السلام عليكم والرحمه


انا عضوه جديده فالمنتدى


وعندي مشكله واتمنى انكم تساعدوني لاني وايد اعاني منها في حياتي مو قادره اتخلص منها
انا احب ولد عمي احبه من 5 سنين وللاسف هوه ما يدري بحبي ولا اني قادره اخبره او اعبر له نظرا
لعاداتنا وتقاليدنا


واخاف اني اخسره او يروح لغيري وأنا احبه وحاولت انساه ومب قادره وما اتخيل في يوم من الايام اخسره

احبه حب جنوني

وأنا مريت بنفس التجربه وخسرت انسان كنت احبه لاني ما قدرت اعبرله عن شعوري لانه مجتمعي واهلي ما يسمحون لبنت تعبر عن مشاعرها وعانيت وايد وتغربلت ودخلت ف حاله نفسيه ومرضت

وأنا مب قادره انسى الانسان اللي احبه حاولت اسنين وما قدرت وما ابي اعيد نفس التجربه لاني بصعوبه طلعت منها بعد ما انكشف امري

رجاااااااء انكم تساعدوني قبل اخسر هالانسان

واخسر حياتي عقبه

طلبتكم لا تردوني

يا زمن تكفا طلبتك وقف طعونك يا زمن من عذابي وش تستفيد

طيب عرفنا شعورك .. آيه شعور ود عمك تجاهك

مش يمكن يكون اعجاب من طرف واحد .. صدقيني لو ابن عمك عنده ميل نحوك لكان ذلك واضح وضوح الشمس .. ما تقولي كمان هو خايف من العادات والتقاليد ..

عموماً أسالي الله أن يكون من نصيبك فهو خير معين .. وحافظي على مشاعرك فهي غالية وجديرة بمن يستحقها.

بالتوفيق

كم عمرك ممكن اعرف ياغالية ؟


وعلى اي اساس بنيتي هذا الحب ؟

__________________

مبين اختي ان هرمونات مرحلة المراهقة تسيطر على مشاعرك
وان قلبك فاضي
وقد يكون لديك ضعف بالايمان

لذا غاليتي تقربي من خالقك
مااقولك صيري راهبة ....لا بل اهتمي بالخشوع في الصلاة
اكثري من الذكر وخصوصا قراءة القران و الاستغفار وقول (ربي اني لما انزلت الي من خير فقير)

حاولي شغل اوقات فراغك بهواياتك المفضلة
اهتمي بصحتك وجمالك
تقربي من الزميلات الصالحات المرحات
تقربي من والدتك واخواتك
لاتتركي مجال للتفكير ابدا بهذا الشخص فانت بذلك تضيعين افضل مراحل عمرك وهي الشباب بافكار لا فائدة منها
ومين هو هالشاب علشان تحرقين دماغك علشانه
اسألي الله دائما الزوج الصالح الذي يسعدك ولا يشقيك
رددي ((ربنا هب لنا من ازواجنا وذريتنا قرة اعين))
اش دراك يمكن تحصلين ولد عمتك ويصير عقوبة على عمرك ترى الظاهر مو دليل على الباطن وعلشان تفكين عمرك من التعلق بهالشاب تخيليه دائما بشكل بشع و انه راس ماله ادمي يعتريه مايعتري الاوادم

ماراح يقدر احد يساعدك الا اذا انت ساعدتي نفسي بارادتك وعزيمتك تقدري تنتصري على مشاعرك وحاولي تتفوقين بحياتك علشان ولد عمتك هو اللي يتمنى الارتباط بك مو انت اللي تلاحقينه وهو ما درى عنك وتذكري دائما دنيتك مليانه شباب احسن منه اسألي الله انه يرزقك الشاب الخير النافع الرحيم الكريم العفيف

بحفظ ربي اختي

__________________

	أستودعت الله نفسي وزوجي وذريتي وأهلي في ديننا ومالنا وخواتيم أعمالنا اللهم حصن بيتي من أوله لأخره ومن أعلاه لأسفله اللهم أبعد عنه الحرام بأنواعه وأجعل لنا فيه سعاده في ديننا ودنيانا وصلى الله على سيدنا محمد)

يا اخواني محد فهم مشكلتي عدل

بس تسلمون عالرد


انا ولد عمي بينلي انه يحبني يعني من تصرفاته


بس انا كل مره اصد عنه خوفا انه حد يشك فينا

بس انا خايفه يتحراني ما اباه


ويضيع من ايدي


ولله بيني وبين الجنون شعره


يعني شو اقوله كيف ابينله اني احبه


واختي (احب اسرتي ) يختي انتي ظهرتي برع الموضوع انا حددت مشكلتي ونتي ظهرتي منها

والحمدلله انا ذاكره ربي واصلي والحمدلله

وبعدين الحب مب حرام

انا مب يالسه اسوي شي غلط

اعرف عمري


وتسلمين مره ثانيه

اخوي بكر الشايب عمري 18


وبنيت هالحب مب انا عقيت عمري عليه


هوه من تصرفاته يبين وبعدين شنسوي القلب وما يهوى


والسموحه

هذي ممكن تكون مشاعر مراهقة لا اكثير من البنات في سن المراهقه يحسون بمشاعر الحب

لكن اذا اتحبي تتاكدي من مشاعرك اذا كانت حب فعلا ادعي الله ان كان فيه خيرآ ان يتم لك مـاتريدينه
امـآ ان كـان فيـه شر يبعـده عنـك وعـن حياتك

__________________
اللهم اجعلني نورا بين عيني خطيبي..
اللهم ارزقني حبه وارزقه حبي وارزقنا حب وجهك الكريم

تقولين عمرك 18 !! ؟؟


الله يصلحك ويعطيك طولت العمر


طيب انا بقولك حاجه حطيها براسك عدل


من 15 الى 20 سنه تقريبا ... ماراح تفرقين بين الأعجاب والحب


ممكن ولد عمك فيه شي عاجبك فقط لاغير



واتركي عنك الدلع وخليك بنت رجال


والحضاره ماهي بالحب والرومانسيه .... الحضاره بالعلم والفتوحات !!



<<< علم وفتوحات ؟؟؟ وخزيآآآآه بس !!

سألت عن عمرك لأني كنت ابي اعرف متى بدأ هذا الاعجاب (لن اسميه حب)

عمرك 18 .. من خمس سنوات تحبينه على قولتك يعني كان عمرك 13 !!

وقبل كذا تقولين كان في حب فاشل

يعني من متى بديتي تحبين الطرف الآخر يا بنتي؟

من عمرك 11؟؟




هذا ماهو حب

ومثل ما تصلين وتخافين ربك .. كوني متأكده انه نصيبك بيجي حتى لو جالسه بالصين

لاتبيني له ولا يبين لك

__________________

طيب كيف بين لك حبه لك

شوفي هي كلمة وحده حتى لو بعدين صار نصيب بينكم لاتخلي تصرفاتك او طيش منك في كفته
خليك عاقله ومولازم تبيني له


هو اذا يبغاك

حبخطب

او على الاقل بيجس نبضك ويرسل اخته تكلمك

اما يبين لك او يناظر لك ومدري اش

لاتصدقيهم

عارفك وعارفك بيتكم وابوك ومافي اي سبب يخوفه عشان ترفضي


والله يسترك دنيا واخره