ميكونش عندى تكيسات لانها بتاخر الدوره لشهرين واكثر او بتنزل بدواء وانا الحمد لله لا هذا ولا ذاك لانها تعتبر جائت منتظمه ولوحدها بدون دواء لان الطبيب قالى من 22 الى 35 يوم تعتبر منتظمه

طالما مفيش تكيسات يبقى باذن الرحمن الحمل سهل وانا متفأله كتير .....
وكنت قريت فى موقع ان نزول الدوره المنتظم معناه (حدوث تبويض طبيعى _ الهرمونات سلميه _ المبيض سليم _ بطانه الرحم سليمه)
والله يا بنات حسيت ان التكيسات هذى هم وانزاح عنى ربنا يطمنكوا جميعا وما تشوفوا شر ابدا
( ربى لا تذرنى فردا وأنت خير الوارثين)