أنا داخله منتداكم وأتمنى ألقى عندكم حل أو رأي لاني محتاره وموعارفه كيف أتصرف مع خطيبي

لانا مملكين لنا أسبوعين وزواجنا إن شاء الله بالصيف لبعض الظروف اللي تمنع إتمام الزواج بالفتره القريبه

المشكله إني أتهرب من مكالماته مو لشي هو شاب خلوق وأنا حبيته ولقيت فيه صفات كثيير حلوه

يعني مرتاااحه له كثير بس هو يحسب غير كذا لاني أتهرب من مكلماته خاصة بآآخر الليل

صراحه هو شاااب رومنسي وكلااامه معاااي مررره يتعبني مدري كيف أوضح لكم صراحه يوم يكلمني
أصير ودي يكون قريب مني وبنفس الوقت أستحي أوضح له هالشي لانا تونا ومن كثر ما يسمع الواحد
من فسخ قبل الدخول صار يخاف ما ودي يصير بينا شي الحمد لله أهلي محافظين وما يتركونا لوحدنا وما عندنا طلعات أو خلوه قبل الزواج بس يوم يكلمني صراااحه ما أتحمله وصرت كثير أتهرب منه بس هو يزعل

ويقول أنت ما أرتحتي لي ما تحبيني وأنا أحاول أصرفه مره بأنام بدري لاني تعبانه ومره أهلي يزعلون من المكالمات

بس هو يقول انت زوجتي حلالي ولو ألحين جيت سحبتك من شوشتك <<< طبعا يمزح فديته

حتى يوم يكلمني وربي أنطرم وما أقدر اصف كلمتين مع إني جريئه بس ما ودي يحس وأحاول بسرعه أنهى معاه المكالمه


هل انا غلطانه ما ودي يزعل مني وبنفس الوقت ماااا أقدر أتحمل

مدري تفهموني أولااااا



تكفوووون ساااعدوووني برأي لاني أخاااف يفتكرني كارهته أو ما ابغااه لانه صار يقول شكل أهلك غاصبينك علي وهو ما يدري قدره عندي مع إني أحاول اثبت له العكس وأوضح له وارسل له رسايل

بس صار يقول شكلك تتهربين مني



اسعفوووووووووووووووني بحل بااااااااقي على زواااااجنا شهوووووووووور