السلام عليكم

ما أدري كيف أبتدي الموضوع
هو متعلق بخطيبتي (إحنا عاقدين)

قبل يومين كنا في رحلة
هي حبت إننا نركب على ظهر حصان و ياخذ بنا لفة على الحديقة
كل الأمور كانت تمام

لكن المشكلة ابتدت لما رجعنا لبيوتنا

كلمتني خلال 20 دقيقة و هي خايفة و تقول فيه دم ؟؟؟؟؟

وبعد فترة إلى أن هدأت قالت لي إنها لما ركبت على ظهر الحصان إحتاجت إنها تباعد رجليها شوية أكثر من اللي هي متعودة عليه
وحست بألم خفيف لكن ما إهتمت به


طبعا أنا ما أدري أحين شو اللي صار بالظبط لكن هديتها و فهمتها إنه الغشاء مستحيل يتمزق بمجرد إنها وسعت بين رجليها شوية، يمكن تمزق جزء خفيف و راح يلتئم بعدين. <<<<< لكني صراحة ما أدري عن اللي أقوله أساسا
و المفروض إنها ما تخاف من اللي صار

البارح أشوفها ساكتة عن الموضوع، مع إني ما قدرت أشوفها
لكن متأكد إنها خايفة

بالنسبة لي أنا أكدت عليها إنني ماراح أتركها أبد حتى لو صار و انفك الغشاء كله

لأني أعرفها و اعرف أخلاقها و ما راح القى احد أنسب لي غيرها

فأنا أطلب منكم نصايحكم
شو اللي أقوله لها أو شو اللي أقدر أعمله مشان ترتاح هي و ما تشيل هم اللي صار لها و لا تحاتيه كثير

إذا بالنسبة للزواج
أنا أحاول مع أهلي إني أخلي الزواج في رمضان الجاي
لكن هم رافضين لين يكتمل البيت كله بعدين أتزوج و أسكن فيه على طول

هل تقترحوا إني أقدم الزواج لأقرب وقت أقدر عليه وأسكن في شقة أجار! لين يجهز البيت! ( لكن الله يعيني أقنعها بهالفكرة ، لأنها رفضتها من البداية حتى قبل اللي صار)و ما أدري هل الأهل راح يقبلوا لو لا.


ساعدوني بليز