كيف تتاكد صديقتي ان زوجها مصاب بسحر ؟
السلام عليكم و رحمة الله و بركاته
احتاج رايكم في موضوع يخص جارتي وصديقتي
بالامس ذهبت لها و سهرت معها وكانت حزينة و حالتها حالة
قلت لها شو مالك قلت انو تريد الطلاق
فقلت لها لماذا
قالت لي اختصار الموضوع
هي تعمل مضيفة طيران و الحمدلله ماشاءالله راتبها ممتاز
زوجها مهندس وراتبه ممتاز
هي و زوجه من جنسيات مختلفة هي من جنسية افريقية وهوة من جنسية اسيوية يعني بعيدين عن بعض جدا لكن
النصيب جمعهما في نفس البلد
المهم اهله ماعمرهم حبوها ولا يريدوها
لكن بتقول مش مهم انا ما اذيتهم هما مش راضيين عشان مش من نفس الجنسية ويعني هما اناس الله يهديهم
المهم اهل زوجها مش محتاجين ماديا ابدا وبتقلي عايشين احسن مني ومنك والفلوس مغطياهم ماشاءالله
بالماضي خلال خطوبتهما و زواجهما يعني 3 سنين
كانت تقول ارسل لامك فلوس يقول والله اهلي مش محتاجين اشي ابدا فش داعي
يعني كان رافض ارسال نقود لاهلو لانو اغنياء ومش محتاجين ابدا ابدا
وكانت امه تعصب عليها وتبهدلها وتقول انت بتعصي ابني علية
الاهل شرهين ويطلبوومش موفرين رغم انو متوسعين جدا ماشاءالله
المهم مشت الحياة عادي
وبتقول فجاة تغير زوجها من هالناحية 180 درجة
صار يبعت لهم نقود بشكل غريب كانو هما مامعهم قرش
وبتقول هوة بيقول مش محتاجين لكن انا حر
يبعت مبالغ طائلة يعني في الشهر 2000 دولار
والمشكلة بتقول يقصر على البيت وهية مش مسؤولة تصرف راتبها عالبيت لانو متفقين هية تحوش الراتب عشان يفتحو مشروع مستقبلا
المهم وصارت تضطر تشتري طعام وهيك
وصار عايزها تدفع الاجار ومن هالامور
وزعلانين جدا من بعض
انا قلت يمكن محتاجين او في ضائقة بتقول لااااا انا اقسم عالمصحف مش محتاجين وهادا كلام زوجي
المهم
بتقول انا شاكة انو عملو الو سحر لانو فجاة بدون سابق انذار تغير جدا
ولديه خال ياتي هنا للبلد بالشهر مرة
وكل مرة بيجي من بلده الام للبلد هنا لابن اخته
يحضر معه اكل من بلده من اخته يعني حماة صديقتي
ووتقلي يصر عليه ياكلو بطريقة غريبة
ومايحضر للبيت لا يروح الفندق ويتصل بابن اخته ويقلو تعال جايبلك طعام
بتقول حاسة عاملين الو سحر
في حد بيجي من بلد لبلد بيجيب اكل ؟ طبخات و امور غريبة
انا قلت يمكن صدفة قالت لا انا شبة متاكدة في سحر في الموضوع
وبتقول في ليلة العيد كان ناوي ينزل لاهله هية كان عندها رحلة فقالت له انتظرني وماتروح نعيد سوا
وقلها حاضر مابدي اعيد الا معك واجل السفر لبعد العيد
واذا بها توصل تاني يوم راجعة من العمل وزوجها حاجز التيكت وكل شيء
وبتقولو لوين
بقلها امي اتصلت وبتقلي الان بدك تحضر غصب عنك وعن زوجتك
بقلها طيب بدو يبر امو
بتقلي هوة صار مايفكر ابدا وشو م الام تقول يجيري وراها بدون تفكير
اي نعم طاعمة الام واجبة
ولكن امه تسعى لخراب بيتها
ومش عايزة ابنها يخلف منها كمان !!!
وصار مثل المنساق وراء امه بافعال لا يعيها
وبتقول سافر و مااتصل وماعاد يتصل ويهتم مثل زمان
فهية خايفة يكون في سحر او شي
ذهبت من عندها وجلست افكر وحزنت عليها
انا حاولت اعطيها حلول اقلها اضغطي عليه ماتشتري شي للبيت بتقول ونموت جوع قلتلها مش حتموتو جوع اتحملي وكلي اي نواشف ولما يسال وين الغدا احكيلو ماعطتني فلوس لمصروف البيت وهيك
بتقول ضغطت عليه كتير و تحملت كتير وناقشته كتير
بالاخر مافي فايدة وصارت بدها تتطلق
ساعدوني هل تحضر شيخ مثلا ولا شو تعمل بالزبط لتكتشف الامر بدون متقل لزوجها
يعني مش معقول تحكي لزوجها امك عاملالك سحر
!!!
وجزاكم الله خير
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
26-09-2009, 07:37 PM
ضوابط المشاركة
العرض الشجري