بين دراستي وعائلتي
السلام عليكم جميعا
اليوم داخله على الله ثم عليكم تنصحوني النصيحه اللي استفيد منها وتخلصني من هالحيره اللي انا فيها
بدون طول كلام راح ادخل على طول ......مشكلتي تتخلص اني انا تزوجت وانا بس مكمله سنتين جامعه وكنت ناويه اكمل بعد الزواج ....بس كثير امور وقفت ضد دراستي منها ان الجامعه اللي كانت متاحه لي ما قبلت السنتين اللي كنت دارستهم ببلدي يعين لازم ابدأ من جديد وانا كنت لسه متزوجخ من كم شهر وحامل ببنتي الاولى
تركت موضوع الدراسه بحزن شديد لانه كنت جايبه نسبه 93 ونص في الثانويه وكنت من المتفوقات وكان طموحي اني اخذ البكاريوس .انا كنت ادرس بيولوجي (مختبرات طبيه )
المهم مرت الان خمس سنوات وصار عندي بنوتين وحده عمرها 4 سنوات والثانيه 2 والان امور زوجي الماديه الحمد لله تساعد اني ادرس وانا طول الخمس سنوات اتحجج انه زوجي ما عنده قدره ماديه يدرسني واهلي يزنون على راسي انه ادرسي وعلى حسابنا بس لا انا ولا زوجي كنا مرحبين بالفكره
الموضوع انه والدتي كلما تتصلي او احكي وياها على النت تفتح موضوع الدراسه وانا هذا الموضوع مسببلي غصه
الان اذا حبيت ادرس لازم بنتي الصغيره تروح حضانه وهي من النوع اللي متعلقه في لدرجه ما تتخيلوها يعني سجلت في معهد تحفيظ القران وصارلي اسبوعين اروح واجي ومو راضيه تجلس في الحضانه اللي في العهد نفسه وتصرخ وتظطر الاداره تصعده عندي وتجلس معاي في الصف
طيب اذا درست ومحاضرات والتزام اشلون وياها .؟؟؟
غير هذا انا من النوع اللي لما اقصر على بيتي وزوجي اتعب نفسيا يعني لازم كل شي بمكانه والبيت مرتب على طول .....واعرف اذا درست راح اقصر على بيتي وعلى علاقاتنا الاجتماعيه وعلى كثيييير شغلات تعرفها كل ست بيت ....زوجي دوامه طويل يعني ما يجي قب السبعه المساء يعني ما راح يساعديني ولا باي شي
والسبب الاقوى انه زوجي يرغب بانجاب طفل بعد ما صار عمر بنتي الصغيره 2 وشهرين .....والدراسه مو اقل من اربع سنوات تخيلو يكون عندي طفل ولسه باقيلي 3 سنوات دراسه وين اخليه وانا ما عندي اي احد قريب مني
احياا اقول خلص انا متعلمه واعرف كل شي ولغتي الانجليزيه جيده جدااا ...واسوق ومعتمده على نفسي في كثير شغلات ......يعني مو شرط شهاده خصوصا زوجي من سابع المستحيلات يخليني اشتغل بعد ما ادرس
واحيانا احزن واقول لا الشهاده تفيدني بعدين لما يكبروا اولادي ......ويجي ببالي اهلي اشلون اواجه والدي ووالدتي اللي كانوا بانين احلام انه اتعلم واخذ شهاده
اشلون راح اواجههم بقرار ترك موضوع الدراسه لبعد ما يكبروا اولادي ويخلص همهم يعني قصدي بعد ما اخلص خلفة اولادي كلهم واكبرهم ويكونو في لمدراس وبعدين ادرس انا
ادري كلامي مخربط ومو مرتب بس من حيرتي والله .......يارب ما تخيبون ظني وتوجهوني للطريق الصح
انا سجلت بدورة قران وجدااا مرتاحه خصوصا انها 3 ايام في لاسبوع ولمده ساعه ونص وحاسه ان راح اسوي شي لدنياي واخرتي
يلا انتظر ارائكم على احر من الجمر
26-10-2009, 04:10 PM
ضوابط المشاركة
العرض الشجري