مشكلتي مع وحده من قرايبنا وجارتي كيف أتعامل معها ؟
سلام عليكم
انا عضوه جديده ويشرفني الأنضام معاكم
انا عندي استفسار او سؤال واتمنى تجاوبوني
انا مشكلتي مع وحده من قرايبنا وجارتي هي مره حقوده وغيوره لدرجه ماتتخيلونها تغار من اي وحده اجمل منها وتحقد عليها وكأنها ذابحه ابوها
وهاذي مشكلتي معها تغار لاني اجمل منها وحاقده علي مره رغم اني ماسويت لها شي وانا الغرور مو من طبعي متواضعه جدا مع الناس وهاديه
والمشكله بعد انها اكبر مني هي عمرها 23 سنه وانا 17 سنه هي متزوجه وعندها بنتين وانا توني متزوجه ومشاكلنا من قبل زواجي وللحين ماادري وش السبب سكت لها كثير كانت تتكلم وانا اطنشها
يعني اي لبس البسه تسب فيه ماعمري لبست شي ومدحته وانا اسكت لها وتمسك علي اي غلطه حتى لو بي الكلام وتقعد تتريق علي فيها وانا اعديها لها اوانها تجلس تمدح في زوجها
وتسب في زوجي ودائما اسوي نفسي ماسمعتها وانشغل في اي شي ثاني
بس الشي اذ زاد عن حده ينقلب ضده
وربي كرهتها من تصرفاتها وصرت عصبيه كثير معاد اتحمل منها اي كلمه اشتعل من الغضب على طول
اقوم اصرخ عليها واسب فيها وهي بارده وترد علي بكل كلمه وهي اعصابها بارده عكسي تماما انا برودها يشعل غضبي اكثر واحينا بتوصل للضرب بس احترم الحريم الكبار الي جالسين عندنا واطلع على طول من المكان الي هي فيه
تكفووون عطوني حل ودي اقهرها مثل مااقهرتني ابيها تندم على كلمه قالتها ؟
هي انسانه لسانها طويل وماتستحي تصدقون انها
في جلسة بنات وتقول لهم عن حياتها الخاصه حتى عن علاقتها هي وزوجها في الفراش
بليززز ساعدوني وربي خلاص مااقدر اتحملها خصوصا ان زوجها وزوجي اصحاب وانا ماقلت لزوجي عن كل الي يصير
اخاف تخرب علاقتهم مع بعض لان صداقتهم قويه وانا والله مااحب المشاكل ووجع الراس
ابغى حل يخليها تتأدب معي انا ماعندي خبره في هاالحياه وماعرف اشلون اتعامل مع الناس الي مثلها
التعديل الأخير تم بواسطة وردة بين الثلوج ; 28-10-2009 الساعة 12:33 AM
السبب: العنوان ليناسب المضمون
24-10-2009, 04:26 PM
ضوابط المشاركة
العرض الشجري